Jean 9:2 - Bible azumeina

² Mam suma hata a djobom ala: Ma hat suma, sama le tchod’a ba a vud’um ki dukina ni nge ge? Ni sa máma, d’oze simiyêm suma a vud’uma zu?

Jean 9:2 Kruisverwysings

Buzuk ka Abud’a 20:5

Ar ang grif kä avorozi d’i, ar ang kud’urozi d’i, kayam an Ma didina Alo mangâ nAlo ma yungôrâ. Sama kak djangûna ki sed’ena, an mba ni ngobom kandjavam gak andjavam ma kur atchogoi d’a hindid’ina d’oze ma kur atchogoi d’a fid’id’ina.

Matiye 16:14

Azi hulong dum ala: Suma dingâ a nga dala angî Jean ma le suma batemba, suma dingâ ala angî Elie, suma dingâ ala angî Jeremi d’oze ma dingâ tu aduk suma djok vun Alona.

Matiye 23:7

A min ala suma a gazi depa ad’u su’â, a yazi ala Suma hat suma mi.

Matiye 23:8

Wani agiya, ar a yagi ala Suma hat suma d’i, kayam Ma hata ni tu, agi pet ni b’oziyo tagiya.

Wana ni Zla d’a Djivi d’a Luc mi b’irita 13:2

Jesus mi hulong dazi ala: Agi djib’eregi ala suma Galile ndazina ni suma tchona kal suma ding suma Galile-na zu?

Jean 4:31

Kid’a atcha ndata ti id’a, suma hata a tchenem ala: Ma hat suma, ang mbeï te nde tua.

Jean 9:1

Kid’a Jesus nga mi kala, mi we sama a vud’um ki dukina.

Jean 9:34

Azi hulong dum ala: Ang ma vud’ung kur tchod’ina, ang ndak á had’ami zu? A digim mbei abu kur gong mazi d’a toka.

Sunda hi suma a sunuzinid’a 28:4

Kid’a suma kur tila a we guguid’a d’uta del abomba, a de tazi ala: Gagazi, sa máma ni sama tchi matna. Mi sut wa woi kur aluma, hina pî, d’ingêra hAlonid’a aram nga á suta d’i.