Jeremi 14:17 - Bible azumeina

¹⁷ Ang dazi zla ndata ala: Iran nga d’i yak simina falei kandjege bei ara ba, kayam a ka sum mana mbilâ. Ni b’lak ka ngola, mbil mazina ni mbil ma ngol ma kalâ.

Jeremi 14:17 Kruisverwysings

2 Amuleina 19:21

Ki tchetchemba, ang hum zla d’a an Ma didina nga ni dumzid’a ala: Ang Sanakerip, azì ma ngol ma Siyon-na mi golong is, mi san ad’ungû; Jerusalem mba djifâ ti hle yat tei ad’ungû.

Sawal la giled’a 119:136

Iran nga d’i djang simina d’igi mbina na, kayam suma a nga ngom gat manga d’i.

Sawal la giled’a 39:10

An kak mudjuk bei mal vunan ba, kayam ni ang ba, mban ahle ndazina kanu.

Isai 37:22

Ki tchetchemba, ang hum zla d’a mi dat kamba ala: Ang Sanakerip, azì ma ngol ma Siyon-na mi golong is, mi san ad’ungû, Jerusalem mba djifâ ti hle yat tei ad’ungû.

Jeremi 10:19

Jerusalem ti tchi ala: Ni zla d’a hohoud’a kanu! An fe mbilâ, mbilin nga mi tan heî. An dala: Wana ni tcho manda. An mba ni ve tan kur ndak man ndata.

Jeremi 13:17

Le agi humugi nga gat ndata d’uo ni, an mba ni tchi yam yam mba ad’eng magid’a gumunu, simina mba mi oî iranu, mba mi djang kä, kayam suma hi Ma didinina a mba izi magomba.

Jeremi 18:13

Kayam ndata, Ma didin mi dala: Agi djobogi aduk andjaf suma, ni nge ba, mi hum nga ahle suma hina na yam tu d’uo ge? Israel-lâ a le vama ndjendje ma kalâ.

Jeremi 8:18

Jeremi mi dala: Hurun b’lak kurun kakazeî, wani kuma ma b’lengên huruna nga d’i.

Jeremi 8:21

An hurun b’lak yam mbilâ hi sum manina, an nga kur yor tad’a, hohoud’a ti van mi.

Jeremi 9:1

Jeremi mi dala: Ladjï yan ni mbina, iran ni yima lau simina mi ni, an mba ni tchi andjege ki falei yam mad’a sum mana.

Jeremi 9:18

Ar a b’at tazi á tchi horâ ki delezi akulo keya, ar simina mi djang ireya, ar bizei ma ireina mi lap ki simina.

Hor ma tchina 2:11

Iran ndi zal abo simina, aruwad’an nga mi mbuzuk kurun dudu, mayâwan nga mi vo kä woi yam andagad’a yam b’laka hi sum manid’a, yam gugureina ki kem mba tchapona suma a nga seî kä ir palumba hazinid’ina.

Hor ma tchina 2:13

Ndak gor weid’a Jerusalem, an dak ana ge? An mba ni nga’î ki nge ge? Ndak gor wei d’a Siyon nda bei ngaf ki mandjuf ba d’a, an mba ni nga’î ki nge ba á b’lengêk huruk ke? Kayam mbil ma’â mi ngola d’igi alum ma ngolâ na. Ni nge ba, ndak á tchiliksi ge?

Hor ma tchina 2:18

Ndak Jerusalem, ndak i gen Salad’a, ndak tchiya, ndak zam tagu. Ar simi ma’â mi djang kä d’igi toliyonda na andjege ki faleya, ar ndak tuk tak ki, ar ndak ba tchi ma’â d’uo mi.

Amos 5:2

Agi Israel-lâ, agi ni d’igi gor wei d’a ti puk kä andaga d’a ti mita na. Agi mba hulong tchologi akulo d’i. A mba aragi kä yam andaga magid’a, Sama mi yogi akulona nga d’uo mi.

Mise 6:13

Ni kayam ndata ba, an mba ni togi ki ndaka, an mba ni b’lagagi woi yam tcho magid’a mi.