Jeremi 1:13 - Bible azumeina

¹³ Ma didina mi dan kua yam á mbàd’a ala: Jeremi, ang we ni me ge? An hulong dum ala: An we dei ma yahlena mi nga tinda abo ma norâ, mi lengî kä keya.

Jeremi 1:13 Kruisverwysings

Ad’u Tinda 41:32

Le adïd’a dang yat hina mbà ni, nala, zla ndata ndagï nabo Alona, mam mba mi lat atogo zak mi.

Isai 55:11

Hina mi, zla d’a ndavunanda ti nga d’i hulongî atan bei ti le va d’i, ti nga d’i ba bei ndak vun min manda d’oze ti oî vun vama an sunut kama d’uo mi.

Jeremi 24:3

Ma didina mi dan ala: Jeremi, ang we ni me ge? An hulong ni dum ala: An we ni tuluma. Ma hina ni ma djivina, ma hina ni ma tchona, ni ma ndak á ted’a d’uo na.

Ezekiyel 11:3

A nga dala: Nga ni yima min gongîyona d’uo tua, azì ma ngol ma wana ni deina, ei teid’a ni hliu ma kurâ.

Ezekiyel 11:7

Ni kayam ndata ba, an Salad’a Ma didina nga ni dagiya: Mat ma agi samam kä hur azinina ni hliuna, azì ma ngolâ ni deina mi. Wani agiya, an mba ni buzugugï woi kur azì máma.

Ezekiyel 12:28

Ni kayam ndata ba, ang dazi ala: Salad’a Ma didina mi dala: Zla d’a an mba ni data pet mba d’i ndak vun sun mata bei lilinga ba. Ni an Salad’a Ma didina ba, ni de zla ndata.

Amos 8:2

Mi djobon ala: Amos, ang we ni me ge? An hulong ni dum ala: An we gagalagad’a ki vud’agu ma ned’a kuru. Ma didina mi hulong dan ala: Dabid’a mba wa yam man suma Israel-lâ da’, an mba ni vat hurun ndei yam tcho mazid’a d’uo d’a.

Zakari 4:2

Mi dan ala: Ang we ni me ge? An hulong dum ala: An wagu lalam ma lora ki yam ma vo mbulâ akulo kam mi. Lalamba kid’iziya nga akulo kamu, yima mi djang mbulâ kur lalam ndatina ni kid’iziya mi.