Jean 13:5 - Bible azumeina

⁵ Bugola, mi vo mbina kur tazana, mi nde mbus mam suma hata aseziya, mi sed’ezi asezi woi ki baru d’a mi djinit furumba.

Jean 13:5 Kruisverwysings

Ad’u Tinda 18:4

Ar an hagi mbiyo ma mbus asegina dö, agi tugugi tagi ad’u agu ma wana.

Ad’u Tinda 19:2

mi dazi ala: Suliyona, an nga ni tchenegiya, agi mbeyegi avo hazong magina, agi mbuzugi asegiya, agi burugi kä to; ndjivin yorogo tua ba, agi igiya. Azi hulong dum ala: Hawa! Ami burumi nabu ka hî.

Ad’u Tinda 43:24

Mi i ki sed’ezi avo hi Josef pet, mi hazi mbina á mbus aseziya, mi he hatna mi koro mazina mi.

2 Amuleina 3:11

Wani Josafat mi djop ala: Na ni ma djok vuna hi Ma didinina mi nga ka hî tala ei i djobei Ma didina atamu d’a d’uo zu? Azongâ hamul ma Israel-lîna tu, mi hulong dum ala: Elise Safat gorom ma mi le sunda adjeu abo Elie-na, mi nga.

Sawal la giled’a 51:2

Mi hlat ni kid’a Natan ma djok vun Alona mi i atam bugol la mi le mizeuna ki Batseba-d’a.

Buzuk ka Abud’a 29:4

Ang mba ki Aron azi ki groma avun zlub’u d’a ngaf tad’a, ang dazi ala a mbus abozi kasezi woi ki mbina.

Isai 1:16

Agi mbuzugi tagi woyo, agi mbud’ugi tagi woi yed’et, agi aragi sun magi d’a asa’at ta agi lat avoronda woyo, agi aragi tcho d’a led’a woi mi.

Ezekiyel 36:25

An mba ni yamagi mbiyo ma digil ma hirwilingâ kagiya, agi mba mbud’ugi yed’et, an mba ni mbud’ugi woi yed’et kur ndjendje magi d’a lara ge pet, kur filei magi ma lara ge pet mi.

Sunda hi suma hi Levi-nid’a 14:8

Sama mbut tam yed’et máma, mi mbus baru mama woyo, mi wel tumuzum mbei pet, mi mbus tam aduk mbina; mba mi mbut yed’et. Bugola, mi ndak á kal kur kangâ, wani mba mi bur kur zlub’u mamba d’uo gak burâ kid’iziya.

Zakari 13:1

Kur bur máma ir mbiyo ma laud’a mba mi mal lei á mbus tchod’a ki ndjendjed’a handjafâ hi David-na ki d’a hi suma Jerusalem-mid’a woyo.

Wana ni Zla d’a Djivi d’a Luc mi b’irita 7:38

Ti tchol bugol Jesus go kasemu, nga d’i tchiya, simi ma iratna nga mi labam asemu, nga d’i sad’am mbei ki tumus sa kata. Ti vum asemu, ti sad’amzi ki mbul ma his ma afufuîna.

Wana ni Zla d’a Djivi d’a Luc mi b’irita 7:44

Mi mbut iram yam atcha ndata, mi de mi Simon ala: Ang watcha d’a wanda? An mba avo hatangû, ang han nga mbina á mbus asen ndi, wani ndat mbuzun asen ki simi ma iratna, ti sad’am ki tumus sa kata mi.

Jean 13:10

Jesus mi dum ala: Sama mbus tam dana, nga mi hal mbusa d’i, arî asem hol, kayam tam pet ni yed’et. Agi ni yed’et, wani agi nga ni yed’et pet ti.

Jean 13:6

Ata yima mi mba yam Simon Pierre-râ, Pierre mi dum ala: Salana, ni ang ba, mbuzun asen ndju?

Jean 13:8

Pierre mi hulong dum ala: Ang ndak á mbuzun asen ndi. Jesus mi hulong dum ala: Le an mbuzung aseng nguo ni, angî mana d’i.

Jean 19:34

Wani ma dingâ aduk azigarâ, mi tchogom fefed’em kasapa. Ata yi máma na wat, buzuna ki mbina a djang ngeyo.

Sunda hi suma a sunuzinid’a 22:16

Ki tchetchemba, ang djup mi me d’ei ge? Ang tchol akulo, ang le batemba, ang yi simiyê Salad’a, mi mbuzung tcho manga woyo.

1 Korente-na 6:11

Suma dingâ adigagi adjeu ni hina mi. Wani ki tchetchemba, Salad’a Jesus Christ ki Muzu’â hAlo meinina a mbud’ugi wa woi yed’et kur tchod’a, a tinigi wa iragi vagi mAlona, a mbud’ugi wa d’ingêr avok Alona mi.

Efes-sâ 5:26

Mi mbuzut tei yed’et ki mbina, nala, zlad’a hAlonid’a, mi tinit irat vat mAlona mi.

1 Timote 5:10

ni d’a suma a le glangâsâ yam sun mat ta djivid’id’a, ni d’a nga d’i ngom grotna djivid’id’a, ni d’a lakoyogeinid’a, ni d’a mbus asem suma hAlonid’ina, ni d’a ndjun suma hohoud’id’a, ni d’a le sunda djivi d’a lara ge pet mi.

Hebre-na 10:22

Kayam ndata, ei hud’i go gen Alona ki hur ma tuna ki he gagazi d’a ndak memeta ki huri ma mbusa woi yed’et yam djib’er ra tcho d’a kuri krovod’a pet ki ta d’a a mbuzut tei ki mbiyo ma hirwilingîd’a.

1 Jean 1:7

Wani le ei nga tid’i kur b’od’a d’igi mam tamba nga mi tit kur b’od’a na ni, ei lei darigïd’a aduk teya, buzuna hi Goroma Jesus-na nga mi mbuzi woi yed’et kur tcho meid’a pet mi.

1 Jean 5:6

Jesus Christ ni ma mba ki mbina hi batem mamba ki buzuna hi mat mamina. Mi mba ni ki mbina hol li, wani ki mbina ki buzuna mi. Muzu’â hAlonina tamba ni ma nga mi le glangâsâ kama, kayam Muzu’â ni ma gagazina.

Vama ndum mbeina 7:14

An hulong dum ala: Salana, ang ba we. Mi dan ala: Azi ni suma a buzuk kei kur djop vun ma ngolâ, azi ni suma mbus baru mazi d’a fiyaka woi a mbud’ut hapa ki buzuna hi Gor timinina.

Suma ka sariyad’a 19:21

Mi yozi mi tchuguzi avo hatamu, mi he hatna mi korona. Akoyogeina a mbus aseziya. Bugola, a te, a tche mi.

1 Samuel 25:41

Ti tchol akulo, ti grif kä ki irat andaga ti dala: Gola! An wei manga mba ni mbut magomba á mbus asem azungeî mangâ.