Jeremi 10:10 - Bible azumeina

¹⁰ Wani Ma didina nAlo ma gagazina, nAlo ma arina, namul ma didina. Le hurum zala ni, suma yam andagad’ina a nga zlak avoromu. Andjaf suma a ndak á ve tazi avok ayî mam ma bibiliuna d’uo mi.

Jeremi 10:10 Kruisverwysings

Ad’u Tinda 21:33

Abraham mi pe atchinda avo Berseba; ata yi máma mi tchen ki simiyê Ma didina Alo ma nga kur atchogoi d’a lara ge petna.

1 Amuleina 18:39

Kid’a Israel-lâ pet a we hina d’a, a grif kä, a dala: Ma didina nAlo ma gagazina! Ma didina nAlo ma gagazina!

1 Amuleina 8:60

Hina wani, suma yam andagad’ina pet a mba wala Ma didina tu nAlona; ma ding ma d’igi mam na na nga d’i.

1 Sunda Hamuleinid’a 29:11

Ma didina, ngola, sib’ika, subura, wiled’a ki yam mba ted’a ni mangâ! Gagazi, akulod’a kandagad’a pet azi ni mangâ, kayam angî ma te yamba, angî ma akulo yam ahlena petna.

2 Sunda Hamuleinid’a 15:3

Israel-lâ a le bizad’a ablaud’a bei Alo ma gagazina adigaziya, bei ma ngat buzu ma mi had’azina, bei gat mamba adigazi mi.

Wana ni mbaktumba hi Job-pa 9:6

Andagad’a nga d’i yir abomu, ad’ut ta ged’a nga d’i giget mi.

Sawal la giled’a 10:16

Ma didina, angî amulâ burâ ki burâ gak didin; andjaf suma a mba dap pei yam andaga manga.

Sawal la giled’a 100:3

Ar agi wagi ala Ma didina nAlona. Mi lei ni mamu, ei ni sum mama, ei nades tumiyô mam suma mi poleina.

Sawal la giled’a 100:5

Kayam Ma didina ni ma djivina, o mamba ni d’a gak didinda, d’engzeng mamba ti nga ni kur atchogoi d’a lara ge pet mi.

Sawal la giled’a 104:32

Ang gol andagad’a, andagad’a ti zlaga, ang do ahuniyôna, andosâ rip kaziya.

Sawal la giled’a 114:7

Ndak andagad’a, ndak zlak avok Salad’a, avok Alona hi Jakob-ma.

Sawal la giled’a 145:13

Amul mang nga ted’a ni d’a didinda; ang nga tamula ni kur atchogoi d’a lara ge pet.

Sawal la giled’a 146:6

Ma didina mi lakulod’a kandagad’a, mi lalum ma ngolâ kahlena pet suma a nga kuruma, nga mi ngom gagazid’a teteu mi.

Sawal la giled’a 18:7

Kur yor ta manda, an yi Ma didina, an tchi yam Alo mana. Ata yam ma kaka mi humun delen kur gong mamba, tchi mana mi ndeza humamu.

Sawal la giled’a 29:10

Ma didina ni ma te yam mbiyo ma kus kur atchogoid’a hi Noe-d’ina; Ma didina ni ma te leud’a gak didina.

Sawal la giled’a 31:5

Ang mba sud’un ndei kur dau ma azi gunum kä gumun avorona, kayam angî sama ngomona.

Sawal la giled’a 42:2

Alo mana, an nga ni hat hurun kang d’igi pandrid’a nga d’i hat hurut yam mbiyo ma toliyona na.

Sawal la giled’a 68:11

Alo mamina, yam djivi manga sum mangâ a nga kaka yam andaga d’a ang minit yam suma hohoud’id’a.

Sawal la giled’a 68:8

Ata yima ang Alona ndei woi avok sum mangâ avo Ezipte ang nga tit avorozi hur fulîna, Tchol ndjö

Sawal la giled’a 74:12

Alo mana, angî amul ma kad’u tinda dedeina, angî ma prut suma woi avun ayîna yam andagad’ina.

Sawal la giled’a 76:7

Ata yima ang Alona hi Jakob-ma ang ngobozina, suma djang akulumeina a puk kä kakulumei mazina.

Sawal la giled’a 76:8

Angî Ma kal teglesâ! Ata yima hurung zalâ, ni nge ba, mi ndak á tchol avorong nge?

Sawal la giled’a 77:18

D’ugula nga d’i se mbina kûkû, d’ugula nga d’i breî mi. Gagazi, wile manga nga d’i djang kikilir ata yina pet d’igi yeûd’a nga d’i djang na.

Sawal la giled’a 84:2

Ma didin ma ad’engêng kal petna, gong manga djivi mata kal tegles.

Sawal la giled’a 9:8

Ma didina, ang nga tamula gak didin, ang tin zlam manga á ka sariyad’a.

Sawal la giled’a 90:11

Ni nge ba, mi wad’enga hi hur mang ma zalid’a ge? Sama mi ringîng mandarangâ, ni mam ba, mi wayî mang ma djulula.

Sawal la giled’a 90:2

Avok kid’a ang bei lahuniyôna kandagad’a ki duniyad’a tua d’a, adjeu dei gak ini burâ ki burâ angî Alona.

Sawal la giled’a 93:2

Ma didina, zlam mang nga amula ti nga tinda nadjeu dedei; adjeu dei angî ma nga kaka didina.

Sawal la giled’a 97:4

Wile mamba ti b’o yam duniyad’a, andagad’a ti wad’u, ti nga d’i zlaga.

Isai 37:17

Ma didina, ang tin humang ang huma! Ma didina, ang mal irang ang gola! Ang hum ngul la Sanakerip mi ngulung ang Alo ma bei matnina.

Isai 37:4

Amul ma Asiri-na mi sunï mam ma avun ma ngolîna á ngul Alo ma bei matna. Dam Ma didina Alo mangâ mi hum wa ngul ndata pet, dam mba mi ngobom yam zla d’a mam humuta kla. Ki tchetchemba, ang tchen Ma didina yam mam suma a arâ.

Isai 40:15

Gola! Andjaf suma a ni d’igi mbiyo ma tol kä hur sona ndeng tuna na, a ni d’igi andaga d’a gugud’up pa a hlat ki kilonid’a na. Gola! Til la tetenga ti ni d’igi andaga d’a gugud’up pa ti fel leid’a na.

Isai 40:28

Ang wum nga d’i? Ang humum nga zlam mbi? NAlo ma dedeina, ni Ma didin ma mi le andagad’a gak ata vunat ma dabid’ina, mi nga mi kau d’oze mi seî d’uo; wäd’u mamba ni d’a sana mi ndak á feget ad’ut tuo d’a mi.

Isai 57:15

Ma sä akulo ma kal tegles ma nga kaka gak didin ma simiyêm ala Ma bei tchod’a ba na na, mi dala: An nga ni kaka ata yima sä akulo dei ma didina ata yima an tinim iram vama. Wani an nga ki sama hurum b’lak ma mi hulong yam kä á b’leng hur suma a hulong yazi kä lulumana, á b’leng hur suma huruzi mi b’la’â mi.

Isai 65:16

Sama mi min ala mi b’e vuna kam ki simiyê ambasa na, mba mi b’e vuna kamî ki simiyên an Alo ma gagazina. Sama mi min gun tam ki simiyê ambasina mba mi gun tamî ki simiyên an Alo ma d’engzengâ, kayam ndak ka kal leid’a a mba mar rei kad’u, a mba ngeyet tei iran mi.

Jeremi 23:36

Wani agi mba yagi zla d’a aneka hi Ma didinid’a ala: Wana ni zla d’a aneka hi Ma didinid’a d’uo d’a. Zla d’a aneka hi Ma didinid’a mba d’i arî zlad’a hi nge nge pî ki yamu, kayam agi b’lagagi zlad’a hAlo ma bei matna Ma didin ma ad’engêm kal petna, Alo meinid’a woyo.

Jeremi 4:2

Le agi gunugi tagi ki gagazid’a ki d’ingêra ki d’engzenga ala: Ma didina ni ma bei matna ni, ata yi máma andjaf suma dingâ a mba dan ala an b’e vunan kaziya, a mba subur tazi kan mi.

Jeremi 4:24

An gol ahuniyô suma fuyogeina, a nga giged’a; yima ndingâ nga mi giget mi.

Jeremi 50:46

Andagad’a ti giget abo siwel la a siwelet á hle Babilon-nda, wulula ti ndezi woi aduk andjaf suma mi.

Jeremi 51:29

Andagad’a ti giged’a, ti zlak mi, kayam nga hurâ hi Ma didina ma mi ngam yam Babilon-na, mi ndak wa. Mi mbut wa ambas sa Babilon-nda djo ma bei sa mi kak kua ba na.

Daniel 4:3

Ahle mam suma yoyouna a kal ngola heî! Sun mam mba atchapa ni sun nda sib’ika! Mam mba mi tamula gak didin, leu mam mba ted’a mba d’i dap puo mi!

Daniel 4:34

Nebukanezar mi de kua ala: Bugol biza d’a kid’iziyad’a an hle iran akulo, djib’er manda ti mba. Ata yi máma an le Alo ma sä akulo ma kal teglesâ mersi, an gilemu, an subur mam ma bei matna ba ma nga mi te yamba gak didin ma nga mi te leud’a kur atchogoid’a katchogoid’ina.

Daniel 6:26

An he vuna kur leu manda pet ala: Ar nge nge pî mi le mandara Alona hi Daniel-lâ. Ar mi ge yam kä avorom mi, kayam mam mi Alo ma bei matna ba na. Ni ma nga kaka gak didina, leu mamba nga d’i b’lak kei d’i. Ni ma nga mi te leud’a gak dabid’a hatchogoid’ina.

Daniel 6:27

Ni ma nga mi sut sana, ni ma nga mi prud’um mbei mi na. Ni ma nga mi lahle suma simata kahle suma atchapma sä kur akulod’a, ka hî yam andagad’a mi na. Ni ma sut Daniel lei avun azlonina mi.

Daniel 7:14

Ma abizei ma dedei máma mi hum ad’eng nga te yamba, subura ki leu d’a ted’a. Andjaf suma ki suma ad’u vun ma ded’a tetengâ pet a nga lum sunda. Yam mam mba ted’a ni d’a didin nda bei dabid’a ba d’a, leu mamba nga d’i b’lak kei d’uo mi.

Joel 2:11

Ma didina mi de zlad’a woi avok adesâ hi azigar mamina, kayam ades azigar mama mi kal ablaud’a heî, ni vama mandarâ mi. Gagazi, burâ hi Ma didinina ni bur ma ngolâ, ni vama mandarâ mi. Ni nge ba, mba mi tchol kur bur máma ge?

Mise 1:4

Ahuniyôna a nga lau woi kä ad’umu, hora mba d’i wak kei d’igi dubangâ mi lau woi abo akud’a na, d’igi mbiyo ma akulo yam yima ndingîna mi djangî kä ata yima ligitima na mi.

Nahum 1:5

Nga mi giget ahuniyôna, yima ndingâ nga mi lau woyo. Andagad’a ki suma a nga kaka kurutna pet a nga hlakulo avorom hîhîb’iring.

Nahum 1:6

Ni nge ba, mba mi tchol avorom ata yima hurum zalâ ge? Ni nge ba, mba mi tchol avok ayî mam ma bibiliuna ge? Hur mam ma zala nga mi ngal d’igi akud’a na, nga mi to ahuniyôna woyo.

Habakuk 3:10

Ahuniyôna a wangû, a nga zlaga; mbiyona nga mi djang oî kä yam andagad’a, zul la yiyika vunat nga mi tchi wü, abilâ nga mi sulul akulo huhubup mi.

Habakuk 3:6

Alona mi tchol akulo, andagad’a nga d’i giged’a; nga mi gola, andjaf suma a nga zlaga; ahina d’a dedeid’a nga d’i wizek keyo, ahina d’a gurei d’a djodjohla nga d’i galal leyo. Lovota ti mal lei avoron d’igi ti nga nadjeu dedei na.

Malatchi 3:2

Ni nge ba, mba mi so tam kur bur ma mba mamba ge? Ni nge ba, mba mi tchol avorom fata mba mi ndei woi d’a ge? Kayam mi hle tamî d’igi akud’a hi suma tchafid’a na, mi hle tamî d’igi sabulâ hi sama mbus barud’a hapina na mi.

Matiye 16:16

Simon Pierre mi hulong dum ala: Angî Mesi máma, Alo ma arina Goroma.

Matiye 26:63

Wani Jesus ngruf kiki. Ma ngol ma ngat buzuna mi dum kua ala: An gunung ki simiyê Alo ma arina, ang le ni Mesi Alona Goroma ni, ang damiya.

Jean 17:3

Ari d’a didinda ba wana, nala, a wang ala ang tu nAlo ma gagazina, a wan ala an Jesus Christ ni ma ang sununïna mi.

Sunda hi suma a sunuzinid’a 14:15

a de ki delezi akulo ala: Agi sumuna, agi lagi ni me na ge? Ami ni suma d’igi agi na mi. Ami mbagi ni Zla d’a Djivid’a ala agi aragi filei ma hawa ya’â woyo, agi mbud’ugi iragi yam Alo ma ari ma lakulod’a kandagad’a kalum ma ngolâ kahlena pet suma a nga kuruma.

Gat ta a hat á mbàd’id’a 32:4

Ma didina nahina d’a ndjunid’a. Sun mam mba led’a ndak memet, nga hur mama pet ni ma iratna, ni ma d’engzengâ burâ ki burâ, ni Ma bei tchod’a ba na, ni ma d’ingêrâ, ni ma gagazina mi.

Gat ta a hat á mbàd’id’a 5:26

Ni nge ba, yam tu mi hum del Alo ma arina aduk akud’a d’igi ei na, mi nga ki iram ge?

1 Tasaloni’â 1:9

Kayam azi tazi ki yazi a nga de zla ve d’a agi vami adigagid’a, ni nana ba, agi aragi fileina woi agi mbud’ugi hurugi mAlona á lagi sunda mAlo ma ari ma gagazina,

1 Timote 1:17

Mam mi Amul ma didin ma bei matna ma bei wuma, Alo ma tu gid’engâ, ni Ma hud’a ki subura ni mamba gak didina. Amin!

1 Timote 6:17

Ang he vuna mi suma ndjondjoî suma kur duniya d’a wandina, ar azi subur tazi d’i. Ar azi tin huruzi yam ndjondjoî d’a mba d’i dap peid’a d’i, wani a tin huruzi ni yam Alo ma nga mi hei ahlena pet ngola kayam ei lei furîd’a kaziya na.

Hebre-na 10:31

Ni vama mandar ma ngolâ á ndabo Alo ma arina.

Josue 3:10

Mi dazi kua ala: Agi mba wagi woi ala Alo ma bei matna mi nga adigagiya, mba mi dik suma Kanan-na, suma Het-na, suma Hef-fâ, suma Peris-sâ, suma Girgas-sâ, suma Amor-râ ki suma Jebus-sâ woi avorogiya.

1 Jean 5:20

Ei wei ala Alona Goroma mi mba wa da’, mi hei wa ned’a á wei Alo ma gagazina. Ei nga zlapa tu kAlo ma gagazi máma ni yam Goroma Jesus Christ. Mam nAlo ma gagazina, mam nari d’a didinda mi.

Vama ndum mbeina 20:11

An we zlam mba amul la ngol la hapa. Ma nga kaka katna, andagad’a kakulod’a a nga ring ngei avoromu, a dok wazi d’uo d’a.

Suma ka sariyad’a 5:4

Ma didina, kid’a ang nde woi Seir-ra, kid’a ang mbeï hur ful ma Edom-mid’a, andagad’a ti yira, akulod’a ti lau woyo, d’ugula ti tchugul mbina mi.

1 Samuel 17:26

David mi de mi azigar suma gevem go na ala: Sama tchi ma Filistê máma woi mi pat zulona woi yam Israel-lîna, mba lumî nana ge? Ma Filistê ma bei ngat bayâ máma ni nge ko ba, mi ngul b’ranga hAlo ma bei matnina na ge?

1 Samuel 17:36

Ni hina ba, an tchi azlona azi ki ursâ, an mba ni le ki ma Filistê ma bei ngat bayâ máma ni hina mi, kayam mam ngul b’ranga hAlo ma bei matnina.