Jean 8:6 - Bible azumeina

⁶ A de hina á kugum tala azi fe lovota á vum ki zlad’a d’a. Wani Jesus mi d’ok yam kä, mi nde b’ir ki tchitchid’am kä andaga.

Jean 8:6 Kruisverwysings

Ad’u Tinda 49:9

Ang Juda gorona, angî d’igi azlo ma azong ma tcholï ata yima nduwandina na. Mi tchuk guguvam mi bur kä; sama mba mi tcholom akulo ni nge ge?

Sawal la giled’a 39:1

Ni sawal la David mi hlat mi hat mi ma ngolâ hi suma hle sawalina ki Jedutun.

Zla d’a d’ogolâ 26:17

Sama mi hak tam aduk huneî d’a ndolom nga d’uo d’a, mi ni d’igi sama mi vädina ki humama na.

Ma tchi wala 3:7

yima haû woina mi nga, yima dupa mi nga mi; yima bei de zlad’a mi nga, yima de zlad’a mi nga mi;

Jeremi 17:13

Ma didina, angî ma Israel-lâ a tin huruzi kangâ, suma a arang ngeina, zulona mba mi laziya; suma a wal lei ki sed’engâ a mba dap pei d’igi simi ma a b’irim kä aduk andaga d’a gugud’upa na, kayam a arang ang Ma didina mbiyo ma lau ma arid’a woyo.

Daniel 5:5

Ata yi máma tchitchid’a sana ti nde woi go kagu lalamba, ti b’ir akulo huyok gulumuna hazì ma amula. Ata yima amulâ mi we tchitchit ta b’ir akulo ndatina, ata yi máma amulâ mi tchuk susub’ok, djib’erem b’laga,

Amos 5:10

Agi nga noyôgi sama nga mi de zla d’a d’ingêra avun agre’â ata yima ka sariyad’ina, agi nga gologi sama mi le glangâs ma iratnina is mi.

Amos 5:13

Kayam ndata, sama ned’a mi kak ki vunam ma du’â kur atchogoi d’a hina d’a, kayam natchogoi d’a tchod’a.

Ndumba 14:22

Suma pet suma a we subur manda kahle suma simat suma an lazi avo Ezipte kabagei hur fulâ suma a kugun ndei yazi dogo suma a humun nga vunan nduo na,

Matiye 10:16

Jesus mi dazi kua ala: Gola! An sunugi ni d’igi tumiyôna na aduk ngûna. Agi kagagi ki ned’a d’igi guguyona na, agi kagagi kukud’uk d’igi gugud’a na mi.

Matiye 15:23

Wani Jesus mi hulongôt nga zla d’a de tu d’i. Mam suma hata a mba gevem a tchenem ala: Ang arat ti iya, kayam nga d’i tchi blogeya.

Matiye 16:1

Fariziyêna azi ki Sadusiyêna a mba ata Jesus. A kugum ala mi tagazi vama simat ma mi tcholï akulona.

Matiye 19:3

Fariziyêna a mba atam á kugumu, a djobom ala: Na ni gat meid’a ti ar lovota mi sana á dik amamba woi yam zla d’a lara ge zu?

Matiye 22:18

Wani Jesus mi we tcho mazid’a, mi dazi ala: Agi suma lop ira, ni kayam me ba, agi kugun nge?

Matiye 22:35

Ma dingâ adigazi ni ma hat gata, mi djobom zlad’a á kugumu. Mi dum ala:

Matiye 26:63

Wani Jesus ngruf kiki. Ma ngol ma ngat buzuna mi dum kua ala: An gunung ki simiyê Alo ma arina, ang le ni Mesi Alona Goroma ni, ang damiya.

Marik 10:2

Fariziyêna a mba atam á kugumu, a djobom ala: Na ni gat meid’a ti ar lovota mi sana á dik amamba woi zu?

Marik 12:15

Wani Jesus mi we mbut ir mazid’a, mi dazi ala: Ni kayam me ba, agi kugun nge ge? Agi hanï sile ndata wana, an golod’u.

Marik 3:2

Suma a nga kuana a so irazi atam ngolol á we na ni mba mi sud’um ini kur bur ma sabatna zu? Kayam azi nga hal lovota á vum ki zlad’a.

Marik 8:11

Fariziyêna a mba, a nde tchi tuguyod’a ki Jesus. A nga kugum ala mi tagazi vama simat ma tcholï akulona.

Wana ni Zla d’a Djivi d’a Luc mi b’irita 10:25

Ma hat gata tu mi tchol á kuk Jesus, mi djobom ala: Ma hat suma, an le ni nana ba, mba ni fari d’a didinda ge?

Wana ni Zla d’a Djivi d’a Luc mi b’irita 11:16

Suma dingâ a kugumu, a tchenem ala mi tagazi vama simat ma mi tcholï akulona.

Jean 8:2

Ki yorogo tcholola, mi hulong kur gong nga kud’ora hAlonid’a. Suma pet a mbeï gevemu, mi kak kä, nga mi had’aziya.

1 Korente-na 10:9

Ar ei kugi Salad’a d’igi suma dingâ adigazi a kugum hina ba guguyona a tchazi woi na d’i.