Jacques 5:11 - Bible azumeina

¹¹ Gola! Ei nga yorozi kayam azi ve tazi ad’enga. Agi humugi wa zla ve tad’a hi Job-pa. Agi wagi vama Ma didina mi le ki sed’em bugolâ, kayam Ma didina ni ma we hohowa sumina, ni ma sumad’a mi.

Jacques 5:11 Kruisverwysings

1 Sunda Hamuleinid’a 21:13

David mi hulong de mi Gat ala: An nga kur tcha tatad’a ngola! An min ndabo Ma didina, kayam we hohou mamba, ti ngola heî. Ar an ndabo suma d’i.

2 Sunda Hamuleinid’a 30:9

Le agi hulongôgï gen Ma didina ni, b’oziyogina ki grogi suma a yozi magombina a mba wazi hohowoziya, a mba hulongî kur ambas sa wanda. Kayam Ma didina Alo magina ni ma sumad’a, ni ma we hohou sumina. Le agi hulongôgi gevemu ni, mam mba mi hagi azigam mbi.

Nehemi 9:17

Azi noî á ge yazi kä avorongû, a mar rei yam ahle suma djivi suma ang nga lazi kazina, a le yam mba ad’enga, kur so vun mazina a man sana avorozi tu á hulong kur magom mazid’a. Wani ang Alo ma nga vat hurung ngei atogo za’â, ma sumad’a ma we hohowa sumina, ma hurung nga zal atogo zak kuo na, ma djivi ma kal teglesâ, ang arazi nga woi d’i.

Nehemi 9:31

Wani yam we hohou mang nga ngola, ang dabazi nga woi tchid’a d’i, ang arazi nga woi d’uo mi, kayam angî Alo ma sumad’a, ni ma we hohou sumina mi.

Wana ni mbaktumba hi Job-pa 1:1

Adjeu sana nga kur andaga d’a Us-sa, a yum ala Job. Ni sama iratna, ni sama d’engzengâ mi. Ni sama nga mi le mandara Alona, ni sama nga mi min tchod’a d’uo mi na.

Wana ni mbaktumba hi Job-pa 1:2

Mi vut gro andjofâ kid’iziya ki gro aropma hindi mi.

Wana ni mbaktumba hi Job-pa 2:10

Wani Job mi dat ala: Ndak de ni d’igi atcha d’a lilid’a na! Le ei vei djivid’a abo Alona ni, ei ndak á vei tchod’a abom mi d’uo zu? Hina pet pî, Job mi le nga tchod’a ki zla d’a avunamba d’i.

Wana ni mbaktumba hi Job-pa 23:10

Wani mam we lovot ta an nga ni tit kuad’a. Fata mi kugunda, an mba ni nde woi yed’et d’igi lora na.

Sawal la giled’a 103:13

Ma didina nga mi le yam mam suma d’engzengâ d’igi abud’a nga mi le yam groma na mi.

Sawal la giled’a 103:8

Ma didina ni ma mi we hohowa sumina, ni ma sumad’a, ni ma hurum nga mi zal atogo d’uo na, ni ma nga oîd’a ki o mam mba didindina mi.

Sawal la giled’a 116:5

Ma didina ni ma djivina, ni ma d’ingêrâ. Alo meina ni ma we hohowa sumina.

Sawal la giled’a 119:132

Ang mbud’ï irang kanu, ang wan hohowon d’igi ang hle vunang mi suma a nga le yam simiyêngâ na.

Sawal la giled’a 145:8

Ma didina, angî ma sumad’a, angî ma we hohowa sumina; hurung nga mi zal atogo d’i, wani angî ma o manga nga d’i dap puo na mi.

Sawal la giled’a 37:37

Ang tin irang yam sama iratna, ang gol sama d’ingêrâ, kayam sama halas máma mba mi i avogovogo.

Sawal la giled’a 51:1

Ni sawal la gile d’a David mi hlat mi hat mi ma ngolâ hi suma hle sawalina.

Sawal la giled’a 78:38

Wani mi wazi hohowoziya, mi vat hurum mbei yam tcho mazid’a, mi dabazi nga woi d’i, nga mi d’el tam kur ayî mam ma bibiliuna teteu.

Sawal la giled’a 86:15

Wani Salad’a, ang tu nAlo ma we hohowa sumina, ni ma sumad’a; ang nga tchol kayîna atogo d’i, angî ma o mang nga didinda zul heîna, angî ma d’engzengâ mi.

Sawal la giled’a 86:5

Salad’a, angî ma djivina, angî ma vat hurung ngei yam sana atogo za’â; o mang nga didinda ti zul heî yam suma a nga yangâ.

Sawal la giled’a 94:12

Ma didina, sama ang nga ngobom ma ang nga had’am gat mangîna, mi le furîd’a.

Buzuk ka Abud’a 34:6

Ma didina mi kal avoromu, nga mi yi simiyêm ala: An ni Ma didina, an ni Ma didina, an nAlo ma we hohoud’a, an nAlo ma sumad’a, an nga ni mbut ayîna atogo d’i, an ni ma djivi manda kal teglesâ, an ni ma d’engzengâ mi.

Ma tchi wala 7:8

Dabid’a hi sundid’a ti kal ad’u tinda hi sundid’a; sama mi nga ve tama, mi kal sama yam mba ad’engina.

Isai 63:7

An mba ni de woi yam o d’a bei dabid’a hi Ma didinid’a ki gile d’a ei gilei Ma didina yam djivi d’a mi lat ki sed’eid’a. An mba ni de woi yam djivi mam mba yam Israel-lîd’a, yam djivi d’a mi lat ki sed’ezid’a ki we hohou mamba ki o mam mba bei dabi d’a kal teglesa mi.

Isai 63:9

Kur ndak mazid’a pet mi sun nga sama ding á ndjunuzi d’i, wani ni mam tamba ba, mi sud’uziya. Kur o mamba ki we hohou mamba mi ndjunuziya, mi hlanek mazid’a kamu, mi zizi akulo ahlabam kur tit mazi d’a fiyaka pet mi.

Hor ma tchina 3:22

Djivi d’a tetenga hi Ma didinid’a nga d’i dap pi, we hohou mamba ti dap nga d’uo tua mi.

Daniel 9:9

Ang Salad’a Alo mamina, we hohoud’a ki hur ma vata a tcholï natangû, kayam ami song vunangû.

Joel 2:13

Agi hawâgi ni baru magina d’i, wani agi hawâgi ni hurugiya. Agi hulongôgi gen Ma didina Alo magina, kayam mam mi ma sumad’a, ni ma we hohowa sumina, nga mi mbut ayîna atogo d’i, ni ma o mamba nga d’i dap puo na, nga mi ar ngop pa mam nga hurum kat á ngopid’a woyo.

Jonas 4:2

Mi tchen Ma didina, mi dum ala: Ma didina, wana ni zla d’a an dat kurun kid’a an sä yam ambas mandid’a d’uo zu? Ni kayam ndata ba, an hal lovota atogo zak á ring Tarsis, kayam an we angî Alo ma djivi ma we hohowa suma, hurung nga mi zal atogo d’i, djivi manga kal ngola heî mi. Angî ma nga djok djib’er manga yam vama ang ngam kurung á led’ina.

Mise 7:18

Ma didina, nalo ma lara ba, mi hle tam d’igi ang na ge? Ni ang tu ba, nga vat hurung ngei yam tchilad’a, yam tchod’a á we hohowa suma a ar suma ang tazi djonina. Ang nga ngom ayîna kurung baba d’i, kayam tang ngi lang djivid’a ni yam we hohoud’a.

Ndumba 14:18

An ni Ma didina! An ni ma nga ni mbut ayîna atogo d’uo na, an ni ma djivi manda kal teglesâ, an ni ma nga ni vat hurun ndei yam tchilad’a ki murud’umba hi sumid’a, wani an ni ma nga ni ar sama le tchod’a bei ka sariyad’a kam mbuo na, an ni ma ngop grod’a yam tchod’a habuyod’a gak kur atchogoi d’a hindid’a ki d’a fid’id’ina mi.

Matiye 10:22

Suma pet a mba noyôgi woi yam simiyênu, wani sama mi ve tam ad’enga gak dabid’ina, mba mi fe suta.

Wana ni Zla d’a Djivi d’a Luc mi b’irita 1:50

Kur atchogoi d’a lara ge pet mam mba mi we hohowa suma a nga lum mandarama.

Wana ni Zla d’a Djivi d’a Luc mi b’irita 11:10

Kayam nge nge pî ma nga mi tchena, Alona mba mi humu; sama nga mi halâ, mba mi fe; sama nga mi dap vun gongina, a mba malamziya.

Wana ni Zla d’a Djivi d’a Luc mi b’irita 6:36

Agi wagi hohowa suma d’igi Abugi mi we hohowa suma na mi.

Romê-na 2:4

Na ni ang min gol sumad’a ngola hAlonid’a ki ve ta mamba ki rit ta mamba is su? Ang we nga d’ala sumad’a hAlonid’a nga d’i tanangî á mbut hurung yam tcho manga d’a d’uo zu?

Efes-sâ 1:6

Ar ei gilei Alona yam subura hi suma mam mba mi veizi hawa zlapa tu ki Gorom ma hurum vum heînid’a.

Efes-sâ 2:4

Kid’a ei boi woi kur tchila meid’id’a, Alo ma we hohowa suma ki o mam mba ngol la mi lat keid’a, mi mbud’i arid’a zlapa tu ki Christ. Ni yam suma mamba ba, mi sud’ugi kiya.

Hebre-na 10:39

Wani ei nga naduk suma a nga hulong bugol á bad’a woina d’i, wani ei naduk suma a he gagazid’a suma a nga kur lovot ta sutina.

Hebre-na 3:14

Kayam ndata, le ei vei tei ad’enga yam hur mei ma tin ma avo’â ngingring gak bur ma dabid’a ni, ei ni Jesus ndroma.

Hebre-na 3:6

Wani Christ ni Ma d’engzengâ, ni Gor ma Alona mi tinim yam gong mambina. Le ei nga vei tei ad’enga ngingring, le ei dengeî tei yam hur mei ma tinda ni, ei ni gong ndata.

Jacques 1:12

Sama ve tam ad’enga kur kukina, mi le furîd’a ata yima mi ve tam ad’enga kur kuk mambina, mba mi fe avaval la bei b’lak ka Salad’a mi hle vunam kat mi suma a nga le kamid’a.

Jacques 1:2

B’oziyona, kuk ka lara ge pet ta nga d’i kugugid’a, agi golot ni d’igi vama furîd’a na,

1 Pierre 1:13

Kayam ndata, agi vagi tagi ad’enga á le sunda, agi kagagi ki ndjola, agi tinigi hurugi pet yam he d’a hawa d’a agi mba fat kur bur ma Jesus Christ mba mi nde woina.

1 Pierre 3:14

Wani le agi nga fagi ndaka yam d’ingêra ni, agi lagi furîd’a ngola. Ar agi lagi mandarâ abo suma d’i, ar vunadigagi d’i pat tuo mi,

2 Pierre 2:9

Kayam Salad’a mi we lovota á pat suma a nga tit blogoma woi kur kuka, á ngom suma tchona gak bur ma ka sariyad’a mi.