Jeremi 1:15 - Bible azumeina

¹⁵ Ma didina mi dan kua ala: Gola! An nga ni yï suma kur leu d’a abom ma norîd’a halang. Azi mba mba. Nge nge pî, mba mi tin zlam mamba avun agrek ma Jerusalem-ma, huyok gulumun matna, a mba nguyum mbei d’uhl, avun azì ma nglo ma kur ambas sa Juda-d’ina pet mi.

Jeremi 1:15 Kruisverwysings

Isai 22:7

Ang azì ma ngol ma Jerusalem-ma, hor mang nga djif fa heîd’a nga d’i oî ki pus ma dur ayîna, suma djang akulumeina a ndjar nga avun agre’â á durâ mi.

Jeremi 10:22

Agi humugi vun ma wüna hi suma ma nga mi mbana, ni siwel la gandjau d’a ti tcholï yam ambas sa abo ma norâ á mbut azì ma nglo ma Juda-na djona á mbud’um domina hi hânina mi d’a.

Jeremi 10:25

Ar ang zal hurung yam andjaf suma dingâ, yam andjaf suma a nga yang á ndjunuzi d’uo na, kayam azi b’lak suma hi Jakob-ma woi kakazeî, a dabazi ahligiyezi woi kakaf, a b’lagazi yazi ma kaka woi mi.

Jeremi 13:20

Ndak Jerusalem, ndak hle irak akulo, gol mak suma djangûna a nga djï abo ma norâ. Suma an haksi abo’â a nga ni lara ge? Sumala ni subur maka na a nga ni lara ge?

Jeremi 25:28

Le azi min ve kop ma süm ma ayî máma abong á tched’a d’uo ni, ang dazi ala: Ma didin ma ad’engêm kal petna mi dala: Agi mba tchumu!

Jeremi 25:9

An nga ni tchuk sunda, ni halï suma abo ma norâ ki Nebukanezar azong mana, amul ma Babilon-na. An mba ni mba ki sed’ezi á dur ambas sa wanda ki suma a nga kaka kurutna kandjaf suma a nguyutna pet á b’lagazi woi kakazeî, á mbud’uzi vama atchapma, vama sanda ki vama b’lak ma gak didina.

Jeremi 33:10

Ma didina mi de kua ala: Agi suma Juda-na, agi nga dugud’ogi ded’a ala ambas magid’a ti b’lak wa woyo, sa d’oze d’uwar mi nga kua d’i. Gagazi, azì ma nglo ma Juda-na ki ir palum mba Jerusalem-mba a mbut wa hur fulâ ini, sa nga kua d’oze d’uwar mi nga kua d’uo mi. Wani a mba hum

Jeremi 34:1

Kid’a Nebukanezar amul ma Babilon-na ki azigar mama pet ki suma kur leud’a yam ambas sa mam te kata pet ki sum mama pet a nga dur ayîna ki Jerusalem ki suma kur azì ma nguyutna peta, Ma didina mi de mi Jeremi ala:

Jeremi 34:22

Ma didina mi de kua ala: Gola! An nga ni he vuna, an mba ni hulongî sum ndazina yam azì ma ngol ma wana. A mba durumu, a mba hlumu, a mba ngalam mbei kakud’a. An mba ni mbut azì ma nglo ma Juda-na ful la bei sa mi kak kua ba d’a.

Jeremi 39:3

Suma nglona hamul ma Babilon-na a tchuk krovo hur azì ma ngolâ, a kak kä avun Agrek ma Krovona. Suma nglo ndazina ba wana: Nergal-Sareser, Samgar-Nebu, Sarsekim ma ngolâ hi suma adimbangîna, Nergal-Sareser ma ngolâ hi azigar suma nglonina, zlapa ki suma nglo suma dingâ hamul ma Babilon-nina pet.

Jeremi 4:16

Agi gagi hum andjaf suma, agi dagi mi suma Jerusalem-ma mi ala: Suma djangûna a nga djïya. A tcholï nata yima deina, a nga yi tau d’a dur ayîna á dur azì ma nglo ma Juda-na.

Jeremi 4:6

Agi pagi drapo d’a taka akulo avo Siyon, agi ringîgiya, agi tchologi aduk ki, kayam Ma didina nga mi mba ki ndaka abo ma norâ, ki b’lak ka ngola mi.

Jeremi 43:10

Ang de mi Juif-fâ ala: Ma didin ma ad’engêm kal petna, Alona hi Israel-lîna, mi dala: Gola! An mba ni sun ni halï Nebukanezar amul ma Babilon-na azong mana, an mba ni tin zlam mam mba amula yam ahuniyô suma an ngeyezi kä wana, mam mba mi bar tapi mama kazi mi.

Jeremi 44:6

Ayî mana ki hur man ma zal ma gugulu’â a wet teyo, a ngal azì ma nglo ma Juda-na ki ir palum mba Jerusalem-mba suma a mbut ini ni djona ki fula d’igi a nga wazi ini na na.

Jeremi 46:24

Ezipte-na a mbut wa zulona, kayam a hazi wa abo suma norâ.

Jeremi 5:15

Ma didina mi de kua ala: Agi Israel-lâ, gola! An nga ni mbeï kandjaf ma dingâ ata yima dedeina á durugiya. Nandjaf ma ad’engâ, nandjaf ma mi nga adjeu dedeina, nandjaf ma agi humum nga vunam mbuo na, ni ma agi nga wagi ad’u vama mam nga mi duma d’uo na mi.

Jeremi 6:22

Ma didina mi dala: Gola! Suma yam ambas sa abo ma norîd’a a nga djïya. Nandjaf ma ngol ma tcholï avun dabid’a handagad’ina.

Jeremi 9:11

Ma didina mi dala: An mba ni mbut Jerusalem djona, an mba ni mbud’ut domina hi hânina, an mba ni mbut azì ma nglo ma Juda-na hur ful ma sa nga mi kak kua d’uo na.

Hor ma tchina 5:11

A b’lak aropma woi hur Siyon, a b’lak yugunei suma bei ngaf kandjofîna woi hur azì ma nglo ma Juda-na.

Ezekiyel 32:30

Gola! Suma nglo suma abo ma norâ pet ki suma Sidon-na pet a nga kua, ni suma a i kä azulei ki suma a tchazina. Azi ni grang suma a mbut suma mandarâ adjeuna pî, ki tchetchemba, suma bei ngat bayâ ndazina a i wa azulei ki zulona, zlapa ki suma ding suma a tchazi avun ayînina.

Joel 2:20

An mba ni dik magi suma djangû suma abo ma norâ woi dei, an mba ni digizi gak ni izi hur fulâ yam andaga d’a so d’a gangrasa. An mba ni dik azigar mazi suma avo’â irazi abo ma ir apo d’a Matnina, an mba ni dik azigar mazi suma bugolâ irazi abo ma ir alum ma ngol ma Mediterane-na mi. Mad’azi mba mi bua, mba mi b’ik hisâ kä b’ib’ik. An mba ni lazi hina, kayamba azi lagi tchod’a ngola heîd’a.

Zakari 6:6

Akulumei suma wurogeina a hle pus ma dingâ, a i irazi yam ambas sa abo ma norîd’a. Akulumei suma hobiyona a i blogoziya, akulumei suma mord’eina a i irazi yam ambas sa abo ma sutnid’a mi.