Jeremi 10:21 - Bible azumeina

²¹ Jeremi mi dala: Kayam suma pola yazi d’i vit teyo, a hal nga Ma didina d’i. Kayam ndata, a kid’ak keyo, suma azi polozina pet a ndjoî woi mi.

Jeremi 10:21 Kruisverwysings

Jeremi 10:14

Kayam ndata, suma pet a mbut ni suma yazi nga d’uo na abo we mamba. Suma yor lora pet a mbut zulona kangus ahle suma azi yorozina, kayam filei mazina ni filei ma ka zlad’a, nga mi muzuk kuo mi.

Jeremi 10:8

Azi pet ni suma yazi nga d’uo na, ni suma lilid’a mi. Hat ta azi nga had’at yam filei mazinid’a ni hat ta hawa yaka.

Jeremi 12:10

Suma pola ablaud’a a b’lagan asine man ma guguzlud’a, a mired’em kä kaseziya, a mbud’un asine man ma an hurun vun heîna hur ful ma va nga kua d’uo na.

Jeremi 2:8

Suma ngat buzuna a de nga ala: Ma didina mi nga ni lara ge d’uo zu? Suma hat gata mi sumina a wan nga d’i, suma pol suma a nga d’engzeng avoron ndi, suma djok vuna a djo’î vun Bäl, a zlap tazi kalo ma teteng ma ndak nga á ndjun sa d’uo na mi.

Jeremi 22:30

Mi dala: Ar a b’ir sa máma d’igi sama bei grona na, ni sama mi fe nga djivid’a kur kak mamba d’uo na. Andjavam tu pî mba mi fe lovota á kak yam zlam mba amula hi David-ta d’i, tu pî mba mi fe lovota á te leud’a yam azì ma Juda-na d’uo mi.

Jeremi 49:32

Ma didina mi dala: A mba hurum djambal mazid’a, d’uwar mazi ma mimiyâ’â mba mi mbut ni vama hurumba avun ayîna. An mba ni ndjoyôzi woi ki simetna pet. Suma a wel ad’u dudumazina, an mba ni mba ki ndaka kazi ata yina pet.

Jeremi 5:31

Suma djok vuna a nga djok vun ma ka zlad’a, suma ngat buzuna a nga te yamba kad’eng mazid’a, sum mana a min ala ahle ndazina a le hina mi. Wani dabid’a hahle ndazinid’a agi mba lagi ni nana ge?

Jeremi 50:17

Israel-lâ a ni d’igi timi d’a ti vit tei d’a azlona mi digita na. Ma mud’ut avok kikidjina namul ma Asiri-na. Ma bugol ma mi kuzut asogot tei ndjondjoma ni Nebukanezar amul ma Babilon-na.

Jeremi 8:9

Gola! Suma ned’a a mbut zulona, mandarâ mi vaziya, a ve wa ki dauna. A gol zlad’a hi an Ma didinid’a is, ne mazid’a djivi mata ni me kazi ge?

Ezekiyel 34:12

An mba ni tin iran yam tumiyô mana d’igi ma pola nga mi gol tumiyô mama ata yima mi nga adigazi ata yima a b’rau woi yaya’â na. An mba ni yozï woi ata yima azi b’rau woi kua teteng kur bur ma babarâ mi pat mi mbut yina nduvundina.

Zakari 10:3

An hurun nga mi zal yam suma pol suma ding suma a nga yi tazi ala azi ni suma pol sum mana na. An mba ni mba á ngoboziya. Gagazi, an Ma didin ma ad’engên kal petna nga ni dala: An mba ni ngom d’uwar man suma Juda-na, an mba ni i ki sed’ezi ata yima durâ d’igi akulum ma subura na.

Zakari 13:7

Ma didin ma ad’engêm kal petna mi dala: Ndak mbigeu d’a fiyaka, ndak ka man ma pola, ndak ka ndrana mi. Ndak ka ma pola, ar tumiyôna a b’rau woi yayak, an mba ni mbut iran yam suma gureina.