Jeremi 11:12 - Bible azumeina

¹² Ata yi máma suma Juda-na ki suma a nga kaka avo Jerusalem-ma a mba hulong gen alo ma ding ma azi nga hum dubang ma his djivid’ina. Wani mam mba mi sud’uzi woi ata yima ndaka mba kazi máma d’i.

Jeremi 11:12 Kruisverwysings

2 Sunda Hamuleinid’a 28:22

Amulâ Ahas kur ndaka hina pî, nga mi i avogovok ki sun nda ata yat tuo d’a avok Ma didina.

Isai 45:20

Ma didina mi de kua ala: Agi andjaf suma a prud’ugi woina, agi mbeyegïya, agi hud’ugïya, agi togogïya. Suma a nga zï agu mazi ma a tched’em fileina d’oze suma a nga tchen alo ma ndak á sut sa d’uo na ni suma yazi nga kazi d’uo na.

Isai 46:7

A nga hle filei máma, a nga zim keleziya, a nga tinim ata yamu. Mi arî ata yam máma na, nga mi djok kei d’i. Le a yum pî, nga mi hum mbi, nga mi sut sa woi kur yima ndaka d’uo mi.

Jeremi 18:15

Wani sum mana a maran ndeyo, a nga ngal dubang ma his djivid’ina mi filei ma hawa ya’â, a nga lá puka kä kur lovot mazid’a, a ar lovot mazi d’a adjeud’a woyo, a nga tit kur lovot ta sa nga mi tit kua d’uo d’a.

Jeremi 2:28

An mba ni hulongôgi humba fata ndaka mba kagid’a ala: Alo magi ma agi minima, mi nga ni lara ge? Le mi ndaga ni, ar mi tchol akulo mi sud’ugiya, kayam agi suma Juda-na, agi nga kalona ngad’a yam azì magi ma nglona gagang.

Jeremi 44:8

Ni kayam me ba, agi zalan hurun ki sun nda agi lat kabogid’a á ngalagi dubang ma his djivid’ina malo ma ding ma yam ambas sa Ezipte d’a agi mba á kagagi kua á dabagi tagi woi á mbud’ugi tagi vama ge vuna ki vama zulona aduk andjaf suma yam andagad’ina ge?

Gat ta a hat á mbàd’id’a 32:37

Ma didina mba mi dazi ala: Alo magi ma hawa yak máma, mi nga ni lara ge? Ahina magi d’a hawa yak ka agi ring á ngei tagi atat ndata, ti nga ni lara ge?

Gat ta a hat á mbàd’id’a 32:38

Alo magi ma hawa yak ma agi hum ahle suma ngat buzu suma mbulâ zlapa ki süm guguzlu d’a he d’a hawad’ina, mi nga ni lara ge? Ar mi tchol mi ndjunugiya, ar mi ngomogiya.

Suma ka sariyad’a 10:14

Agi igiya, agi tchigi yam alo ma teteng ma agi manama, mi sud’ugi woi ata yima agi nga kur ndakina.