Jeremi 14:14 - Bible azumeina

¹⁴ Ma didina mi hulong dan ala: Suma djok vun suma a nga djogogi vuna ki simiyên wana a ni suma ka zlad’a. An sunuzi nga d’i, an hazi nga vun ndi, an dazi nga zla d’uo ko. Azi djogogi ni zla d’a ka d’a nde tat irazi woid’a ki zla d’a djopa ki filei ma hawa ya’â ki mbut ir ra kuruzi krovod’a mi.

Jeremi 14:14 Kruisverwysings

Isai 56:10

Suma ndjola hi Israel-lîna pet ni suma duka, a ni suma bei wed’a. Azi pet nadurei suma ngela, a ndak nga á bud’a d’i; azi ni suma adïd’a dazina; a burî kä, a tcho’î sena vam tu.

Isai 9:15

Suma a nga tak lovota mi sum ndazinina a vid’izi ni woyo, suma a nga tit ad’uzina a hle ni lovot ta tchod’a mi.

Jeremi 20:6

Wani ang tang Pasehur ki suma a nga kaka avo hatangâ pet, a mba yogi magomba, a mba ing Babilon. Ang mba mit sä kua, a mba tozong sä kua zlapa ki buniyông suma ang djogozi vun ma ka zlad’ina pet mi.

Jeremi 28:11

Hananiya mi de zlad’a avok suma pet ala: Ma didina mi dala: Ar bizad’a mbà an mba ni kus dju’â hi Nebukanezar amul ma Babilon-na woi kel andjaf suma pet. Ata yi máma ma djok vun Alona Jeremi mi ge tam mi hle lovot mamba.

Jeremi 28:13

Ang i de mi Hananiya ala: Ma didina mi dala: Ang kus wa djuk ma aguna woyo, wani ang vrak ma kaweina balumu.

Jeremi 28:15

Ma djok vun Alona Jeremi mi de mi ma djok vuna Hananiya kua ala: Hananiya, ang huma! Ma didina mi sunungî nga d’i, wani ang nga zut suma á tin huruzi yam zla d’a kad’a.

Jeremi 29:21

Wana ni zla d’a Ma didin ma ad’engêm kal petna, Alona hi Israel-lîna, mi dat yam Ahap Kolaya goroma ki Sedekiyas Mäseya goroma suma a nga djok vun ma ka zlad’a ki simiyêma. Mi dala: An mba ni hazi abo Nebukanezar amul ma Babilon-na. Mam mba mi tchazi kä iragiya.

Jeremi 29:31

Ang sun de mi suma a yozi magombina pet ala: Ma didina mi de yam Semaya ma Nehelam-ma ala: Semaya mi djogogi vuna ni bei an sunum ba, mi zud’ugi á tinigi hurugi yam zla d’a kad’a.

Jeremi 37:19

Magi suma djok vun suma a djogogi vuna ala: Amul ma Babilon-na mba mi mba á durugi d’oze á dur ambas sa wanda d’uo na, a nga ni lara ge?

Jeremi 5:31

Suma djok vuna a nga djok vun ma ka zlad’a, suma ngat buzuna a nga te yamba kad’eng mazid’a, sum mana a min ala ahle ndazina a le hina mi. Wani dabid’a hahle ndazinid’a agi mba lagi ni nana ge?

Jeremi 8:10

Ma didina mi dala: Kayam ndata, an mba ni hamiyôzina mi suma dingâ, an mba ni hasinezi mi suma a yozina, kayam tin ad’ud’a ata gugureina dei gak mba ata suma nglona, azi pet a nga ki d’od’oka ata ahlena hi sumina. Tin ad’ud’a ata suma djok vuna dei gak mba ata suma ngat buzuna, azi pet ni suma mbut ira.

Jeremi 8:11

Azi nga djin mbilâ hi sum manina hina lologod’or, a nga dala: Halasa nga! Halasa nga! Wani halasa nga d’uo ko.

Hor ma tchina 2:14

Mak suma djok vuna, ahle suma a nde tazi woi irazina nahle suma ka zlad’a, nahle suma hawa ya’â. A nga vak ad’u tcho maka woi d’i. Ladjï a le na ni, a d’elek wa bei i magomba. Ahle suma a nde tazi irazi suma azi nga vaksi ad’uzina ni zla d’a hawa yak ka ka zlad’a.

Hor ma tchina 2:9

Bap mat ma avun agre’îna mi rot kä andaga, mi b’lak keyo. Kawei ma murguli ma atama mi kus seyo. Amul matna ki mat suma nglona a yozi a izi aduk andjaf suma dingâ. Suma a hat gatina nga d’uo d’a. Mat suma djok vuna pî, Ma didina nga mi ndazi va irazi woi d’uo mi.

Ezekiyel 12:24

Kayam vama hawa yak ma nde tam mbei ir sanina d’oze zla d’a de d’a aboi d’a lop vun suma d’a yam ahle suma a mba lena, a mba fazi aduk Israel-lâ d’uo d’a.

Ezekiyel 13:2

Ang gor sana, ang djok vuna mi suma djok vun suma Israel suma a nga djok vuna yam djib’er ra kuruzid’ina, ang dazi ala: Agi humugi zlad’a hi Ma didinid’a.

Ezekiyel 13:23

Ni kayam ndata ba, ahle suma hawa ya’â a mba nde tazi iragi d’uo d’a, agi mba djogogi vun ma ka zlad’a bugol luo mi. An mba ni sut sum mana woi abogiya. Agi mba wagi ala an ni Ma didina.

Ezekiyel 21:29

Ni kayam ndata ba, an Salad’a Ma didina ni dala: Agi nga gan human ki tcho magid’a á ndagi ad’u tcho magid’a woi abu, á tagagi tcho magid’a woi ki sun magid’a woi pet ala agi ni suma tchona. Ni kayam ndata ba, ma djangûna mba mi yogiya.

Mise 3:11

Mat suma ka sariyad’a a ka sariyad’a ni yam he d’a hawad’a, mat suma ngat buzuna a nga hat suma ni yam wuraka, mat suma djok vuna a nga djok vuna ni yam beged’a. A nga de d’igi suma a deng tazi ata Ma didinina na, a nga dala: Ma didina mi nga adigei d’uo zu? Ndaka mba d’i fei d’i.

Zakari 10:2

Filei ma agi nga djoboma nga mi dagi ni zla d’a kad’a, suma djopa, ahle suma a nde tazi irazina, nahle suma hawa ya’â. Adï d’a azi vagizi ad’uta, ni zla d’a hawa yaka mi. B’leng hur ma azi nga b’lengêgi ki hurugina, ni mbut ira. Kayam ndata, azi nga kur hohoud’a d’igi d’uwar ma salam ma pola nga d’uo na na.

Zakari 13:3

Le sama dingâ mi djok vuna d’eyu ni, abum kasum suma a vud’uma a mba dum ala: Ang ndak á matna, kayam ang de ni zla d’a kad’a ki simiyê Ma didina. Abum kasum suma a vud’uma a mba tchogom a tchum mbei ata yima mam nga mi djok vunina.

Gat ta a hat á mbàd’id’a 18:20

Wani ma djok vun ma yam mba ad’eng ma nga mi de zlad’a ki simiyên nda an dumzi nga d’uo d’a, d’oze ma nga mi de zlad’a ki simiyê alo ma dingîna, ma djok vun máma, an mba ni tchum mbeyo.

1 Timote 4:2

A mba vit tazi woi yam hata hi suma lop ira ki suma ka zlad’a. Azi ni suma djib’er mazi d’a krovod’a ti mit tei d’igi a niragat ni ki kawei ma a gum kakud’ina na na.

1 Jean 4:1

Buniyôn suma od’a, ar agi hagi gagazid’a yam suma a nga dala azi nga ki Muzu’â na pet ti, wani agi kugugiziya, agi wagazi na ni muzuk máma tcholï ni gen Alona zu? Kayam suma djok vun suma lop ira ablaud’a a b’rau wa woi kur duniyad’a.