Jean 5:3 - Bible azumeina

³ Ad’u azang máma suma tugud’eid’a ablaud’a a nga burâ kä ad’umu, ni suma duka ki suma dileîd’a ki suma gugutud’a. [Azi nga djup gizeîd’a hi mbinid’a.

Jean 5:3 Kruisverwysings

1 Amuleina 13:4

Ata yima Jerobowam mi hum zla d’a de d’a tcho d’a sana hAlonina mi dat yam yima ngal ahle suma ngat buzu ma Betel-lâ hina d’a, mi mat abom akulo yam yima ngal ahle suma ngat buzuna, mi de ki delem akulo ala: Agi vagi sa máma! Wani abom arza sod’a ata yi máma, mi tche mogod’a, nga mi hulongî kä atam mbi.

Zla d’a d’ogolâ 8:34

Sama nga mi humuna ma nga tchola avun agrek mana burâ ki burâ ma nga tchola ndjola avun aziyana, mi le furîd’a.

Hor ma tchina 3:26

Djivid’a ang kak tchugot á djup suta hi Ma didinid’a.

Zakari 11:17

Ni zla d’a hohoud’a yam ma pol ma ka zla ma nga mi ar tumiyôna woina. Ar mbigeu d’a fiyaka ti kam bigam mbeyo, ti tchom iram mba ndjufa woi mi, ar bigam mbi tche mogod’a, ar iram mba ndjufa ti duk kei mi.

Matiye 15:30

Ablau suma a mba gevem ki suma dileîd’a azi ki suma duka ki suma gugutud’a ki suma ndumîd’a ki suma ding suma tugud’eid’a ablaud’a mi. A tchugumzi kä avoromu, mi sud’uziya.

Matiye 4:24

Zlam nde yina kur ambas sa Siri-d’a pet. A nga mbam suma a nga kandjaf tugud’ei d’a teteng nga nga d’i lazi ndakid’a, a nga mbam suma a nga ki muzuk ma tchona kuruzina, suma pipina ki suma gugutud’a mi. Mi sud’uzi pet mi.

Wana ni Zla d’a Djivi d’a Luc mi b’irita 7:22

Jesus mi hulong dazi ala: Agi i dagi mi Jean vama agi wagizina ki vama agi humugizina mi. Suma duka a nga we, suma dileîd’a a nga tid’a, suma libina a nga yak keyo, suma ngela a nga huma, an nga ni tchol suma matna akulo, an nga ni tchi wal Zla d’a Djivid’a mi suma houd’a mi.

Jean 5:2

Gringâ mi nga avo Jerusalem, a ve nga azangâ vahl avunamu, ni ma a yum ki vun Hebre-na ala Betesda-na, mi ni go ki vun agre’â hi tumiyônina.

Jean 5:4

Kayam malaikana hi Salad’ina nga mi tchuk asem kä aduk mbina burâ tutu á gizeî mbina. Bugol gizeîd’a hi mbinid’a, sama surop kä avo’â, mi sut tei kur tugud’ei mam mba lumba.]

Romê-na 8:25

Wani le ei nga djubi vama ei wum mbuo na ni, ei djubizi ni ki ve tad’a.

Jacques 5:7

B’oziyona, agi vagi tagi gak mbad’a hi Salad’id’a. Gola! Ni nana ba, sama zuma nga mi djup gak bur ma fet awu ma djivi ma kalâ ki ve tad’a, nga mi djup gak alo ma hod’ogeid’a ki ma dabid’a ge.