Jeremi 10:5 - Bible azumeina

⁵ Alo ma hina na mi ni d’igi agu ma sana mi pum aduk asinena á dik aluweinina na, nga mi de zla d’uo mi. Sana mi hlumî hle, kayam nga mi tit kayam tam mbi. Ar agi lagizi mandaram mbi, kayam mi we nga á le vama tcho mi sa d’uo mi na, mi ndak á le vama djivi mi sa d’uo mi.

Jeremi 10:5 Kruisverwysings

1 Amuleina 18:26

A vamuhl ma a hazizina, a minim yam yima ngal ahle suma ngat buzuna, a nde tchen Bäl ki yorogo dei, a nga er ad’uzi akulo ala: Bäl, Bäl, ang hulongômi humba! A le gak afata tchol faleya. Wani sama hulongôzi zla tu pî nga d’i. Wani azi nga pir akulo, a nga pir akulo, a nga ngui yima ngal ahle suma ngat buzu ma azi minima.

2 Sunda Hamuleinid’a 25:15

Ata yi máma Ma didina hurum zal ngola yam Amasiya, mi sunï ma djogom vunama atamu, mi dum ala: Ni kayam me ba, ang hal alona hi suma dingâ ma ndak á prut sum mama woi abong nguo na ge?

Isai 16:12

Suma Mowap-ma a nga kau tazi á djak akulo ata yima nding ma a tinim iram vama á i kur gong mazi d’a fileina á tchen alo mazina, wani bei fe va ba.

Isai 45:20

Ma didina mi de kua ala: Agi andjaf suma a prud’ugi woina, agi mbeyegïya, agi hud’ugïya, agi togogïya. Suma a nga zï agu mazi ma a tched’em fileina d’oze suma a nga tchen alo ma ndak á sut sa d’uo na ni suma yazi nga kazi d’uo na.

Isai 46:1

Alo ma a yum ala Bel-lâ mi mbut amangeîd’a, alo ma a yum ala Nebo-na mi hom kä. Gola! A nga zï filei mazi ma tcheta huyok d’uwar ma zï ahlena, a nga zï aneka. Nanek ka ngola seî d’uwarâ.

Isai 46:7

A nga hle filei máma, a nga zim keleziya, a nga tinim ata yamu. Mi arî ata yam máma na, nga mi djok kei d’i. Le a yum pî, nga mi hum mbi, nga mi sut sa woi kur yima ndaka d’uo mi.

Jeremi 10:14

Kayam ndata, suma pet a mbut ni suma yazi nga d’uo na abo we mamba. Suma yor lora pet a mbut zulona kangus ahle suma azi yorozina, kayam filei mazina ni filei ma ka zlad’a, nga mi muzuk kuo mi.

Habakuk 2:19

Ni zla d’a hohoud’a yam sama nga mi de magu ma a tuwalama ala: Ang tchol akulo na yam ma nga mi de mahina d’a a tuwalata ala: Ndak zlid’a na mi. Na ni a mba had’am zu? A gulud’uzi ni ki lora ki dorona mi, wani a nga muzuk ki.

1 Korente-na 12:2

Agi wagi ala kid’a agi ni suma bei wAlona tua d’a, suma a nga tanagi bugol filei ma ngela d’igi azi min na.

1 Korente-na 8:4

Hina, yam ted’a hahle suma a ngad’azi buzuna mi fileinina, ei wei ala: Fileina ni vama gagazi kur duniyad’a ka hî d’i, wani Alona ni tu go.

Gat ta a hat á mbàd’id’a 4:28

Ata yi máma agi mba kud’urogi alo ma suma a lum kabozina, nala, aguna d’oze ahinad’a, nalo ma ndak á we d’oze á hum mboze á te va d’oze á his va d’uo na mi.