Jacques 5:4 - Bible azumeina

⁴ Gola! Agi wuragagi nga beged’a hi suma a le sunda kur asinegina d’i. Wurak mazi d’a kagid’a ki tchina hi suma a nga fet awu maginina, mi kal gak mi nde sä hum Ma didin ma ad’engêm kal petna.

Jacques 5:4 Kruisverwysings

Ad’u Tinda 4:10

Alona mi hulong dum ala: Ni kayam me ba, ang le hina ge? An hum buzu wiyengâ nga mi tchi d’igi del sana na, ei kä andaga dei, ti fan sä, kayam an sam atchugulumu.

Wana ni mbaktumba hi Job-pa 34:28

A le suma kid’aka gagak tchi mazina mi i fAlona, mam tam pî mi hum tchina hi suma hohoud’ina mi.

Wana ni mbaktumba hi Job-pa 7:2

Ni d’igi magom ma nga mi hal anguzunina na, ni d’igi sama le sun nda beged’ina mi djup wurak mamba na mi.

Sawal la giled’a 9:12

Agi gagi sawala ki simiyê Ma didin ma nga kaka kur Siyon-na, agi dagi sun mam mba ngol la mi lata woi aduk suma.

Buzuk ka Abud’a 22:27

kayam ni baru mam mba ngol la tu d’a mam zlup ki tamba. Le d’i nga abom mbuo ni, mam mba mi zlup tamî ki me ge? Le mi tchi kanu ni, an mba ni humumu, kayam an ni Ma we hohowa sumina.

Buzuk ka Abud’a 3:9

Ki tchetchemba, tchina hi Israel-lîna mi i gak mi fan sä akulo. An we djop vun ma Ezipte-na a nga djobozizina.

Isai 1:9

Ladjï Ma didin ma ad’engêm kal petna mi ngomei ad’ui d’a ar nded’a d’uo ni, ei mbud’i wa ni d’igi Sodom na, ei mbud’i wa ni d’igi Gomor na mi.

Isai 5:7

Guguzlud’a hi Ma didin ma ad’engêm kal petnid’a ni Israel-lâ. Guguzlu d’a djivi d’a mam pat ta tam lum djivid’a heî kata ni suma Juda-na. Mi tin hurum ala azi mba le ni sun nda d’ingêra; gol wani, azi nga tchi ni suma! Mi halî d’ingêra; gol wani, mi humî tchi ma hohoud’a zang!

Isai 5:9

Wana ni vama Ma didin ma ad’engêm kal petna mi ndandji woina: Gagazi, azì ma ablau máma mba mi b’lak keyo, azì ma nglo ma djif máma, a mba fe sama kak kurum mbuo mi.

Jeremi 22:13

Ni zla d’a hohoud’a yam sama mi min aziyam ki bege d’a mbut ira ma nga mi min gongîyona yam tazi akulo kulo ki lovod’ot tuo ma nga mi ar ndrama mi lum sunda hawa bei mi wuragam bege mambina.

Sunda hi suma hi Levi-nid’a 19:13

Ar ang le ndrangâ ndaka d’i, ang kul luo mi, ang d’el wuraka hi sama lang sundina abong gak avin ndi.

Habakuk 2:11

Kayam ahina d’a aduk gulumunid’a pî mba d’i tchugung zlad’a kangû, agu ma yam gongina mba mi ndjunung vunang mi.

Malatchi 3:5

Ma didin ma ad’engêm kal petna mi dala: An mba ni hud’ï atagi go á ka sariyad’a, mba ni b’at tan á le glangâsa yam suma kuma suma fileina ki suma mizeuna, yam suma a nga gun tazi ir gurzulina, yam suma a nga he wuraka d’uo mi suma a nga lazi sundina, yam suma a nga le ir arop suma modonod’a ki suma hokuyod’ina, yam suma a nga we angoyogeina tchet tuo na, yam suma a nga ringîn mandaran nduo na mi.

Matiye 9:37

Ata yi máma, mi de mi mam suma hata ala: Awu ma feta mi nga ngola, wani suma sunda akid’eid’a.

Wana ni Zla d’a Djivi d’a Luc mi b’irita 18:7

Wani Alona mba mi ka sariyad’a hi suma mi manazi suma a nga tchi kam andjege ki faleina d’uo zu? Mba mi le lilinga á ndjunuziya?

Romê-na 9:29

D’igi Isai mi de adjeu na ala: Ladjï Ma didin ma ad’engêm kal petna mi arei andjavei hina nde d’uo ni, ei mbud’i wa ni d’igi Sodom na, ei mbud’i wa ni d’igi Gomor na mi.

Gat ta a hat á mbàd’id’a 15:9

Agi gologi tagi djiviya, ar agi djib’eregi djib’er ra tchod’a kurugi ba, agi dagi ala: Biza d’a kid’iziya d’a hulong ahlena akulod’a ar go, agi gologi wiyegi ma houd’a is á wum hohowom á hum va d’uo d’a d’i. Mam mba mi tchi avok Ma didina kagiya, tcho ndata mba d’i arî kagiya.

Kolos-sâ 4:1

Agi magumeina suliyozina, ar agi lazi ni vama djivina ki vama ata yama, kayam agi wagi ala Salagina sä akulo mi.