Jeremi 14:15 - Bible azumeina

¹⁵ Kayam ndata, an Ma didina nga ni de zlad’a yam suma a nga djok vuna woi ki simiyên suma an sunuzi nga d’uo suma a nga dala: Ayî ma durâ ki baktarad’a a mba mba yam ambasa d’uo na. An nga ni dagiya: Suma djok vun ndazina a mba tchazi avun ayî ma durâ, baktarad’a mba d’i dabazi woi mi.

Jeremi 14:15 Kruisverwysings

1 Amuleina 22:25

Mise mi dum ala: Ang tang mba wad’ud’a kur bur ma ang mba ring kur gong hî, kur gong hî á ngeid’ina.

Jeremi 20:6

Wani ang tang Pasehur ki suma a nga kaka avo hatangâ pet, a mba yogi magomba, a mba ing Babilon. Ang mba mit sä kua, a mba tozong sä kua zlapa ki buniyông suma ang djogozi vun ma ka zlad’ina pet mi.

Jeremi 23:30

Ma didina mi dala: Kayam ndata, an nga ni ngop suma djok vun suma a nga kul zla manda aduk tazina.

Jeremi 27:15

Ma didina mi de kua ala: An sunuzï nga d’i. Azi nga djo’î vun ma ka zlad’a ki simiyênu. Le agi humuziya ni, an mba ni digigi woyo. Agi mba dabagi woi ki suma djok vun suma a nga djogogi vuna ndazina mi.

Jeremi 6:15

Ma didina mi de kua ala: Djivid’a azi mbut ni zulona ata yima a nga lahle suma ndjendjed’ina. Wani zulona nga mi lazi d’i, zulo nga irazi hina nde d’uo ko. Kayam ndata, a mba puka ki suma a mba puk kä na, a mba ka azlard’eid’a ata yima an mba ni mba á ngobozina.

Jeremi 8:12

Ma didina mi de kua ala: Djivid’a azi mbut ni zulona ata yima a nga lahle suma ndjendjed’ina. Wani zulona nga mi lazi d’i, zulo nga irazi hina nde d’uo ko. Kayam ndata, a mba puka ki suma a puk kä na, a mba ka azlard’eid’a ata yima an mba ni mba á ngobozina.

Jeremi 8:13

Ma didina mi dala: An min dabazi woyo. A mba fe vuta ata guguzlud’a d’uo d’a, a mba fe vuta ata tuluma d’uo d’a, humazi mba d’i yak keyo. Ahle suma an hazizina a mba dap pei abozi mi.

Hor ma tchina 1:19

An yi suma a le kana, wani a mbud’un iranu. Man suma ngat buzuna ki man suma nglona a bo woi kur azì ma ngolâ kid’a a nga hal tena á ndjun ari mazid’id’a.

Hor ma tchina 2:20

Ma didina, ang gola, ang we suma ang nga djobozi vunazina! Na ni djivid’a á aropma a mut grozi suma kuruzi suma azi huruzi vazi heîna zu? Na ni djivid’a á tchi suma ngat buzuna ki suma djok vuna kur gonga hi ang Salad’a d’a a tinit irat vata zu?

Ezekiyel 13:14

An mba ni to gulumun ma agi gulud’ugizi ki lasod’ina kä woyo, an mba ni drizim kä woi andaga. Ad’um mba ged’a mba d’i ar rei pid’agi, mba mi dris kä woyo. Agi mba dabagi woi kurumu, agi mba wagi ala an ni Ma didina.

Ezekiyel 13:15

An mba ni ndak vun hur man ma zala á ngop gulumuna, á ngop suma a gulud’um ki lasod’ina mi. An mba ni dagi ala: Gulumuna nga d’uo d’a! Suma a gulud’uma pî, sa nga d’uo mi!

Ezekiyel 13:9

An mba mi hlabon kan akulo á ngop suma djok vun suma ahle suma hawa ya’â nga nde tazi irazi suma a nga djok vun ma ka zlad’ina. Azi mba kal kur toka hi sum manid’a d’i, a mba b’irizi simiyêzi kä kur mbaktumba hi Israel-lîd’a d’i, a mba hulong yam ambas mazi d’a Israel-la d’uo mi. Hina wani, agi mba wagi ala an ni Salad’a Ma didina.

Ezekiyel 14:10

Ma djok vun máma ki ma mba mi djobom zlad’ina djak, a mba zi aneka hi tcho mazid’id’a kaziya,

Ezekiyel 14:9

Wani le ma djok vuna mi lobom mi dum zla d’a dinga ni, ni an Ma didina ba, mba ni lop ma djok vun máma, an mba ni hlabon kan akulo á ngobomu, an mba ni pad’am mbei aduk man suma Israel-lâ mi.

Ezekiyel 33:6

Le ma ndjola, mi we suma djangûna a nga djïya, wani mi bu nga adifa á ge hum suma d’uo ba, suma djangûna a mba a tchi sa aduk suma ni, ndata ni tchod’a hi ma ndjolid’a. An mba ni djop mad’a sa máma natam mamu.

Amos 7:17

Kayam ndata, Ma didina mi dala: Amanga mba d’i le gaulangâ kur azì ma ngolâ, grong suma andjofâ ki grong suma aropma, a mba tchazi avun ayîna, a mba b’rau ir andaga manga ki ziyona. Ang mba mit ni yam andaga d’a ndjendjed’a. A mba yo Israel-lâ magomba, a mba izi woi dei kandaga mazid’a.

Mise 3:5

Wana ni zla d’a an Ma didina ni dat yam suma djok vun suma a nga vit sum mana woina: Le a nga ki hliuna avunaziya ni, a nga dala: B’leng nga halasa nga. Wani a nga dur ayîna ki suma a hazi nga va avunazi d’uo na.

Gat ta a hat á mbàd’id’a 18:20

Wani ma djok vun ma yam mba ad’eng ma nga mi de zlad’a ki simiyên nda an dumzi nga d’uo d’a, d’oze ma nga mi de zlad’a ki simiyê alo ma dingîna, ma djok vun máma, an mba ni tchum mbeyo.

Vama ndum mbeina 19:20

Mi ve ambur máma ki ma djok vun ma ka zla ma lahle suma atchapma avoroma. Nahle suma atchap suma mi lop ki suma a ve nomrod’a hamburâ ki suma a kud’or vama a yoromzina. Mi ve ambur máma ki ma djok vun ma ka zlad’a, mi tchuguzi karid’a kur apo d’a aku d’a bibiliu d’a ngal ki sufred’id’a.