Jean 10:6 - Bible azumeina

⁶ Jesus mi dazi zla d’a d’ogol ndata, wani azi we nga ad’u zla d’a mi dazizid’a d’i.

Jean 10:6 Kruisverwysings

Sawal la giled’a 106:7

Abuyomi ngolo a we nga ad’u sun nda ndandal la ang lat sä avo Ezipte-d’a d’i, azi mar rei yam o d’a ngol la ang lat kazid’a, azi song vunang avun alum ma ngolâ, avun alum ma ngol ma Tchereuna.

Sawal la giled’a 82:5

Kayam agi wagi nga va d’i, agi nga wad’ud’a d’uo mi, agi nga tid’igi ni kur nduvunda. Kayam ndata, ad’u ged’a handagad’id’a nga d’i giged’a.

Zla d’a d’ogolâ 28:5

Suma tchona a nga wäd’u zla d’a d’ingêra d’i, wani suma a nga hal Ma didinina a nga wäd’u ahlena pet.

Isai 56:11

Azi nadurei suma d’od’ok suma a nga hop ki va d’uo na, azi ni suma pol suma bei wäd’u zlad’ina, azi pet nge nge pî, mi hle ni lovot mamba, nge nge pî, mi halî djivi d’a yam mam tambid’a mi.

Daniel 12:10

A mba mbus suma ablaud’a woi yed’et hapa titil bei zozota ba, wani suma asa’atna a mba wad’ud’a d’i, a mba i avogovok kur tcho mazid’a. Wani suma wed’a a mba wad’ud’a.

Matiye 13:34

Jesus mi de zla ndata mablau suma pet ni ki d’ogolâ. Mi dazi nga zlad’a hawa bei d’ogolâ d’i.

Matiye 13:51

Jesus mi djop mam suma hata ala: Agi wagi ad’u ahle ndazina pet tchu? A hulong dum ala: Â.

Marik 4:34

Wani mi dazi nga zlad’a bei d’ogolâ d’i. Wani keng woi vam tu, mi ve mam suma hata ad’u ahlena pet suma mi had’azizina.

Jean 16:25

Jesus mi dazi kua ala: An dagi ahle ndazina ni ki d’ogolâ. Yina nga mba, an dok dagi zlad’a ki d’ogolâ d’uo d’a, wani an mba ni dagi zlad’a woi yam Abun abu mbak.

Jean 16:29

Mam suma hata a dum ala: Gola! Ki tchetchemba, ang de zlad’a woi abu mbak bei d’ogolâ.

Jean 6:52

Kayam ndata, Juif-fâ a nde tchi tazi tuguyod’a ala: Ni nana ba, sa máma ndak á hei hliwim á ted’a ge?

Jean 6:60

Kayam ndata, suma ablaud’a aduk mam suma hata a hum zla ndata, a dala: Zla ndata ni zla d’a ad’enga, ni nge mi ndak á humut ke?

Jean 7:36

Zla d’a mam dat ala: Agi mba halanu, agi mba fan ndi, kayam yima an mba ni i kuana, agi ndak á igi kua d’uo d’a, ad’ut nana ge?

Jean 8:27

Wani azi we nga d’ala Jesus mi dazi ni yam Abumu d’a d’i.

Jean 8:43

Ni kayam me ba, agi humugi zla man nda ded’a d’uo ge? Ni kayamba agi ndagagi á hum zla manda d’uo d’a.

1 Korente-na 2:14

Sama nga ki Muzu’â hAlonina d’uo na, mi ndak á ve gagazi d’a tcholï ata Muzuk mámid’a d’i. Ndat ni vama lilid’a iramu, mi ndak á wal ir ahlena hi Muzuk mámina d’uo mi.

2 Pierre 2:22

D’ogol zla d’a de d’a a dat kazi ala: Adina mi hulong ata vin ma mam vinim mbeina; kozong nga a mbuzut teid’a, ti hulong aduk dorbopma d’a ni gagazi.

1 Jean 5:20

Ei wei ala Alona Goroma mi mba wa da’, mi hei wa ned’a á wei Alo ma gagazina. Ei nga zlapa tu kAlo ma gagazi máma ni yam Goroma Jesus Christ. Mam nAlo ma gagazina, mam nari d’a didinda mi.