Jeremi 14:9 - Bible azumeina

⁹ Ma didina, ni kayam me ba, ang kak d’igi sama mandarâ d’oze d’igi grang ma mi ndak á sut sum mama d’uo na na ge? Wani ang nga adigamiya, a nga yami ki simiyêngû. Ang arami woi d’i.

Jeremi 14:9 Kruisverwysings

2 Sunda Hamuleinid’a 7:14

le man suma a nga yan simiyêna a hulong wa yazi kä, a tchenenu, a hal á wan iranu, le a ar tcho mazid’a woyo ni, an mba ni humuzï akulo, an mba ni vat hurun ndei yam tcho mazid’a, an mba ni mbut ambas mazid’a djivid’a.

Sawal la giled’a 10:1

Ma didina, ni kayam me ba, ang tchol sä woi hina dei ge? Ni kayam me ba, ata yima ndaka nga na ang ngei tang nge?

Sawal la giled’a 27:9

Ang ngei irang avoron ndi, ang zut azong mangâ woi kayîna d’i. Angî ma ndjununa, ang aran ndei d’i, ang gan ndei d’i, kayam angî Alo ma sud’una.

Sawal la giled’a 46:5

Aluma nga, ni ma mbiyom nga mi le suma avo hurazina hAlonina tazi djivid’ina. Azì máma ni yima kal tegles ma aduk yi ma kak ma tetengâ hi ma sä akulo ma kal teglesîna.

Isai 12:6

Agi suma avo Siyon-na, agi eregi ad’ugi akulo ki furîd’a, kayam Ma tin tam irat vat yam Israel-lîna ni ma ngol ma adigagina!

Isai 43:7

Agi mbeyegï ki suma pet suma a nga yan simiyêna, suma pet suma an lazina, suma an tchuguzina, suma an minizi á tagan subur manda woina mi.

Isai 51:9

Ma didina, ang zlit akulo atogo zak kad’eng manga, ang zlit akulo d’igi ang zlit adjeu kur atchogoi d’a kal lei dedeid’a na. Ni ang ba, tchi ambur ma Ezipte-na, ang tchok ambur ma a yum ala Dragon ma kur alum ma ngolîna mbilâ mi d’uo zu?

Isai 59:1

Agi djib’eregi ala Ma didina abomî gid’engâ á sud’ugi d’oze humam mbi ni ngela á humugiya zu?

Isai 63:19

Ami lami biza d’a ablaud’a ni d’igi suma ang te nga kazi yang tu d’uo na na, d’igi suma a yazi nga ki simiyêng yazi tu d’uo na na mi! Wani ladjï ang haû nakulod’a woyo, ladjï ang tchugï naseng kä ni, ahuniyôna a giget wa avorongû!

Jeremi 15:16

Ma didina Alo ma ad’engêng kal petna, ata yima an fe zla mangina, an tad’u. Zla manga ti mbut hur ma hapma ki furîd’a kurunu, kayam a nga yan ki simiyêngû.

Jeremi 51:5

Kayam ambas sa Babilon-nda ti oî ki tchod’a avok Ma tin tam irat vat yam Israel-lîna. Hina pet pî, Israel-lâ ki suma Juda-na, Alo mazi Ma didin ma ad’engêm kal petna mi arazi nga woi d’i.

Jeremi 8:19

Gola! Del la tchina hi sum manid’a, ti tcholï yam andaga d’a deid’a, ti dala: Ma didina mi nga kur Siyon d’uo d’ang zu? Amul matna mi nga kurut tuo mi zu? Ma didina mi dala: Ni kayam me ba, azi zalan hurun kangus ahle mazi suma tcheta kahle suma hawa ya’â hi suma dingîna ge?

Hor ma tchina 5:20

Ni kayam me ba, ang mar kami woi ki irang hina fafat ke? Ni kayam me ba, ang arami woi bizad’a ablaud’a hina ge?

Ezekiyel 48:35

Gulumun ma ngui azì ma ngol mámina, fiyagam pet ni metred’a 9000. Ar avok hî a mba yi azì ma ngol máma ala Ma didina mi nga kaka ka hî.

Habakuk 1:2

Habakuk mi dala: Ma didina, ni gak mindja ba, an nga ni yang á ndjunumiya, wani ang nga humumi d’uo ge? An nga ni yang yam huwak ka kamid’a, ang min á sud’umi d’i.

Zakari 2:5

Ma didina mi dala: An mba ni mbut ni d’igi gulumun ma akud’a na yam azì ma ngol máma, an mba ni mbut ni subur ra kurumba mi.

Zakari 8:3

Kayam ndata, an dala: An mba ni hulong kur Jerusalem, an mba ni kak kur Siyon kua. A mba yi Jerusalem ala Azì ma ngol ma d’engzengâ, a mba yi Siyon ala Yima nding mana, a mba yi yima ndingâ ala Yima a tinim iram vama mi.

Ndumba 11:23

Ma didina mi hulong de mi Moise ala: Na ni an kid’ak su? Ki tchetchemba, ang mba we zla d’a an data mba d’i le d’oze mba d’i le d’uo, ang mba we.

Sunda hi suma a sunuzinid’a 15:17

Kayam suma arâ pet a halan an Ma didina, suma pet suma an yazina a mba mbut sum mana.

2 Korente-na 6:16

Na ni gong nga kud’ora hAlonid’a ti zlap darigïd’a ki gong nga tuwal fileina zu? Kayam ei tei ni gong nga kud’ora hAlo ma arinid’a, d’igi Alona tamba mi de na ala: An mba ni kak aduk sum mana, an mba ni tit adigazi mi. An mba ni ka’î Alo mazina, azi mba ka’î sum mana mi.

Gat ta a hat á mbàd’id’a 23:14

Ar kang magina mi ka’î yed’et, kayam Ma didina Alo magina nga mi tit kur kangâ á ngomogiya, á dik magi suma djangûna woi avorogi mi. Ar mi we vama ndjendjed’a avo hatagi we ba, mi hulong ngei kazigam mbi.

Gat ta a hat á mbàd’id’a 28:10

Suma pet a mba wala a yagi ni ki simina hAlonina, a mba lagi mandaragiya.

Hebre-na 13:5

Ar d’od’oka hi beged’id’a kal kagi d’i. Ar agi kagagi tchugot ki vama nga abogina, kayam Alona mi dala: An mba ni arang vang ngi, an mba ni arang ngei d’uo mi.

Vama ndum mbeina 21:3

An hum del la ngola ti tcholï akulo ata yima zlam mba amula ti dala: Ki tchetchemba, yima kaka hAlonina mi nga aduk suma, mba mi kak ki sed’eziya, azi mba mbut sum mama. Alona tamba mba mi kak ki sed’eziya, mam mba arî Alo mazina.

1 Samuel 12:22

Ma didina mba mi aragi woi d’i, kayam simiyêm ma nde yinina; kayam ni mam tamba ba, mi min mbud’ugi sum mama.