Jacques 5:16 - Bible azumeina

¹⁶ Ar agi dagi tcho magid’a woi aduk tagiya, ar agi tchenegi yam tagi mi, kayam agi fagi lafiya. Tchenda hi sama d’ingêrid’a ti nga kad’enga á le sunda ngola.

Jacques 5:16 Kruisverwysings

Ad’u Tinda 19:29

Wani ata yima Alona b’lak azì máma woi ki ful mamba b’la’â, mi djib’er yam Abraham. Ni kayam ndata ba, Alona mi pat Lot tei kur ndak ka ngola ata yima mam b’lak azì ma mam nga kaka kuana woina.

Ad’u Tinda 20:17

Abraham mi tchen Alona; Alona mi sut Abimelek kamamba ki yugunei mama, kayam azi á vud’a.

Ad’u Tinda 20:7

Ki tchetchemba, ang hulong atchad’a hi sa mámid’a. Kayam mam mi ma djogon vunana, mam mba mi tchenen kangû, wani va mba mi lang ngi. Le ang hulongômzi nga d’uo ni, ang wala ang mba mit ki sum mangâ pet.

Ad’u Tinda 32:28

Sa máma mi hulong dum ala: A dok yang ala Jakob puo d’a, wani a mba yang ala Israel. Kayam ang ndjiget kAlona ki sumuna, ang kuza.

2 Samuel 19:19

Mi dum ala: Salana, ar ang djib’er yam tcho d’a an lata d’i! Ang djib’er yam tcho d’a an azong mangâ langzi kur bur ma ang nde woi kur Jerusalem-ma d’i, ang vat kurung nguo mi.

1 Amuleina 13:6

Atogo hina zak amulâ mi de sana hAlonina ala: Ang tchen Ma didina Alo mangâ mi vat hurum mbei kanu, mi mbud’un abon blangâm ma adjeuna. Sana hAlonina mi tchen Ma didina; amulâ abom mi mbut blangâm ma adjeuna mi.

2 Sunda Hamuleinid’a 30:20

Ma didina mi hum tchenda hi Ezekiyas-sa, mi vat hurum mbei kaziya.

Wana ni mbaktumba hi Job-pa 42:8

Ki tchetchemba, agi i yogï amuzleina kid’iziya ki gamlâna kid’iziya mi. Agi igi gen azong mana Job, i hagizi he d’a hawa d’a ngala. Azong mana Job mba mi tchen kagiya; an mba ni humumu, an mba ni lagi tchod’a yam lili magid’a d’i, kayambala agi dagi nga zla d’a gagazid’a kan d’igi azong mana Job na d’uo d’a.

Sawal la giled’a 34:15

mi wal lei ki tchod’a, mi le ni djivid’a; mi hal b’leng nga halasa, mi tit blogot mi.

Buzuk ka Abud’a 17:11

Ata yima Moise mi hlabom akulona, Israel-lâ a kal yam Amale’â, wani ata yima mi gabom kä na, Amale’â a hulong kal yam Israel-lâ.

Buzuk ka Abud’a 9:33

Moise mi nde woi avo hi Faron bugol azina, mi yo abom akulo avok Ma didina. Alona mi ar bei breîd’a, mogoina ad’um ka, alona mi yo woi mi.

Zla d’a d’ogolâ 15:29

Ma didina nga mi hut tam mbei dei ki suma asa’atna, wani nga mi hum tchenda hi suma d’ingêrîd’a.

Zla d’a d’ogolâ 15:8

Vama ngat buzuna hi suma asa’atnina ni vama ndjendjed’a ir Ma didina, wani tam nga d’i lum djivid’a yam tchenda hi suma d’ingêrîd’a.

Zla d’a d’ogolâ 28:9

Sama nga mi tos humam mbei á hum gatina, Alona mi gol tchen mamba ni vama ndjendjed’a.

Jeremi 15:1

Ma didina mi dan ala: Le Moise azi ki Samuel a mba avoron á tchenen yam sum ndazina ni azi pî, tan mba d’i lan djivid’a yam sum ndazina d’i. Ang digizi sä woi dei avoronu, arazi a iya!

Jeremi 33:3

Ang yanu, an mba ni hulongông humba. An mba ni dang ngei yam ahle suma nglo suma a nga ngeid’a suma ang wazi nga d’uo na.

Jeremi 42:2

a de mi ma djok vun Alona Jeremi ala: Ar ang hum tchen mami d’a hud’a. Ang tchen Ma didina Alo mangâ yam djivid’a hi ami suma aramina pet. Kayam avok ami nablaud’a, wani ki tchetchemba, ami arami nakid’eid’a d’igi ang we ki irang ini na.

Ndumba 11:2

Ablau suma Israel-lâ a nde tchi yam Moise; Moise mi tchen Ma didina kaziya; akud’a ti mit tei mi.

Matiye 21:22

Ahlena pet vama agi tchenegi kam ki he gagazid’ina, agi mba fumu.

Matiye 3:6

Ata yima azi de tcho mazid’a woina, mi nga mi lazi batemba kur alum ma Jurdê-na mi.

Marik 1:5

Suma kur ambas sa Jude-d’a ki suma Jerusalem-ma pet a buzuk iza gevemu. Azi de tcho mazid’a woyo, tua ba mi lazi batemba kur alum ma Jurdê-na.

Wana ni Zla d’a Djivi d’a Luc mi b’irita 9:6

Azi buzuk a i kur azì ma lara ge pet, a nga tchi wal Zla d’a Djivid’a, a nga sut suma tugud’eid’a pet mi.

Jean 9:31

Ei wei ala Alona nga mi hum sama tchona d’i. Wani le sama lara pî ma nga mi kud’or Alona nga mi le minda hAlonid’a mi na ni, Alona nga mi humumu.

Sunda hi suma a sunuzinid’a 10:38

Agi wagiya, ni nana ba, Alona mi vo Muzuk mama kad’enga yam Jesus ma Nazarat-na ge? Mi i ata yina teteng á le djivid’a, á sut suma pet suma a nga ad’u ad’enga hi Diable-d’ina, kayam Alona mi nga ki sed’emu.

Sunda hi suma a sunuzinid’a 19:18

Ablaud’a aduk suma a he gagazid’ina a mba a de woi yam ahle suma azi lazina.

Sunda hi suma a sunuzinid’a 8:24

Simon mi hulong dum ala: Agi tchenegi Salad’a kanu, kayam ahle suma agi dazi wana a mba kan ndi.

Romê-na 3:10

Kayam mbaktumba hAlonid’a ti dala: Sama d’ingêr nga d’i, tu pî nga d’i.

Romê-na 5:19

D’igi suma ablaud’a a mbut suma tchona ni yam bei hum vuna hi sama tuna na, hina mi, suma a mba mbut suma d’ingêrâ avok Alona ni yam hum vuna hi sama tuna na mi.

Kolos-sâ 1:9

Kayam ndata, ata yima ami humumi zla magid’ina, ami arami nga bei tchen Alona kagi d’i, kayam agi wagi min mamba tetet ki ned’a ki wäd’u d’a Muzuk mama mi hagizid’a.

1 Tasaloni’â 5:17

Agi tchenegi Alona bei ara ba.

1 Tasaloni’â 5:23

Ar Alo ma b’leng nga halasa mi tinigi iragi vagi mi mam tamba memet. Mi ngomogi muzugagi ki tagi ki hliwigi pet bei zlad’a kagi ba fat ta mbad’a hi Saleina Jesus Christ-sa.

1 Tasaloni’â 5:25

B’oziyomina, agi tchenegi Alona kamiya.

Hebre-na 11:4

Ni yam he gagazid’a ba, Abel mi he vama ngat buzu ma djivina kal ma hi Kain-na. Kayam ndata, Alona mi le glangâs ma djivina kam ala ni sama d’ingêrâ. Mi le glangâsâ yam he d’a hawa mamba mi. Kayam he gagazi mamba, mi mit pî, a nga dum zlam ini.

Hebre-na 11:7

Ni yam he gagazid’a ba, Noe mi hum zla d’a Alona mi dum yam vama suma a wum nga d’uo tua na. Noe mi ge yam kä avok Alona, mi min batod’a á sut suma avo hatama. Ni hina ba, mi ka sariya d’a matna yam suma yam andagad’ina. Alona mi mbud’um sama d’ingêrâ yam he gagazi mamba.

Hebre-na 12:13

Agi tid’igi kur lovot ta djivi d’a d’ingêra, kayam asegi ma dileîd’a mi hulongeî d’i, wani mi sira ni sira.

Hebre-na 13:18

Agi tchenegi kamiya, kayam ami wami tetet, djib’er mami d’a kurumid’a ni djivid’a. Ami min á lami ahlena pet ata yaziya.

Josue 10:12

Kur bur máma Ma didina mi he suma Amor-râ abo Israel-lâ. Josue mi tchen Ma didina avok Israel-lâ, mi dala: Ndak afata, ndak tchol akulo yam suma Gabawon-na hina djang! Ang tilâ, ang tchol akulo yam Hor ra Ajalon-nda hina djang mi!

1 Pierre 2:24

Christ tamba mi zi tcho meid’a kam akulo ata agu ma b’ala, kayam ei boi woi ata tchod’a á kagei karid’a á le d’ingêra. Ni yam to d’a a tomba ba, agi fagi ki suta.

1 Jean 3:22

Vama lara pî ma ei nga tcheneizina, ei nga feizi abomu, kayam ei nga ngomei vun ma he mama, ei nga lei ahle suma a lum tam djivid’ina mi.

1 Samuel 1:12

Ata yima ti nga kur tchenda avok Ma didina tua na, Eli nga mi golot vunad’u.

1 Samuel 12:17

Ei ni kur yima ze gemena d’uo zu? An nga ni tchen Ma didina mam mba mi sunï ini alona mba mi se mi breî mi. Hina agi mba wagi ini ala agi halagi amulâ doli agi lagi ni tcho d’a ngola avok Ma didina.

1 Samuel 12:18

Samuel mi tchen Ma didina ata yi máma; Ma didina mi sunï alona mi breyâ, mi se mi. Suma pet a le mandara Ma didina azi ki Samuel,