Jacques 5:13 - Bible azumeina

¹³ Sa nga adigagi kur ndaka zu? Ar mi tchen Alona. Sama le furîd’a mi nga adigagi zu? Ar mi hle sawal la gile Alona.

Jacques 5:13 Kruisverwysings

1 Sunda Hamuleinid’a 16:9

Agi hlagizi sawala, agi gilem ki sawala, agi dagi woi yam sun mam mba ndandala mi.

Wana ni mbaktumba hi Job-pa 33:26

Mi tchen Alona, Alona mi wum hohowomu, mi aram mi wum iram ki furîd’a, mi hulongôm d’ingêr mamba mi.

Sawal la giled’a 105:2

Agi hlagizi sawala, agi gilem ki sawala, agi dagi woi yam sun mam mba ndandala mi.

Sawal la giled’a 118:5

Kid’a an nga kur ndakid’a, an yi Ma didina; Ma didina mi humunu, mi pad’an ndei kuru.

Sawal la giled’a 18:6

Ziyona hi yima azuleinina mi nguyun wa, dauna hi matnina mi nga gunda kä avoronu.

Sawal la giled’a 50:15

Ata yima agi nga kur ndakina, agi yanu. Hina wani, an mba ni sud’ugiya, agi mba suburun mi.

Sawal la giled’a 91:15

Le mi yanu ni, an mba ni humumu. An mba ni ndjunum kur ndak mamba, an mba ni prud’um mbeyo, an mba ni suburum mi.

Sawal la giled’a 95:2

Ei igi avorom á suburumu, ei gileizi ki furîd’a ki sawal la tetenga.

Isai 65:14

Gola! Azungeî mana a mba hle sawala ki furîd’a kuruzi krovo, wani agi mba tchigi abo tagi d’a ted’a kurugi krovo, agi mba tchigi tchi ma hohoud’a, agi mba tchugugi susub’ok mi.

Daniel 5:4

Bugol la a tche süm guguzlud’a dad’a, a nde gile alo ma lora, ma kawei ma hapma, ma kawei ma hleuna, ma kawei ma wurana, ma aguna, ma ahinad’a mi.

Wana ni mbaktumba hi Oze-d’a 6:1

Agi mba dagi ala: Agi mbeyegïya, ei hulongeî gen Ma didina. Mam ma kizagei mbuleinina, mba mi tchiliya, mam ma toina, mba mi djini mbiliya.

Jonas 2:2

Jonas mi nga kur kulufâ, mi tchen Ma didina Alo mama.

Jonas 2:7

An sir kä ad’u ged’a hahinad’id’a, vun azì ma azuleina mi nga duka kan ngingi. Wani Ma didina, Alo mana, ang tcholon akulo woi kur zula karid’a.

Mise 4:5

D’igi andjaf suma pet nge nge pî nga mi ge yam kä ad’u alo mama na, ami pî nga gami yami kä ad’u Ma didina Alo mamina burâ ki burâ gak didin.

Matiye 26:30

Ata yima a hle sawal la gile Alona tuna, a buzuk a i yam ahina d’a Olif-fa.

Wana ni Zla d’a Djivi d’a Luc mi b’irita 22:44

Kayam mi nga kur a’alîd’a, mi tchen Alona ki so tad’a, zumal la kamba nga d’i tol kä d’igi buzuna na mi.]

Wana ni Zla d’a Djivi d’a Luc mi b’irita 23:42

Mi de mi Jesus ala: Ata yima ang mbeï kamul mangina, ang djib’er kanu.

1 Korente-na 14:15

An mba ni le ni nana ge? An mba ni tchen Alona ki muzuganu, wani an mba ni tchen Alona ki djib’er manda mi. An mba ni hle sawala ki muzuganu, wani an mba ni hle sawala ki djib’er manda mi.

1 Korente-na 14:26

B’oziyona, ei dei nana ge? Ata yima agi nga tokina, sama dingâ nga mi hle sawala, ma dingâ nga mi hat suma, ma dingâ nga mi nde ad’u ahlena abu mi, ma dingâ nga mi de zlad’a ki vuna hi suma tetengâ, ma dingâ nga mi väd’u zla ndata woi abua. Ar agi lagi ahlena pet á ndjun Toka á wulut akulo kur he gagazid’a.

Efes-sâ 5:19

Ar agi dagi zlad’a ata tagi ni ki sawal la giled’a ki sawala hAlonid’a ki sawala hi Muzuk mamid’a mi. Agi gagi sawala, ar agi gilegi Salad’a kurugi mi.

Hebre-na 5:7

Kid’a Jesus mi nga yam andagad’id’a, mi tchen Alo ma mi ndak á sud’um mbei abo matnina tchen nda hud’a, mi tchi ki simina iram mi. Alona mi humumu, kayam mi ge yam kä ad’umu.

Jacques 5:10

B’oziyona, ar agi djib’eregi yam suma djok vun Alona suma a de zlad’a ki simiyê Ma didinina. Ar agi hlagi balum asezi ki ve tad’a ki d’engzenga kur ndaka.

Vama ndum mbeina 14:3

Suma bubup ndazina a nga tchola avok zlam mba amula, avok ahle suma ari suma fid’ina, avok suma nglona mi, a nga hle sawal la awilid’a. Sama ndak á hat sawal ndatina nga d’i, ni suma dudubud’a kis yam dudubud’a dok fid’i yam dudubud’a fid’i suma a guzuzi ka hî yam andagad’ina hol.

Vama ndum mbeina 7:10

A de ki delezi akulo ala: Sut meid’a ti tcholï nata Alo mei ma nga kaka yam zlam mba amulina ki Gor timina mi.