Jeremi 13:13 - Bible azumeina

¹³ ata yi máma ang hulong dazi ala: Ma didina mi dala: Gola! An mba ni gurut suma a nga kaka kur ambas ndatina ki süm máma, zlapa kamulei suma a nga kaka yam zlam mba amula hi David-tina ki suma ngat buzuna ki suma djok vuna ki suma Jerusalem-ma pet mi.

Jeremi 13:13 Kruisverwysings

Sawal la giled’a 60:3

Alo mamina, ang arami woyo, ang b’rawami woi yayak, ang hurung zal kamiya, wani ki tchetchemba, ang hulongômi blangâmina.

Sawal la giled’a 75:8

Kayam Alona ni ma ka sariyad’a; nga mi ge sana yam kä, nga mi hle sana yam akulo mi.

Isai 29:9

Agi tchologi ndjö, agi lagi atchap, agi dugugi iragiya, agi mbud’ugi suma duka, agi nga gurud’ugiya, wani bei tchagi süm guguzlud’a ba! Agi hlagi titigir, wani bei tchagi süm ma ayîna ba!

Isai 49:26

Suma a nga djobok vuna’â, an mba ni hazi hliwizi tamba á mutna, a mba gurut ki buzuwazi d’igi sana mi gurut ki süm guguzlu d’a ayîna na. Suma pet a mba wala an ni Ma didin ma sud’uk ma ad’engêm kal petna hi Jakob ma mi wurak ka’â.

Isai 51:17

Ndak Jerusalem, ndak ka Ma didina mi hak kop ma ayî mama ndak tchum mbei ki hargak mamba pet mi vid’ik yak kei d’igi süm ma ayîna nga mi vit yam suma woi na d’a, ndak zlit akulo, ndak zlit akulo, ndak tchol akulo.

Isai 51:21

Ndak Jerusalem mba hohoud’a, ndak ka gurut nga ni ki süm guguzlud’a d’uo d’a, ndak huma.

Isai 63:6

Kur ayî mana an miret suma kä kasenu, an gurud’uzi woi kayî man ma bibiliuna, an vozi buzuwazi kä woi andaga mi.

Jeremi 13:12

Ma didina mi dala: Ang i dazi ala: Ma didina Alona hi Israel-lîna mi dala: Agolongeîna pet a mba oî ki süm guguzlud’a. Le azi hulong dang ala: Ami wami nga ala agolongeîna a mba oî ki süm guguzlud’a d’uo zi ge ni,

Jeremi 25:27

Ang i dazi ala: Ma didin ma ad’engêm kal petna, Alona hi Israel-lîna, mi dala: Agi tchagiya, agi gurud’ugiya, agi vinigiya, agi pugugi kä bei ndak á tchologi akulo abo tchi d’a suma an mba ni sunuzï atagina a mba tchagid’a.

Jeremi 25:29

Kayam Ma didin ma ad’engêm kal petna mi dala: Gola! An nga ni mba ki ndaka yam azì ma ngol ma a nga tchenen kuana avogo. Agi djib’eregi ala agi mba prud’ugi woi bei ngopä zu? Agi mba prud’ugi woi bei ngopa d’i, kayam an nga ni yi suma durâ yam suma yam andagad’ina pet.

Jeremi 51:57

An mba ni gurut mat suma nglona, mat suma ned’a, mat suma te yamba, mat suma nglo suma ka sariyad’a ki grang matna. Sum ndazina a mba bur sen ma ki irazi fafatna, a mba zlit akulo d’uo d’a. An amul ma simiyên ala Ma didin ma ad’engên kal petna na ni de na.

Jeremi 51:7

Adjeu Babilon ni kop ma lor ma mi nga ved’a abo Ma didinina, ni ma mi gurut suma yam andaga woi petna. Andjaf suma a tche süm guguzlu mata. Ni kayam ndata ba, andjaf suma yazi d’i b’lak ki wana!

Habakuk 2:16

Wani ang tang zulona mba mi lang kal subura. Ang tang tchë, ar gandilad’a. Ma didina mba mi gad’ang kayî mama, subur manga mba d’i mbut zulona.