Jeremi 13:21 - Bible azumeina

²¹ Ndak mba d’i de nana fata suma ndak had’azi á mbut buniyô’îna a mba mba á te kaka ge? Ndak mba d’i fe ndaka d’igi atcha d’a ti nde vutid’a na d’uo zu?

Jeremi 13:21 Kruisverwysings

2 Amuleina 16:7

Ahas mi ge sunda ata Tiglat-Pileser amul ma Asiri-na, mi dum ala: An mbut nazong mangâ, an mbut ni gorongâ mi. Ang mbeï sud’un ndei abo amul ma Siri-na kamul ma Israel-lâ suma a mba atan á duruna.

Isai 10:3

Agi mba lagi ni nana kur bur ma ndaka mba d’i mba ki b’lak ka mba d’i tcholï ata yima deinid’a ge? Agi mba ringîgi ni gen nge á fagi ndjunda ge? Agi mba aragi ndjondjoî magid’a ni lara ge?

Isai 13:8

A mba le mandarâ, ndaka ki pupuluka hi hliu tad’id’a mba d’i laziya, a mba tcha tata d’igi atcha d’a nga d’i tcha tata á vutid’a na, a mba gol ir tazi ki mandarâ, irazi mba d’i tchor hleud’a d’igi akud’a na.

Isai 21:3

Kayam ndata, furun nga mi tanu, ndaka nga d’i lan d’igi ndaka ti latcha d’a vuta na, tcha d’a tatad’a ti d’elen bei hum zlad’a, mandarâ mi d’elen á we yina mi.

Jeremi 2:25

Agi gologi tagi djivi á tid’igi asegi hawad’a, ar delegi ti so kazas suo mi! Wani agi nga dagi ala: Ndata ni zla d’a hawa yaka! Ami minimi nalo ma dingâ, ami i zlabami ni ki sed’emu.

Jeremi 22:23

Ndak ka nga kaka akulo yam Liban-nda, ndak ka min aziyak aduk agu sedrena d’igi aleina na d’a, fata ndaka mba d’i mba kaka, mba d’i tak d’igi vuta ti tatcha d’a ti nde vutid’a na, ndak mba zam tak ngola.

Jeremi 30:6

Agi djobogi tagiya, agi gologiya, na ni mandjufâ mi ndak á vut tchu? Ni kayam me ba, an we andjofâ a tin abozi furuzi d’igi atcha d’a nga d’i lá vutid’a na ge? Ni kayam me ba irazi d’i mbut hapa hina patlas ke?

Jeremi 38:22

Aropma pet suma a mba ar kur azì ma amula hamul ma Juda-nina, a mba izi mi suma nglona hamul ma Babilon-nina, a mba de kang ala: Buniyôngâ a lobongû, a te wa kangû! Aseng mi rot wa kä aduk dorbopma, azi hang wa azigaziya mi!

Jeremi 4:30

Ndak Jerusalem mba b’lak keid’a, ndak mba le ni nana? Ndak mba d’i tchuk baru d’a hleud’a atagu, ndak mba d’i tchuk ahle suma lora atagu, ndak mba d’i ndal irak kahle suma djifâ, ndak mba d’i min tak hina pet pî, ni hawa hina. Buniyô’â a mba golok is, a hala’î á tchid’a d’ö.

Jeremi 4:31

Kayam an nga ni hum del la tchina d’igi atcha d’a nde vutid’a na, an hum tchina d’igi atcha d’a ti vut vut ta weid’a ti tchi abo tat ta ted’id’a na. Ni del gor wei d’a Siyon nda nga d’i zam tat ti mat abot ti dala: An nga kur djop vuna, an nga ni puk kä abo suma tchi suma d’a.

Jeremi 48:41

A mba hlazì ma Keriyot-na, A mba yo azì ma ad’eng ma ngunguna mi. Kur bur máma suma gangrang suma Mowap-ma, huruzi mba mi b’lak d’igi atcha d’a hurut nga mi tat á vutid’a na.

Jeremi 5:31

Suma djok vuna a nga djok vun ma ka zlad’a, suma ngat buzuna a nga te yamba kad’eng mazid’a, sum mana a min ala ahle ndazina a le hina mi. Wani dabid’a hahle ndazinid’a agi mba lagi ni nana ge?

Jeremi 6:24

Ablau suma a dala: Ata yima ami humumi zla ndatina, tami d’i tchuk susub’ok, pupuluka nga d’i lami d’igi vuta ti latchad’a na.

Ezekiyel 28:9

Fata ang tchol avok sama tchangîd’a, ang mba de kua ala angî Alona zu? Angî sana, ang nga nAlona d’i, avok ma mi tchangâ!

Matiye 24:8

Wani ahle ndazina pet a mba le ni d’igi ad’u tinda hi ndak ka vutid’a na.

1 Tasaloni’â 5:3

Fata suma a dala: B’leng nga halasa ki djivid’a a nga d’a, ata yi máma na wat, bad’a mba d’i nde kazi d’igi vuta ti nde yam atcha d’a wirâ na, a mba prut tei d’uo mi.