Ata yi máma, an amulâ mba ni hulong dazi ala: Gagazi, an nga ni dagiya, ata yima agi lagi nga va mi ma gor ma kid’ak aduk gugurei suma wana d’uo na, agi lum mbuo ni mi anu.
Kayam ndata, ata yima Alona mi tcholom akulo aduk suma matnina, mam suma hata humazi gazi yam zla d’a mi data, a he gagazid’a yam zla d’a a b’irit kur mbaktumba hAlonid’a, yam zla d’a Jesus mi data mi.
Kid’a mi fumba, mi mba ki sed’em Antiyos. A nga tok ki suma toka teteu gak bizad’a tu, a nga hat suma ablaud’a kur Antiyos. Ni kur bur máma ba, a tin ad’ud’a á yi suma hata ala Kretiyêna.
Ata yima atchad’a ndjuvut mi nga ki iram tua na, gata ti djinid’u. Wani le ndjuvut mit wa ni, ti but wa woi kur gata á ve ndjuf ma ndat minima. Djivid’a ti ve ni kretiyêna hol.
Kur ahlena pet suma agi lagizina, le ni zla d’a ded’a, d’oze le ni sunda, ar agi lagizi pet ni ki simiyê Salad’a Jesus. Agi lagi mersi mAbui Alona ki simiyêm mi.
Ar tela ti ka’î vama hud’a avok suma pet. Ar atchad’a ki ndjuvut a ka’î suma d’engzengâ aduk taziya, kayam Alona mba mi ka sariyad’a yam suma e’eûd’a ki suma mizeuna.
Ar ang huma! An nga ni tchola avun gonga, nga ni dap vun gonga. Le sana mi humun delen mi malan vuna ni, an mba ni kal avo hatamu, an mba ni te ki sed’emu, mam mba mi te ki sed’en mi.
