Jeremi 13:16 - Bible azumeina

¹⁶ Agi suburugi Ma didina Alo magina avok ka bei mam mba ki nduvundid’a, avok ka bei asegi mi dap kahuniyôna kur yima nduvundid’a. Agi nga djubugi b’od’a, wani mam mba mi mbud’ut nduvunda. Mba mi mbud’ut nduvunda d’igi d’ugul la wura d’a i’îlika na.

Jeremi 13:16 Kruisverwysings

Wana ni mbaktumba hi Job-pa 3:5

Ar nduvunda kanguza matna a vum mbeyo! Ar d’ugula ti kak kam akulo! Ar nduvun nda mba ki ndaka yam sumid’a, ti mbut bur máma mandarâ!

Sawal la giled’a 107:10

Suma dingâ, ni suma kur hohoud’a djinda ki kindjingâ kä kur dangeinina, a nga kaka kä kur nduvunda kur dangeina,

Sawal la giled’a 107:14

Mi buzuguzi woi kur dangeina, mi tchal kindjing mazina woi mi.

Sawal la giled’a 29:2

agi dagi woi yam subura hi Ma didinid’a, agi grivigi kä avok Ma didina kahle magi suma a tinizi irazi vazina.

Sawal la giled’a 44:19

Ami lami nga hurumi gigrit kang ngi, ami d’ezemi nga woi kur lovot manga d’uo mi.

Buzuk ka Abud’a 10:21

Ma didina mi de mi Moise ala: Ang hlabong akulo hur alona, nduvunda mba d’i mba yam ambasa. Ni nduvun nda sana mi ndak á dot kabomba.

Zla d’a d’ogolâ 4:19

Lovota hi suma asa’atnid’a ni d’igi nduvunda na; a nga we vama mi puguzi kä na d’i.

Ma tchi wala 11:8

Le sana mi le bizad’a ngola yam andagad’a ni, ar mi le furîd’a kur biza ndata pet. Ar mi djib’er yam bur ma ablau ma nduvun ma mam mba mi luma. Ahle suma a nga mba ndazina pet nahle suma hawa ya’â.

Isai 5:30

Kur bur máma a mba tchi kazi d’igi alum ma ngolâ vunam mi tchi wü na, a mba gol ambasa a mba we ni nduvunda ki hur ma wurana, b’od’a mba d’i mbut nduvunda abo babarâ mi.

Isai 59:10

Ami nga lamami huyok gulumuna d’igi suma duka na, ami nga lamami yina d’igi suma irazi nga d’uo na na, ami nga dabami asemi kä falei d’igi yima andjegena na, kur duzîd’a wan ko, ami ni d’igi suma matna na.

Isai 59:9

Kayam ndata, sariya d’a ka d’a d’ingêra ti wal lei dei ki sed’emiya, suta ti wal lei ki sed’emi mi. Ami tinimi hurumi yam b’od’a, gol wani, nduvunda ti mba ni ndad’u, ami halami yima hap ma titilâ, wani ami nga tid’imi ni kur nduvun nda i’îlika.

Isai 60:2

Gola! Nduvunda ti duk wa yam andagad’a, yima wurana mi duk wa yam andjaf suma mi. Wani Ma didina mba mi tchol akulo á b’o woi kagu, subur mamba mba d’i b’o woi kak mi.

Isai 8:22

Bugola, a mba gol irazi kä andaga, a mba we ni hur ma wurana ki nduvunda ki djop vun ma kalâ, a mba zud’uzi kä kur nduvun nda i’îlika.

Jeremi 14:19

Suma Juda-na a dala: Ma didina, ang arami ni ami suma Juda-na woi ki irang fafat tchu? Ang golî Siyon is su? Ni kayam me ba, ang tomiya, ang nga tchilimi mbilimi d’uo ge? Ami tinimi hurumi ni yam halasa, wani vama djivi nga d’uo; ami djubumi ni suta, gol wani, ni tchina.

Jeremi 2:6

A de nga ala: Ma didin ma mi buzugï woi kur ambas sa Ezipte-d’a ma mi tit ki sed’ei abagei hur fulâ ma mi tit hur ful ma d’ad’au ma angrifâ nga kua na ma mi tit ki sed’ei kur andaga d’a so d’a matna nga kua d’a ma mi tit ki sed’ei kur andaga d’a sa nga mi tit kua d’oze d’a sa nga mi kak kua d’uo d’ina, mi nga ni lara ge d’uo zu?

Jeremi 23:12

Kayam ndata, lovot mazid’a mba d’i kazi azlard’eid’a, a mba tchuk kur nduvunda. An mba zud’uziya, a mba puk kä, kayam an mba ni mbazi ndaka kazi kur biza d’a an mba ni mba á ngobozid’a.

Jeremi 4:23

An gol andagad’a yat ti ni hawa kikid’ik, akulod’a b’o mata nga d’uo mi.

Jeremi 50:6

Adjeu sum mana a ni d’igi ades tumiyô suma a vit teina na. Mazi suma pola a vid’izi woyo, a arazi akulo yam ahuniyôna, a nga tcha tata akulo yam ahuniyô suma nglona, akulo yam yima ndingâ mi, a mar rei yam kangâ mazina.

Jeremi 6:21

Kayam ndata, Ma didina mi dala: An nga ni tin ahina d’a dap asema avok sum ndazina, mba d’i dabazi aseziya. Azi pet, abuyod’a, grod’a, ndrozi sumazina ki buniyôzina a mba dap peyo.

Jeremi 8:15

Ei tini huri ni yam halasa, wani vama djivi nga mi mba d’i. Ei nga djubi yima suta, wani ahle suma mandarâ a mba ni aziya.

Hor ma tchina 4:17

Irami ti kau hawa kau á djup ma ndjunumina, ami djubumi andjaf ma mba á sud’umina tatâ pî, wani mi mba nga d’i.

Ezekiyel 21:15

A gurut ná tchi suma, a heget ná wiled’a. Na ni ei mba le furîd’a zu? Ti totogod’a hi goronid’a gol agu ma lara ge pet is.

Ezekiyel 34:12

An mba ni tin iran yam tumiyô mana d’igi ma pola nga mi gol tumiyô mama ata yima mi nga adigazi ata yima a b’rau woi yaya’â na. An mba ni yozï woi ata yima azi b’rau woi kua teteng kur bur ma babarâ mi pat mi mbut yina nduvundina.

Ezekiyel 36:15

An mba ni aragi agi humugi ngula handjaf suma dingîd’a ki humagi d’i. Suma a mba mbud’ugi zulona d’i, agi mba mbud’ugi vama dap asem andjaf sum magina d’uo mi. An Salad’a Ma didina ni de na.

Joel 2:2

Ni bur ma nduvunda, ni bur ma wura ma i’îli’â, ni bur ma d’ugula, ni bur ma akukutna. Nga mi djï d’igi yina mi fo woi yam ahuniyôna na. Gola! Nades ahle suma b’lak ahlena ablaud’a, ad’enga heî mi. Ades ahle suma hina na a mba nga yazi tu d’i, a mba mba bugol kur atchogoi d’a mba d’i mbad’a d’uo mi.

Amos 4:13

Gola! Mam mi ma lahuniyôna ki simetnina, ni ma nga mi tak djib’er mamba mi sanina, ni ma nga mi mbut yorogod’a nduvundina, ni ma nga mi tit akulo yam fiyaka handagad’ina, simiyêm ala Ma didina Alo ma ad’engêm kal petna.

Amos 5:18

Ni zla d’a hohoud’a kagi agi suma tagi nga d’i lagi zlezleû yam bur ma mbad’a hi Ma didinina. Agi mba fagi ni me kur bur ma mbad’a hi Ma didinina ge? Bur máma mba mi mbut ni bur ma nduvunda, nga ni bur ma b’od’a d’i.

Malatchi 2:2

Le agi humugi d’uo, le agi tinigi nga hurugi á suburun simiyên nduo ni, an mba ni gagi vuna, an mba ni b’lagagi djivi magid’a woyo. Gagazi, an mba ni b’lagat teyo, kayam agi vagi nga zla manda kurugi d’i.

Jean 12:35

Kayam ndata, Jesus mi dazi ala: B’od’a nga ki sed’egi tua ndjö. Agi tid’igi kur b’o d’a nga ki sed’egid’a, kayam ar nduvunda ti mba kagi d’i. Sama nga mi tit kur nduvundina, nga mi we yima mi i kuana d’i.

Josue 7:19

Josue mi de mi Akan ala: Gorona, ang subur Ma didina Alona hi Israel-lîna, ang hum ngola, ang dan ndei yam vama ang luma, ang ngeyen va d’i.

1 Pierre 2:8

Mbaktumba hAlonid’a ti de kua ala: Mam nahina d’a dap asem suma, Nahina d’a ti puguzi kä d’a mi. Azi dap asezi atat kayam azi he nga gagazid’a yam zlad’a hAlonid’a d’i. Kayam ndata, Alona mi ngazizi kazi wana.

1 Samuel 6:5

Agi lagi vama hle tam d’igi tugud’ei d’a a yat ala emorotina na d’igi kulom mba nga d’i b’lagagi ambazagid’a na mi, agi hagi ngola mAlona hi Israel-lîna. Dam mam mba mi aragi agi kalo magina kandaga magid’a bei ngopa kla.