Jean 3:9 - Bible azumeina

⁹ Nikodem mi hulong dum ala: Ni nana ba, va máma mba mi ndak á led’a ge?

Jean 3:9 Kruisverwysings

Zla d’a d’ogolâ 4:18

Lovota hi suma d’ingêrîd’a ni d’igi b’od’a hi yima mi ngaï ad’um mbei fod’a ma nga mi i avogovok gak falei d’ad’arâ na.

Isai 42:16

An mba ni tit ki suma duka kur lovot ta azi wat nga d’uo d’a, an mba ni tinizi kur lovot ta gurei d’a azi wat nga yazi tu d’uo d’a, an mba ni mbut nduvunda b’od’a avoroziya, yima djodjohlâ an mba ni mbud’um yima abo tam tuna mi. An mba ni ndak vun ahle ndazina, an mba ni arazi bei led’a d’i.

Wana ni Zla d’a Djivi d’a Luc mi b’irita 1:34

Marie ti de mi malaikana ala: Va mama mba mi le ni nana ge? Kayam an zlap nga ki mandjuf fi.

Jean 3:10

Jesus mi hulong dum ala: Angî ma hat Israel-lîna, ang we nga ad’u ahle ndazina d’uo zu?

Jean 3:4

Nikodem mi djobom ala: Le sana mi mbut mamarâ da ni, dok hulong vud’um vut ta dinga ni nana ge? Mi ndak á hulong kur azì grona hasuma, ti hulong ti vud’um vut ta dinga zu?

Jean 3:8

Simetna nga mi sira yima mi min i kuana. Ang nga hum siwel mamba, wani ang nga we yima mi tcholï kuana d’i, d’oze yima mi i kuana d’uo mi. Suma pet suma Muzu’â hAlonina mi vud’uzina, ni hina mi.

Jean 6:52

Kayam ndata, Juif-fâ a nde tchi tazi tuguyod’a ala: Ni nana ba, sa máma ndak á hei hliwim á ted’a ge?

Jean 6:60

Kayam ndata, suma ablaud’a aduk mam suma hata a hum zla ndata, a dala: Zla ndata ni zla d’a ad’enga, ni nge mi ndak á humut ke?