Jean 7:1 - Bible azumeina

¹ Bugol ahle ndazina, Jesus nga mi tit kur ambas sa Galile-d’a kayam mi min tit kur ambas sa Jude-d’a d’i, kayam Juif-fâ a nga halam á tchid’a.

Jean 7:1 Kruisverwysings

Matiye 10:23

Ata yima azi nga lagi ndaka kur azì ma dingîna, agi ringîgi kur ma dingâ. Gagazi, an nga ni dagiya, agi mba dabagi azì ma nglona hi Israel-lîna nguid’a pet ti, an Gor Sana mba ni mba.

Matiye 21:38

Wani kid’a suma sunda a we goromid’a, a de tazi ala: Wana ni ma te djona, agi mbeyegi tchiziya, ei mba tei djo mama.

Marik 11:18

Kid’a suma nglo suma ngat buzuna azi ki suma hat gata a hum zla ndatid’a, a nga hal lovota á tchum mbeyo, wani azi nga lum mandaramu, kayam ablau suma pet a nga le atchap yam hat mamba.

Jean 1:19

Wana ni glangâsâ hi Jean-na: Kid’a Juif suma Jerusalem-ma a sunï suma ngat buzuna kandjaf suma hi Levi-na gevem á djobom ala: Angî nge ge d’a,

Jean 4:3

Kid’a Jesus mi wäd’u zla ndatid’a, mi ar Jude, mi hulong avo Galile.

Jean 4:54

Wana ni vama simat ma mbà ma Jesus mi lum kid’a mi tcholï Jude mi mba kur Galile-d’a.

Jean 6:1

Bugol ahle ndazina, Jesus mi i djak woi abo apo d’a Galile d’a simiyêt ala Tiberiyat-ta.

Jean 7:11

Juif-fâ a nga halam ata yima vun til máma, a dala: Mi nga ni lara ge?

Jean 7:13

Wani sama de zla ndata woi pid’ak ir sumina nga d’i, kayam a nga le mandara Juif-fâ.

Jean 7:19

Moise mi hagi gata d’uo zu? Hina pî, adigagi ma ngomotna nga d’i. Ni kayam me ba, agi halan á tchid’a ge?

Jean 7:25

Kayam ndata, suma hiuna aduk suma Jerusalem-ma, a dala: Wana ni mam ma a nga halam á tchid’ina d’uo zu?

Jean 7:35

Kayam ndata, Juif-fâ a de tazi ala: Sa máma, mi i ni lara ba, ei ndak á feizi d’uo ge? Mi i ni gen Juif suma a b’rau woi aduk suma Gre’â á hat suma Gre’â zu?

Jean 8:37

An wala agi nandjafâ hi Abraham-ma, wani agi nga halan á tchid’a, kayam zla manda fe nga yima kaka kurugi d’i.

Jean 8:40

Wani ki tchetchemba, agi nga halan á tchid’a, an ma dagi zla d’a gagazi d’a an humud’ï avun Alonid’a. Abraham mi le nga hina d’i.

Sunda hi suma a sunuzinid’a 10:38

Agi wagiya, ni nana ba, Alona mi vo Muzuk mama kad’enga yam Jesus ma Nazarat-na ge? Mi i ata yina teteng á le djivid’a, á sut suma pet suma a nga ad’u ad’enga hi Diable-d’ina, kayam Alona mi nga ki sed’emu.