Jeremi 13:14 - Bible azumeina

¹⁴ An mba ni tchuguzi ata tazi huneîd’a, abuyod’a ki grod’a abo tazi tu. An mba ni wazi hohowozi d’i, an mba ni keng sa woi tu d’i, an mba ni hat hurun kazi d’i, vama mba mi d’elen á dabazi woina nga d’uo mi. An Ma didina ni de na!

Jeremi 13:14 Kruisverwysings

2 Sunda Hamuleinid’a 20:23

Suma Amon-na ki suma Mowap-ma a nde yam suma a tcholï yam ahina d’a Seir-rina, a tchazi woi kakaf. Ata yima a dabazi woi da na, azi tazi nde dur taziya, a dap tazi tchid’a woi pet mi.

Wana ni mbaktumba hi Job-pa 27:22

A mba yed’em ki yeûd’a bei wum hohowomu, mam mba mi ring á sut tam abod’u.

Sawal la giled’a 2:9

Ang mba gad’azi ki totogo d’a kaweina, ang mba tozi woi d’igi dei ma sana minima na.

Isai 27:11

Ata yima abo aguna mi sona, a kuzum mbeyo, aropma a mba a dom akud’a. Sum ndazina ni suma bei wad’ud’a. Kayam ndata, Salazi ma lazina, hurum nga mi hat kazi d’i, ma minizina nga mi wazi hohowozi d’uo mi.

Jeremi 15:5

Ma didina mi dala: Ndak Jerusalem, ni nge ba, mba mi wak hohowok ke? Ni nge ba, mba mi tchi horâ kak ke? Ni nge ba, mba mi djop kak ala ndak nga ni hawa ko zi ge ge?

Jeremi 15:6

Ma didina mi dala: Ni ndak ba, noyôn ndeyo, ndak han huyogogu. Kayam ndata, an mba á b’lagak keyo, kayam an kau wa abo djivi d’a an laksid’a.

Jeremi 16:5

Ma didina mi dan kua ala: Ar ang kal kur azì ma a tchi matna kuana d’i, ar ang i tchi matna d’i, ar ang tchi horâ ki sed’ezi d’uo mi. Kayam an hle wa b’leng man nda halasa woi yam sum ndazina. Djivi manda ki we hohou manda pî, an yozi wa woi kaziya. An Ma didina ni de na.

Jeremi 21:7

Bugola, an mba ni he Sedekiyas amul ma Juda-na kazungeî mama zlapa ki suma kur azì ma ngolâ suma a mba sut abo tugud’ei d’a tcho d’a tchi matna kayî ma durâ ki baktarad’ina, abo amul ma Babilon-na, abo mazi suma djangûna, abo suma a nga halazi á tchid’ina mi. Nebukanezar mba mi tchazi bei wazi hohowoziya, mba mi keng sa woi tu d’i, mba mi djib’er kazi d’uo mi. An Ma didina ni de na.

Jeremi 25:16

Ar azi tchumu. A hle titigir, a mbut lilid’a abo tchi d’a suma an mba ni sunuzi atazina a mba tchazid’a!

Jeremi 47:3

A hum siwela hasem akulumei mam suma sib’ika, a hum siwela hasem pus mam ma dur ayîna. Abuyod’a nga d’i mbut irat ir grod’a d’i, kayam a mbut amangeîd’a.

Jeremi 48:12

Ni kayam ndata ba, an Ma didina ni dala: Gola! Burâ nga mi mba, kur bur máma an mba ni sunï suma a mba djogom vod’a woina atamu, a mba vom mbei kur agolongeî mama, a mba tozi woi mi.

Jeremi 6:21

Kayam ndata, Ma didina mi dala: An nga ni tin ahina d’a dap asema avok sum ndazina, mba d’i dabazi aseziya. Azi pet, abuyod’a, grod’a, ndrozi sumazina ki buniyôzina a mba dap peyo.

Hor ma tchina 2:21

Suma awâna ki momorogeina a puk kä andaga ir palumba, yugunei man suma bei ngaf kandjofâ ba na kazungeî mana a puk kä abo mbigeu d’a fiyaka. Ang tchazi kur bur ma ayî mangâ, ang ngad’azi woi bei wazi hohowozi ba.

Ezekiyel 24:14

An Ma didina le ni de va, va máma mba mi mba. An mba ni lumu, an mba ni hulong bugol li, an mba ni wak hohowok koze ni mbut hurun ndi. A mba kak sariyad’a kak yam tit maka, yam sun mak ka led’a mi. An Salad’a Ma didina ni de na.

Ezekiyel 7:3

Ki tchetchemba, dabid’a mba wa kagiya. An mba ni mba atagi kayî mana, an mba ni kagi sariyad’a kagi yam tit magid’a, an mba ni wuragagi yam sun magi d’a ndjendjed’a mi.

Ezekiyel 7:4

An mba ni tin iran kagi bei ni wagi hohowogiya, an mba ni ngobogi bei ni wagi hohowogiya, an mba ni wuragagi yam tit magid’a ki sun magi d’a ndjendje d’a agi sogi tagi kurut á led’id’a. Hina wani, agi mba wagi ala an ni Ma didina.

Ezekiyel 7:9

An mba ni tin iran kagi bei ni wagi hohowogiya, an mba ni ngobogi bei ni wagi hohowogiya, an mba ni wuragagi yam tit magid’a ki sun magi d’a ndjendje d’a agi sogi tagi kurut á led’id’a. Hina wani, agi mba wagi ala ni an Ma didina ba, ni ngobogiya.

Ezekiyel 8:18

An mi, an mba ni lazi ki hur man ma zala na mi, an mba ni wazi hohowozi d’i, an mba ni djib’er kazi d’uo mi. Fata azi mba tchi ki delezi d’a ngola akulo humanda, an mba ni humuzi d’uo mi.

Ezekiyel 9:10

An mi, an mba ni we sa hohowom mbi, an mba ni djib’er yam sa d’uo mi, wani an mba ni hulongôzi tcho mazid’a kaziya.

Ezekiyel 9:5

Mi de mi suma a ar wana kä iran ala: Agi igi blogom kur azì ma ngolâ, agi tchagi suma woyo. Agi wagi hohowa sa d’i, agi djib’eregi yam sa d’uo mi!

Wana ni mbaktumba hi Oze-d’a 2:4

Ma didina mi de kua ala: Agi kagi sariyad’a yam asugiya, agi tchugugizi zlad’a kad’u, kayam ndat nga namanda d’i, an nga ni ndjuvut tuo mi. Ar ti ar gaulang matna woyo, ar ti ar mizeu mat ma led’a woi mi.

Zakari 11:6

An Ma didina nga ni dagiya: An mba ni we hohowa suma a nga kaka yam ambasina d’uo d’a, an nga ni he nge nge pî abo ndrama, abo amul mazina, a mba b’lak ambasa woi kakazeî, an mba ni prud’uzi woi abozi d’i.

Matiye 10:21

Suma a mba he b’oziyozina woi á tchid’a, abuyod’a a mba he grozina woi á tchid’a mi, grod’a a mba kak djangûna ki simiyêziya, a mba hazi woi á tchid’a mi.

Marik 13:12

Ata yi máma, suma a mba he b’oziyozina woi á tchid’a, abuyod’a a mba he grozina woi á tchid’a mi. Grod’a a mba kak djangûna ki simiyêziya, a mba hazi woi á tchid’a mi.

Gat ta a hat á mbàd’id’a 29:20

Ma didina mba mi vat hurum mbei kam mbi. Hurum mba mi zal kamu. Vun ma ge ma a b’irim kur mbaktum mba wandina pet, Ma didina mba mi gumziya, mba mi tchum simiyêm mbei yam andagad’a.

1 Samuel 14:16

Suma ndjola hi Saul suma a nga avo Gibeya d’a Benjamin-ndina, a we ablaud’a hi Filistê-nid’a ti b’rau woi vivreng, nge nge pî mi i iram vamu.