Jeremi 12:2 - Bible azumeina

² Ang pazi ni angû. Sideyezi nga mi sir kä, a nga wula, a nga vud’a, a nga yang simiyêng ki vunazi burâ ki burâ, wani huruzi woi dei ki sed’engû.

Jeremi 12:2 Kruisverwysings

Wana ni mbaktumba hi Job-pa 24:12

Suma a nga lá matnina a nga tchi hur azì ma ngolâ, suma a fe dakina a nga tchi ki delezi akulo, wani Alona mi tin nga humam yam tcho mazi d’a b’lak ndrozina ndata d’i.

Wana ni mbaktumba hi Job-pa 5:3

An we sama yam nga d’uo na sideyem nga mi sir kä, atogo hina zak, an gum aziyam vuna ala:

Sawal la giled’a 37:35

An we sama asa’atna mi nga tchola ad’enga, nga mi ruî woi d’igi agu ma ngulom ma nga tchola ata yima mi deî kuana na.

Isai 29:13

Salad’a mi dala: Ata yima sum ndazina a nga hud’ï gevena, a suburun ni ki vunaziya. Wani huruzi ni woi dei ki sed’enu. Le d’a a nga lan mandaranda ni yam vun ma hed’a hi suma ma a had’azizina.

Jeremi 11:17

Ni Ma didin ma ad’engêm kal pet ma pagina ba, nga mi yi ndaka kagi kayam tcho d’a agi Israel-lâ ki suma Juda-na a lagizid’a. Mi dala: A he dubang ma his djivid’ina mi Bäl á zalan hurunu.

Jeremi 3:10

Hina pet pî, b’oziyozi suma Juda suma bei d’engzengâ a hulongî nga geven ki hur ma tuna d’i. An Ma didina ni de na.

Jeremi 45:4

Jeremi, ang dum ala: Ma didina mi dala: Gola! An mba ni b’lak vama an minima woyo, an mba ni pat vama an puma woi mi. Nala, an mba ni b’lak ambas sa wanda woi ki zla tat pet.

Ezekiyel 33:31

Azi mba tok geveng ablaud’a. Sum mana a mba kak kä avorongû. Azi mba hum zla manga, wani azi mba le sunda kat ti, kayam azi nga de zla d’a djivid’a ni ki vunazi abua, wani huruzi ni tinda yam fe mazid’a.

Wana ni mbaktumba hi Oze-d’a 7:14

Ata yima azi nga yana, a nga yan ki hur ma tuna d’i, wani azi nga tchi kur azang mazina, azi nga ze tazi d’igi suma bei wanina na á fe gemena, á fe guguzlud’a mi. wani azi nga son vunanu.

Habakuk 1:13

Ang irangî bei tchod’a ba nga d’i min gol tchod’a d’i, ang ndak á gol sama djop vun suma d’uo mi. Ni kayam me ba, ang nga gol suma mbut ira hina tä ge? Ni kayam me ba, ang kak hina tchugot ata yima sama tchona nga mi le sama kalam ki d’ingêrina ndakina ge?

Matiye 15:8

Sum ndazina a nga hun ni ki vunazi hawa, wani huruzi woi dei ki sed’enu.

Marik 7:6

Jesus mi hulong dazi ala: Suma lop ira, ma djok vun Alona Isai mi djok vun ma gagazina kagi kur mbaktumba hAlonid’a ala: Sum ndazina a nga hun ni ki vunazi hawa, wani huruzi woi dei ki sed’enu.

Wana ni mbaktum mba Paul mi b’irit mi Tit-ta 1:16

A nga dala azi wAlona, wani kur sun mazi d’a led’a a tin vunazi kamu. Azi ni suma tchona, ni suma bei hum vuna, azi ndak á le sun nda djivid’a d’i.