Jeremi 14:19 - Bible azumeina

¹⁹ Suma Juda-na a dala: Ma didina, ang arami ni ami suma Juda-na woi ki irang fafat tchu? Ang golî Siyon is su? Ni kayam me ba, ang tomiya, ang nga tchilimi mbilimi d’uo ge? Ami tinimi hurumi ni yam halasa, wani vama djivi nga d’uo; ami djubumi ni suta, gol wani, ni tchina.

Jeremi 14:19 Kruisverwysings

2 Sunda Hamuleinid’a 36:16

Wani a nga las suma Alona mi sunuzïna, a gol zla mamba is, a nga san ad’u mam suma djok vuna, gak Ma didina hurum zal ngola yam suma. Ata yi máma a fe nga lovota á sut tazi d’i.

Wana ni mbaktumba hi Job-pa 30:26

An tin hurun ala an ni fe ni djivid’a, wani ndaka mba ni ndad’u; an djup mi b’od’a, wani nduvunda ti mba ni ndat zang.

Sawal la giled’a 78:59

Alona mi we hina wani, hurum zal ataziya, mi golozi is.

Sawal la giled’a 89:38

Mba d’i ka’î d’igi til ma nga mi le glangâs ma iratna sä kur akulod’ina na. Tchol ndjö

Zla d’a d’ogolâ 29:1

Sama suma a ngobom yazi ablaud’a nga mi hum vun nduo na, mba mi b’lak kei atogo zak. Kuma ma a mbud’um ki djivid’ina mi nga d’uo d’a.

Jeremi 12:7

Ma didina mi dala: An noî gong man nda kud’ora woyo, an ar sum mana woyo, an he suma an le kazi heîna abo man suma djangûna mi.

Jeremi 12:8

Sumala ni mana na, a mbut azlona kan aduk agud’a, a nga toï breîd’a atanu. Ni kayam ndata ba, an noyôzi woyo.

Jeremi 15:1

Ma didina mi dan ala: Le Moise azi ki Samuel a mba avoron á tchenen yam sum ndazina ni azi pî, tan mba d’i lan djivid’a yam sum ndazina d’i. Ang digizi sä woi dei avoronu, arazi a iya!

Jeremi 15:18

Ni kayam me ba, ndak manda nga d’i i avogovok ke? Ni kayam me ba, mbil man ma bei tchila ba na mi min tchil luo ge? Ang mba mbut kan ni d’igi mbiyo ma lau ma lobon irana na, d’oze d’igi mbiyo ma lau ma sa nga mi tin hurum kam mbuo na na zu?

Jeremi 30:12

Ma didina mi dala: Dak magid’a ni dak ka ngola, mbil magina ni mbil ma bei tchila ba na.

Jeremi 30:13

Sama mi hle zla magid’a kam á djinigi mbiligina nga d’i, kuma ma djivi ma mi ndak á tchiligi mbiligina nga d’uo mi.

Jeremi 51:5

Kayam ambas sa Babilon-nda ti oî ki tchod’a avok Ma tin tam irat vat yam Israel-lîna. Hina pet pî, Israel-lâ ki suma Juda-na, Alo mazi Ma didin ma ad’engêm kal petna mi arazi nga woi d’i.

Jeremi 6:30

Suma a mba yazi ala Kawei ma hap ma a golom isâ, kayam Ma didina mi noyôzi woyo.

Jeremi 7:29

Ma didina mi dala: Agi suma Juda-na, agi ngad’agi tumus sa kagi d’a fuyogei d’a tak kei ala agi tinigi tagi irat vad’u d’a, agi tchugut teyo, agi i gagi horâ akulo yam ahuniyô suma fuyogei suma va nga kazi d’uo na. Agi nandjaf ma nga mi djon ayî manina; an nga ni minigi d’uo d’a, an nga ni aragi woyo.

Jeremi 8:15

Ei tini huri ni yam halasa, wani vama djivi nga mi mba d’i. Ei nga djubi yima suta, wani ahle suma mandarâ a mba ni aziya.

Jeremi 8:22

Na ni kuma ma mbilâ mi nga Galät tuo zu? D’oze dokdorâ mi nga kua d’uo mi zu? Ni kayam me ba, mbilâ hi sum manina nga mi tchil luo ge?

Hor ma tchina 2:13

Ndak gor weid’a Jerusalem, an dak ana ge? An mba ni nga’î ki nge ge? Ndak gor wei d’a Siyon nda bei ngaf ki mandjuf ba d’a, an mba ni nga’î ki nge ba á b’lengêk huruk ke? Kayam mbil ma’â mi ngola d’igi alum ma ngolâ na. Ni nge ba, ndak á tchiliksi ge?

Hor ma tchina 2:22

Ang yï ahle suma a mbud’un mandarîna kan ata yina pet d’igi suma a yi tazi kur bur ma vun tilâ na. Ma didina, kur bur ma ayî mangâ sama sut nga d’oze sama prut tei nga d’i. Gugurei suma an wuluzi ni le kazi heîna, man ma djangûna mi dabazi woyo.

Hor ma tchina 4:17

Irami ti kau hawa kau á djup ma ndjunumina, ami djubumi andjaf ma mba á sud’umina tatâ pî, wani mi mba nga d’i.

Hor ma tchina 5:22

Na ni ang arami ni woi ki irang fafat tchu? Kur hur mang ma zala, ang noyômi ni woi ki irang fafat mi zu?

Mise 1:12

Suma Marot-na a nga djib’er yam djivi mazid’a, kayam ndaka ti tcholï ata Ma didina gak ti i avun agrek ma Jerusalem-ma.

1 Tasaloni’â 5:3

Fata suma a dala: B’leng nga halasa ki djivid’a a nga d’a, ata yi máma na wat, bad’a mba d’i nde kazi d’igi vuta ti nde yam atcha d’a wirâ na, a mba prut tei d’uo mi.