Jeremi 14:12 - Bible azumeina

¹² Le a d’el tazi bei te tena pî, an mba ni hum tchi mazi ma hohoud’a d’i. Le a han he d’a hawa d’a ngala ki he d’a hawa d’a afuta pî, an mba ni vat abozi d’i. Kayam an min dabazi woi kayî ma durâ ki baktarad’a ki tugud’ei d’a tcho d’a tchi matna mi.

Jeremi 14:12 Kruisverwysings

Wana ni mbaktumba hi Job-pa 27:9

Alona mba mi humum tchi mama ata yima ndaka mba kama zu?

Zla d’a d’ogolâ 1:28

Ata yi máma agi mba yanu, wani an mba mi humugi d’i; agi mba halanu, wani agi mba fan nduo mi.

Zla d’a d’ogolâ 15:8

Vama ngat buzuna hi suma asa’atnina ni vama ndjendjed’a ir Ma didina, wani tam nga d’i lum djivid’a yam tchenda hi suma d’ingêrîd’a.

Zla d’a d’ogolâ 21:27

Vama ngat buzuna hi suma asa’atnina ni vama ndjendjed’a, ni vama ndjendje ma kalâ ata yima azi mbam ki djib’er ra tchod’ina mi.

Zla d’a d’ogolâ 28:9

Sama nga mi tos humam mbei á hum gatina, Alona mi gol tchen mamba ni vama ndjendjed’a.

Isai 58:3

Azi nga dan ala: Le ang nga golomi d’uo ni, d’el ta mami d’a bei te tenid’a, zlat ni zla me ge? Le ang nga tin irang kami d’uo ni, mbut ta ami mbud’umi tami hohoud’id’a, zlat ni zla me ge? Wani an hulong dazi ala: kur bur ma agi d’elegi tagi bei te tenina ni yam min magid’a, agi lagi magi suma a lagi sundina kad’enga mi.

Jeremi 11:11

Ni kayam ndata ba, Ma didina mi dala: Gola! An nga ni mba ki ndaka kaziya, ni ndak ka azi mba buzuk kei kurut tuo d’a. Azi mba tchi kanu, wani an mba ni humuzi d’i.

Jeremi 11:14

Ang Jeremi, ang tchenen yam sum ndazina d’i, ang tchi kan ndoze ang tchenen tchen nda hud’a kazi d’uo, kayam an mba ni humuzi ata yima ndaka mba d’i mba kazi azi mba yan á ndjunuzina d’i.

Jeremi 15:1

Ma didina mi dan ala: Le Moise azi ki Samuel a mba avoron á tchenen yam sum ndazina ni azi pî, tan mba d’i lan djivid’a yam sum ndazina d’i. Ang digizi sä woi dei avoronu, arazi a iya!

Jeremi 16:4

Azi mba bo ni bo d’a hohoud’a. Sa mba mi tchi kazi d’i, sa mba mi tozozi d’uo mi. Azi mba mbut ni d’igi siligitna na kä yam andagad’a, a mba tchazi avun ayîna, baktarad’a mba d’i tchaziya, mad’azi mba mi mbut ni tena haluwei suma akulona kamburei suma yam andagad’ina mi.

Jeremi 21:6

An mba ni tchi suma kur azì ma wanina ki d’uwarâ woi pet. A mba bo abo tugud’ei d’a tcho d’a tchi matna.

Jeremi 24:10

An mba ni sun ayî ma durâ ki baktarad’a ki tugud’ei d’a tcho d’a tchi matna adigazi gak a dabazi woi yam andaga d’a an hat mabuyozi ngolo zlapa ki azid’a mi. An Ma didina ni de na.

Jeremi 32:24

Gola! A nga mbu andagad’a ad’u azì ma ngol ma wana á hlumu. A mba hazì ma ngol máma abo suma Babilon suma a nga durum ayînina. A nga hal á hlum kayî ma durâ ki baktarad’a ki tugud’ei d’a tcho d’a tchi matna mi. Zla d’a ang data ti ndak wa, ang nga golot ki irang mi.

Jeremi 6:20

Ni djiviya me ba, a mban ki dubang ma his djivid’a ma Seba-na, ki dubang ma his djivid’a ma yam ambas sa deid’ina ge? He d’a hawa mazi d’a ngala nga d’i lan tan djivi d’i, ahle mazi suma ngat buzuna tan nga d’i lan djivi kazi d’uo mi.

Jeremi 8:13

Ma didina mi dala: An min dabazi woyo. A mba fe vuta ata guguzlud’a d’uo d’a, a mba fe vuta ata tuluma d’uo d’a, humazi mba d’i yak keyo. Ahle suma an hazizina a mba dap pei abozi mi.

Jeremi 9:16

An mba ni ndjoyôzi woi aduk andjaf suma abuyozi ngolo a wazi d’oze azi tazi a wazi nga d’uo na, an mba ni sun ayî ma durâ blogozi gak ni dabazi woyo.

Ezekiyel 14:19

D’oze le an sunï tugud’ei d’a tcho d’a tchi matna kur ambas ndata, le an ngobozi ki hur man ma zal ma gugulu’â á tchi suma woi ki d’uwarâ,

Ezekiyel 14:21

Salad’a Ma didina mi de kua ala: Ladjï an sunï ngop man nda fid’id’a, nala, ayî ma durâ ki baktarad’a kamburei suma ayîna ki tugud’ei d’a tcho d’a tchi matna á ngop Jerusalem, á tchi suma woi ki d’uwarâ ni,

Ezekiyel 8:18

An mi, an mba ni lazi ki hur man ma zala na mi, an mba ni wazi hohowozi d’i, an mba ni djib’er kazi d’uo mi. Fata azi mba tchi ki delezi d’a ngola akulo humanda, an mba ni humuzi d’uo mi.

Wana ni mbaktumba hi Oze-d’a 5:6

Azi mba i ki tumiyô mazina kamuzlei mazina á halan an Ma didina, wani azi mba fan ndi, kayam an wal tan ndei dei ki sed’eziya.

Amos 5:21

Ma didina mi dala: An noî vun til magina, an golom is mi, tan nga d’i lan djivi yam vun til magina d’uo mi.

Mise 3:4

Kayam ndata, fata agi tchigi yam Ma didinid’a, mam mba mi hulongôgi humba d’i, mba mi hagi azigam ata yi máma yam sun nda tcho d’a agi lata.

Zakari 7:13

an Ma didin ma ad’engên kal petna ni dala: Kayamba azi humun nga d’uo ata yima an yazinid’a, fata azi yan ala an ndjunuziya d’a, an nga ni humuzi d’uo mi.

Malatchi 1:10

Ma didin ma ad’engêm kal petna mi dala: Agiya, ni nge adigagi ba, mba mi duk vun gong man nda kud’ora akulo tala agi ngalagi akud’a yam yi man ma ngal ahle suma ngat buzuna hawa yak kuo d’a ge? Tan nga d’i lan djivid’a kagi d’i. An min ve he d’a hawa magid’a abogi d’i.

Malatchi 2:13

Wana ni vama ding ma agi nga luma: Agi nga tchigi ata yima ngal ahle suma ngat buzuna hi Ma didinina ki simina iragi ki yor tad’a mi, kayam mam nga mi tin iram yam he d’a hawa magi d’a ngat buzuna d’i, nga mi ve va abogi d’uo mi.

Vama ndum mbeina 6:8

An gola, an we akulum ma bolona. Ma nga kama a yum ala Matna. Yima azuleina nga mi tit blogomu. Andagad’a abot ma fid’ina, a hazi ad’enga yam abot ma tuna á tchi suma woi ki mbigeu d’a fiyaka ki baktarad’a ki tugud’eid’a kazurei suma ayî suma yam andagad’ina mi.