Jeremi 1:7 - Bible azumeina

⁷ Wani Ma didina mi dan ala: Ar ang dala angî gogorâ d’i. Kayam ang mba i ata suma pet suma an mba ni sunung atazina, ang mba dazi woi yam ahle suma an mba ni hang vuna kazina pet mi.

Jeremi 1:7 Kruisverwysings

1 Amuleina 22:14

Wani Mise mi dum ala: Ma didina ni Ma bei matna ba na. An i ni de ni vama Ma didina mba mi dandjina.

1 Amuleina 3:7

Ki tchetchemba, Ma didina Alo mana, ni ang ba, vragan amula balum abun David. Wani an ni gogor ma gorâ tua, an ndak nga á le sun ndata d’i.

2 Sunda Hamuleinid’a 18:13

Wani Mise mi hulong dum ala: Ma didina ni Ma bei matna ba na. An i ni de ni vama Alo mana mba mi dandjina.

Buzuk ka Abud’a 6:29

mi dum ala: An ni Ma didina. Ang hulong de mi Faron amul ma Ezipte-na ahlena pet suma an hang vuna kazina.

Jeremi 26:2

An Ma didina nga ni dangû, ang i tchol kur gulumuna hi gong man nda kud’orina, ang de mi suma kur azì ma nglo ma Juda-na suma a nga mba á grif kä kur gong mandina zla d’a pet ta an nga ni hang vuna kat á dazizid’a. Ang ar zla kä tu d’i.

Jeremi 43:1

Ata yima Jeremi mi dap zla d’a de d’a pet ta Ma didina Alo mazina mi dumzid’a ki zla d’a pet ta Ma didina Alo mazina mi hum vuna kat á dazizid’a petna,

Jeremi 7:27

Ang Jeremi, le ang i dazi zla ndata hina pet pî, azi mba humung ngi. Le ang yazi pî, azi mba hulongông humba d’uo mi.

Ezekiyel 2:7

Le azi hum mboze a min hum mbuo pî, ang dazi zla manda, kayam azi ni suma bei hum vuna ba na.

Ezekiyel 3:27

Fata an dang zlad’id’a, an mba ni malang vunang ngeyo, ang dazi ala: Wana ni zla d’a ded’a hi Salad’a Ma didinid’a. Sama mi min huma, ar mi huma. Sama mi min hum mbuo na, ar mi hum mbuo mi, kayam azi nandjaf ma bei hum vuna ba na.

Amos 7:15

Ma didina mi vanï nad’u d’uwarâ, mi dan ala: Ang i djok vuna mi man suma Israel-lâ.

Jonas 3:2

Ang tchol ang i Ninif kur azì ma ngolâ, ang dazi zla d’a an dangzid’a.

Ndumba 22:20

Alona mi mba ata Baläm andjege, mi dum ala: D’igi sum ndazina a mba hina wani, ang tchol i ki sed’eziya, wani ang le ni vama an mba ni dang kama.

Ndumba 22:38

Baläm mi de mi Balak ala: Ki tchetchemba, an mba geveng wan pî, an ndak á de zla d’a lara pî d’a an min data d’i. An mba ni de ni zla d’a Alona mba mi tinindji avunan á ded’id’a hol.

Matiye 28:20

Agi had’azi á ngom ahlena pet suma an hagi vuna kazina. Gola! An nga ki sed’egi teteu gak dabid’a hi duniyad’id’a mi.

Sunda hi suma a sunuzinid’a 20:27

Kayam an dagi minda hAlonid’a woi pet, an ngeyegi nga va d’i.