Jeremi 1:17 - Bible azumeina

¹⁷ Wani ang Jeremi, ang djin d’i’â furungû, ang tchol akulo, ang i dazi woi yam ahlena pet suma an mba ni hang vuna kazina. Ar ang zlak avorozi tala an zlagang avoroziya d’a d’i.

Jeremi 1:17 Kruisverwysings

1 Amuleina 18:46

Elie mi djin d’ik mama furumu, Ma didina mi hum ad’enga, mi ring avok pus ma akulumeina hi Ahap-ma, mi mbaza avun azì ma Jisreyel-lâ avok Ahap.

2 Amuleina 1:15

Malaikana hi Ma didinina mi de mi Elie ala: Ang lum mandaram mbi. Ang tchuk aseng kä, ang i ki sed’emu. Elie mi tchugï asem kä ki azigar ma ngol máma, mi i gen amulâ.

2 Amuleina 4:29

Elise mi de mi Gehazi ala: Ang min tangû, ang hle totogo man nda djok vuna, ang i Sunem. Le ang ngaf sa glovod’o ni, ang tchol á gum depa d’i; le sa mi min á gang depa ni, ang humum mbuo mi. Ang i d’igal totogo manda avok gorâ.

2 Amuleina 9:1

Bur tu Elise ma djok vun Alona mi yi gor azongâ tu aduk adesâ hi suma djok vunina, mi dum ala: Ang min tangû, ang hle gugur ra mbulâ abongû, ang i kur azì ma Ramot ma Galät-na.

Wana ni mbaktumba hi Job-pa 38:3

Ang djin d’i’â furungû, ang kak mandjufâ. An nga ni djobongû, ar ang van ad’ud’a!

Buzuk ka Abud’a 3:12

Alona mi dum ala: An mba ni kak ki sed’engû. Wana ni vama simat ma ang mba wala ni an ba ni sunungû na: Fata ang buzugï sum mana woi avo Ezipte-d’a, agi mba kud’uron yam ahina d’a wanda.

Buzuk ka Abud’a 7:2

Ang mba dahlena pet suma an mba ni hang vuna kazina. Wiyengâ Aron mba mi dugud’ozi woi ded’a mi Faron, kayam mi ar Israel-lâ a buzuk kei kur ambas mamba.

Jeremi 1:18

Gola! An tining ini yam ambas ndata pet d’igi azì ma ngol ma ad’eng ma ngunguna na, d’igi grak ka kawei ma wurana na, d’igi gulumun ma kawei ma hleuna na á dur kamulei suma Juda-na ki mazi suma nglona ki mazi suma ngat buzuna ki suma kur ambasina pet mi.

Jeremi 17:18

Ar suma a djobon vunana a mbut zulona, ar an mbut zulona d’i. Ar azi zlaga, ar an zlak ki. Ang mbazi bur ma ndaka kaziya, ang b’lagazi woi b’ib’lak yang mbà.

Jeremi 23:28

Ma didina mi dala: Ma djok vun ma adïd’a duma, ar mi ve nad’u adï mamba hol! Wani ma mi nga ki zla mandina, ar mi dat tei ata lovod’od’u! Ar agi ndjagagi asuna ki ir awuna d’i!

Jeremi 26:12

Ata yi máma Jeremi mi de mi suma nglona kablau d’a peta ala: Zla d’a agi humut pet wanda, ni Ma didina ba, mi sununï á djogot tei yam gong nga wanda kazì ma ngol ma wana mi.

Jeremi 26:2

An Ma didina nga ni dangû, ang i tchol kur gulumuna hi gong man nda kud’orina, ang de mi suma kur azì ma nglo ma Juda-na suma a nga mba á grif kä kur gong mandina zla d’a pet ta an nga ni hang vuna kat á dazizid’a. Ang ar zla kä tu d’i.

Jeremi 36:8

Baruk Neriya goroma mi lahlena pet suma ma djok vun Alona Jeremi mi hum vuna kazina, mi ndum zlad’a hi Ma didina d’a a b’irit kur mbaktumbid’a kur gong mam mba kud’ora.

Hor ma tchina 3:57

Kid’a an yanga, ang hud’ï gevenu, ang dan ala: Ar ang le mandar ri!

Jonas 3:2

Ang tchol ang i Ninif kur azì ma ngolâ, ang dazi zla d’a an dangzid’a.

Wana ni Zla d’a Djivi d’a Luc mi b’irita 12:35

Jesus mi had’azi kua ala: Agi djinigi d’i’â furugi ad’enga ndinding, ar lalam magid’a ti b’o mi.

Sunda hi suma a sunuzinid’a 20:20

Agi wagiya, an ar nga bei dagi ahle suma ala ni djivid’a kagiya na d’i. An had’agi avok suma pet, hur azina hur azina mi.

Sunda hi suma a sunuzinid’a 20:27

Kayam an dagi minda hAlonid’a woi pet, an ngeyegi nga va d’i.

1 Korente-na 9:16

Ata yima an nga ni tchi wal Zla d’a Djivid’ina, an nga ni subur tan ndi. Ni vama a tinindji kan mbeî á led’ina. Le an nga ni lum mbuo ni, ni zla d’a hohoud’a kanu.

1 Tasaloni’â 2:2

Agi wagi ala avok ka bei ami mbami sä hatagi Tasalonik-ka, ami fami ndaka ki lasa yam andaga d’a Filip-pa. Wani suma a hal á d’elemi pî, Alona mi hami ve tad’a á tchagi wal Zla d’a Djivi d’a tcholï atamba.

1 Pierre 1:13

Kayam ndata, agi vagi tagi ad’enga á le sunda, agi kagagi ki ndjola, agi tinigi hurugi pet yam he d’a hawa d’a agi mba fat kur bur ma Jesus Christ mba mi nde woina.