Jeremi 11:20 - Bible azumeina

²⁰ Wani ang Ma didin ma ad’engêng kal petna, angî ma ka sariya ma d’ingêrâ, angî ma fek hur sana ki djib’era hi sanid’ina. An mba ni we atchugul la ang mba sazizid’a, kayam an ar zla manda nabongû.

Jeremi 11:20 Kruisverwysings

Ad’u Tinda 18:25

Ang nga ki djib’er ra hina d’a á tchi suma d’ingêrâ zlapa ki suma tchona d’i? D’oze suma d’ingêrâ a ndak á mbut suma tchona d’uo hina d’uo zu? Ang Ma ka sariyad’a yam suma petna, mbeî ang mba ka sariyad’a ndak á le vama d’ingêrâ d’uo zu?

2 Amuleina 19:14

Wani Ezekiyas mi ve mbaktumba abo suma sun suma Asiri-na, mi ndumud’u. Ata yi máma mi i kur gong nga kud’ora hi Ma didinid’a, mi malat tei avok Ma didina.

1 Sunda Hamuleinid’a 28:9

Ang gorona Salomon, ar ang wAlo ma an abung nga ni lum sundina, ar ang lum sunda ki hur ma tuna ki tang pet ki djivid’a. Kayam Ma didina ni ma hal hur suma petna, mi we djib’era hi suma pet mi. Le ang halamu ni, ang mba fumu, wani le ang aram mbeyo ni, mama mba mi arang ngei ki iram fafat mi.

1 Sunda Hamuleinid’a 29:17

Ma didina Alo mana, an we, ni ang ba, nga fek hur sana, ang min ni d’ingêra. Wani an hang he d’a hawa ndata pet ni kur min manda ki d’ingêra ki hur ma tuna. Ki tchetchemba, an we sum mang suma a nga toka kä hina, a hang he d’a hawa d’a ni ki hur ma djivina ki furîd’a mi.

Wana ni mbaktumba hi Job-pa 5:8

Wani ladjï an ni angû ni, an mba ni de zla manda mAlona; ni mam ba, an mba ni vum ad’u zla manda.

Sawal la giled’a 139:23

Alo mana, ang halan hurunu, ang wumu; ang kugunu, ang we djib’er man nda teteud’a.

Sawal la giled’a 35:2

Ang hle mbarei manga abongû, ang tchuk kongrong mangâ atangû, ang tchol akulo á ndjununu.

Sawal la giled’a 43:1

Alo mana, ang kan sariya manda, ang ngomon abo andjaf suma bei we hohowa suma, ang prud’un ndei abo suma lemba ki suma mbut ira.

Sawal la giled’a 57:1

Ni sawal la gile d’a David mi hlat mi hat mi ma ngolâ hi suma hle sawalina. Mi hlat ni kid’a mi ngei tam kur zul ahinad’a abo Saul-la.

Sawal la giled’a 58:10

Avok ka azi bei wala ang mba gad’aziya d’a, ang fozi woi d’igi sana mi fo butna woi na.

Sawal la giled’a 7:10

Ang b’lak sunda hi suma asa’atnid’a woyo, ang sira suma d’ingêrâ ngingring, kayam angî Alo ma d’ingêr ma fek hur suma ki djib’er mazid’ina.

Sawal la giled’a 7:8

Ar andjaf suma pet a tok nguyungû, ar ang kak yam zlam mang nga amula, ang te kazi akulo.

Sawal la giled’a 7:9

Ma didina, ang ka sariyad’a yam andjaf suma; Ma didina, ang le glangâsâ yam d’ingêr manda, yam vama abon dom nga d’uo na mi.

Sawal la giled’a 98:9

avok Ma didina, kayam nga mi djï á ka sariyad’a yam andagad’a. Mba mi ka sariyad’a yam suma kur duniyad’ina ki d’ingêra, mba mi ka sariyad’a yam andjaf suma dingâ ki d’engzeng mamba mi.

Jeremi 12:1

Jeremi mi dala: Ma didina, angî Ma d’ingêr ma kal teglesâ. An ndak nga á le sariyad’a ki sed’eng ngi. Wani an min djobong yam sariya mang nga kad’a ala: Ni kayam me ba, suma asa’atna a nga fe djivid’a ge? Ni kayam me ba, suma mbut ira a nga kaka ki halasa ge?

Jeremi 12:3

Ma didina, ang wanu, ang golon mi. Ang halan hurunu, an nga go ki sed’engû. Ar ang yozi woi d’igi suma a yo tumiyôna a izi á ngata na, ar ang tinizi irazi vazi yam bur ma tchid’a.

Jeremi 15:15

Jeremi mi dala: Ma didina, ang we pet, ang djib’er kanu, ang mbeï ndjununu, ang san atchugulun ki man suma a nga djobon vunana. Ar ang hlan ndei d’i, kayam hurung nga mi zal atogo d’i. Ang we ni kayam ang ba, an nga ni ve tan kur ngula wana.

Jeremi 17:10

Wani an Ma didina ni hal hur sana, ni fegem á wumu, á wurak nge nge pî yam tit mamba, yam sun mam mba mi lata mi.

Jeremi 17:18

Ar suma a djobon vunana a mbut zulona, ar an mbut zulona d’i. Ar azi zlaga, ar an zlak ki. Ang mbazi bur ma ndaka kaziya, ang b’lagazi woi b’ib’lak yang mbà.

Jeremi 20:12

Ma didin ma ad’engêng kal petna, angî ma kuk hur suma d’ingêrîna, angî ma fek hur sana ki djib’era hi sanid’ina. An mba ni we atchugul la ang mba sazizid’a, kayam an ar zla manda nabongû.

Hor ma tchina 3:58

Salad’a, ang ndjun wa kanu, ang sud’un ndei mi.

Hor ma tchina 3:59

Ma didina, ang we tcho d’a azi landjid’a. Ang kan wa sariya manda.

Hor ma tchina 3:64

Ma didina, ang lazi d’igi azi lan an na mi.

Ezekiyel 11:5

Muzu’â hi Ma didinina mi mba kanu, mi dan ala: Ang de mi suma ala: Agi Israel-lâ, an we zla d’a agi nga data, an we djib’er ra nga ndeï kurugid’a.

Sunda hi suma a sunuzinid’a 17:31

Mi de na kayam mi nga wa bur ma mam mba mi ka sariya d’a d’ingêra yam suma kur duniyad’ina ki sama mam tinima. Kid’a mi tchol sa máma akulo aduk suma matnid’a, mi le glangâsâ woi kam avok suma pet ala mam mba mi le na.

Filip-ma 4:6

Ar djib’eregi ti b’lak yam va tu d’i, wani kur ahlena pet ar agi tagagi Alona vama agi kid’agagizina. Ar agi tchenegi Alona ki hud’a, agi lum mersi mi.

2 Timote 4:14

Alezandre ma yor kawei ma hleuna, mi lan tchod’a ngola heî. Salad’a mba mi wuragam yam sun mam mba mi lata.

1 Pierre 2:23

Ata yima a nguluma, mi hulong nga ngula balum mbi. Ata yima mi fe ndakina, mi ngop nga sa d’i, wani mi ar zla mamba abo Alo ma ka sariya d’a d’ingêrina.

Vama ndum mbeina 18:20

Ndak akulod’a, agi suma a tinigi iragi vagi mAlonina ki suma a sunuzina ki suma djok vun Alona, agi lagi furîd’a yam b’lak mamba, kayam Alona mi kam wa sariyad’a kam kayam sun nda tcho d’a mam lagizid’a.

Vama ndum mbeina 2:23

An mba ni tchi grotna woyo. Ata yi máma, Toka pet mba d’i wala an ni ma we djib’era ki nga hurâ hi sumina, an mba ni wurak nge nge pî yam vama mi luma mi.

1 Samuel 16:7

Wani Ma didina mi de mi Samuel ala: Ang djib’er yam djif mama ki fiyak mamba d’i, kayam an noyômu, kayam an nga ni we ni d’igi suma a we na d’i. Azi we ni ir sana abua, wani an we ni hur sana krovo.

1 Samuel 24:15

Ni nge ba, ang amul ma Israel-lâ i atam á durâ ge? Adi ma matna d’oze b’ab’a’â zu?