Jeremi 14:10 - Bible azumeina

¹⁰ Ma didina mi hulong de yam sum ndazina ala: Azi ni suma tcha tatana, azi ni suma a nga ve tazi hina kei d’uo na. An Ma didina tan nga d’i lan djivi kazi d’i, an djib’er yam tchila mazid’a, an mba ni ngobozi yam tcho mazid’a mi.

Jeremi 14:10 Kruisverwysings

1 Amuleina 17:18

Asum mbi de mi Elie ala: Ang sana hAlonina, vama ndolon ki ang ni me ge? Ang mbeï avo hatan ná ge hum Alona yam tcho manda á tchan gorona woi zu?

Sawal la giled’a 119:101

An nga ni d’el tan á tit kur lovot ta tchod’a, kayam an tin hurun ni yam zla manga.

Sawal la giled’a 95:10

Bizad’a dok fid’i, an gol suma kur atchogoi ndatina d’igi vama ndjendjed’a na, an dala: Sum ndazina ni suma yazi vit teina, azi we nga lovot manda d’uo mi.

Buzuk ka Abud’a 32:34

Ki tchetchemba, ang i ki Israel-lâ ata yima an dang kama. Gola! Malaika mana mba mi tit avorongû, wani an mba ni mba bur tu, an mba ni ngobozi yam tcho mazid’a.

Jeremi 2:36

Ni kayam me ba, agi mbud’ugi djib’er magid’a atogo hina zak á mbud’ugi lovot magid’a ge? Zulona mba mi vagï avo Ezipte, d’igi mi vagï avo Asiri na mi.

Jeremi 3:13

Mi de kua ala: Vama djivina ar agi wagi tcho magid’a, ar agi wagi ala agi sogi vunan an Ma didina Alo magina, agi walagi woi ki sed’enu, agi i zlabagi kalo ma dingâ ad’u agu ma angus ma lara, agi humun nga vunan ndi.

Jeremi 31:34

Sa mba mi dok hat ndram mboze mba mi de wiyema ala: Ang we Ma didina na nga d’i, kayam azi pet a mba wanu, tin ad’ud’a ata suma yâna dei gak mba yam suma gangrangâ. An Ma didina ni de na. Kayam an mba ni vat hurun ndei yam tchila mazid’a, an mba ni djib’er yam tcho mazid’a d’uo d’a.

Jeremi 6:20

Ni djiviya me ba, a mban ki dubang ma his djivid’a ma Seba-na, ki dubang ma his djivid’a ma yam ambas sa deid’ina ge? He d’a hawa mazi d’a ngala nga d’i lan tan djivi d’i, ahle mazi suma ngat buzuna tan nga d’i lan djivi kazi d’uo mi.

Jeremi 8:5

Wani, ni kayam me ba, suma Jerusalem-ma a d’es sei kur lovota, a ve tazi ad’enga kur mbut ir mazid’a ge? A ve tazi ata alo mazi ma ka zlad’a, a noî á hulongî gevenu.

Ezekiyel 29:16

Israel-lâ a mba hulong tin huruzi kazi d’uo d’a, a mba hulong ata tcho mazi d’a adjeu d’a azi yazi á ndjunuzid’a d’i. Ata yi máma azi mba wala an ni Salad’a Ma didina.

Wana ni mbaktumba hi Oze-d’a 11:7

Sum mana a so tazi á wal tazi woi ki sed’enu, a nga yazi ala a mbut irazi yam an ma sä akulo ma kal teglesâ pî, sama adigazi ma hle tam hina b’ene’â nga d’i.

Wana ni mbaktumba hi Oze-d’a 11:9

An mba ni le d’igi hur man ma zal ma gugulu’â na d’i, an mba ni mba á b’lagagi agi suma Efraim-ma woi d’i. Kayam an nAlona, an nga ni sana d’i. An Ma bei tchod’a ni nga adigagiya, an nga ni mba ki hur man ma zala d’uo mi.

Wana ni mbaktumba hi Oze-d’a 7:13

Ni zla d’a hohoud’a kaziya, kayam azi wal lei dei ki sed’enu; b’laka nga d’i mba kaziya, kayam azi le tchod’a avoronu. An min á sud’uziya, wani azi dan ni zla d’a kad’a.

Wana ni mbaktumba hi Oze-d’a 7:2

A nga de kuruzi ala an nga ni djib’er yam asa’at mazid’a d’i. Wani ki tchetchemba, tcho mazid’a ti nguyuzi wa, ti ni woi pid’ak avoron mi.

Wana ni mbaktumba hi Oze-d’a 8:13

Azi nga ngat ahle suma azi nga handjina, a nga mud’uzi hliwiziya. Wani an Ma didina tan nga d’i lan djivid’a kazi d’i, an nga ni djib’er yam tcho mazid’a, an mba ni mba, ni ngobozi yam tcho mazid’a mi. Azi mba hulong Ezipte.

Wana ni mbaktumba hi Oze-d’a 9:9

Agi tub’agagi tagi ki tchod’a d’igi agi lagi adjeu avo Gibeya na, wani Ma didina nga mi djib’er yam tcho magid’a, mba mi ngobogi yam tchila magid’a.

Amos 3:2

Ni agi hol ba, an managi aduk andjaf suma pet. Ni kayam ndata ba, an mba ni mba á ngobogi yam tcho d’a agi lata.

Amos 5:22

Ata yima agi nga mbandï ahle suma ngat buzu suma ngala ki he d’a hawa d’a afutina, an nga ni vazi abogi d’i. Ata yima agi nga mbandï ki gro amuzlei suma d’orâ ahle suma ngat buzu suma ngalina, an nga ni golozi ki iran nduo ko.

Hebre-na 8:12

Kayam an mba ni vat hurun ndei yam tchila mazid’a, an mba ni djib’er yam tcho mazid’a d’uo d’a.

1 Samuel 15:2

Wana ni zla d’a ded’a hi Ma didin ma ad’engêm kal petnid’a: Mi dala: An djib’er yam vama suma Amale’â a lum ki Israel-lâ kid’a a d’el lovota avorozi ata yima azi buzugï woi kur Ezipte-d’ina.