Jean 1:4 - Bible azumeina

⁴ Arid’a nga kurud’u; ari ndata ni b’od’a hi sumid’a.

Jean 1:4 Kruisverwysings

Sawal la giled’a 49:6

Ni kayam me ba, an le mandarâ kur bur ma ndaka ata yima man suma djangûna a nguyuna ge?

Sawal la giled’a 84:11

Bur ma tu ma an kal kur gulumun mangîna, mi djivid’a kal bur ma dubu ma an kak kei abuna. Alo mana, tan lan djivid’a á kak ndjola avun gong manga kal la an kak kur zlub’ud’a hi suma asa’atnid’a.

Isai 42:16

An mba ni tit ki suma duka kur lovot ta azi wat nga d’uo d’a, an mba ni tinizi kur lovot ta gurei d’a azi wat nga yazi tu d’uo d’a, an mba ni mbut nduvunda b’od’a avoroziya, yima djodjohlâ an mba ni mbud’um yima abo tam tuna mi. An mba ni ndak vun ahle ndazina, an mba ni arazi bei led’a d’i.

Matiye 4:16

suma a nga kaka kur nduvundina a we b’o d’a ngola, suma a nga kaka kä ad’u angus matnina, b’od’a ti nde woi kazi mi d’a.

Wana ni Zla d’a Djivi d’a Luc mi b’irita 2:32

Ni d’a mba d’i b’o woi yam andjaf suma dingîd’a, ni subura hi mang suma Israel-lîd’a mi.

Jean 11:25

Jesus mi dat ala: An ni Ma tchol suma matna ni Ma hazi arid’a mi na. Sama he gagazid’a kana, le mi mid’u pî, mba mi kaka karid’a.

Jean 12:35

Kayam ndata, Jesus mi dazi ala: B’od’a nga ki sed’egi tua ndjö. Agi tid’igi kur b’o d’a nga ki sed’egid’a, kayam ar nduvunda ti mba kagi d’i. Sama nga mi tit kur nduvundina, nga mi we yima mi i kuana d’i.

Jean 12:46

An ni b’o d’a mba kur duniyad’id’a, kayam sama lara pî ma he gagazid’a kana, mba mi kak kur nduvunda d’i.

Jean 14:6

Jesus mi dum ala: An ni lovota, an ni gagazid’a, an narid’a mi. Sama i gen Abun bei an na nga d’i.

Jean 3:19

Sariya ndata ba wana: B’od’a ti mba kur duniyad’a, wani suma a min nduvunda kal b’od’a, kayam sun mazi d’a led’a ni tchod’a.

Jean 5:21

D’igi Abun nga mi tchol suma matna akulo nga mi hazi arid’a na, an Goroma nga ni harid’a mi suma an minizina hina mi.

Jean 5:26

D’igi Abun tamba ni sala arid’a na, mi tinin an tan Goroma ni sala arid’a mi.

Jean 8:12

Jesus mi de mi Fariziyêna kua ala: An ni b’od’a hi suma kur duniyad’ina. Sama tit ad’una, mba mi tit kur nduvunda d’i, wani mba mi tit ni kur b’o manda.

Jean 9:5

Kid’a an nga kur duniyad’a tua d’a, an ni b’od’a hi suma kur duniyad’ina.

Sunda hi suma a sunuzinid’a 26:23

Azi dala: Mesi mba mi fe ndaka, mba mi tchol akulo avok kikidji aduk suma matna, mba mi tchi wala yam b’od’a mi Juif-fâ kandjaf suma dingâ mi.

1 Korente-na 15:45

Kayam mbaktumba hAlonid’a ti dala: Adam mi sama avo’â, Alona mi mbud’um sama arina, wani Adam ma danana ni Muzuk ma mi he arid’a mi sumina.

Efes-sâ 5:14

kayam b’od’a nga d’i ndahlena woi pet pid’agï. Kayam ndata, suma hiuna a dala: Ang ma bur senina, ang zlid’a, ang tchol lei aduk suma matna. Hina wani, Christ mba mi b’o woi kangû.

Kolos-sâ 3:4

Fata Christ ari meid’a nde woid’a, agi mba buzugugi woi zlapa tu ki mam kur subur mamba mi.

1 Jean 1:1

Ami nga b’irigi yam Zla d’a Ari d’a nga avok ahle suma lazina peta. Ami humud’u, ami wamizi ki iramiya, ami golod’u, ami dot kabomi mi.

1 Jean 1:2

Ata yima Ari ndata ti nde woina, ami wamiziya. Kayam ndata, ami nga dagiya, ami nga lagi glangâsâ yam ari d’a didin nda nga zlapa kAbui adjeu dei d’a nde tat tei iramid’a.

1 Jean 5:11

Wana ni glangâs mama ala: Alona mi hei wa ari d’a didinda, ari ndata ti nga kur Goroma.

Vama ndum mbeina 22:1

Malaikana mi tagan mbiyo alum ma ari ma nga mi wile d’igi kristala na na, nga mi djangî ata zlam mba amula hAlonid’a ki d’a hi Gor timinid’a,

Vama ndum mbeina 22:16

An Jesus, an sunugi malaika mana, kayam mi dagi ahle ndazina pet kur Toka. An ni David gorom ngolona, an ni avevel ma fo yina.