Jacques 4:9 - Bible azumeina

⁹ Agi mbud’ugi tagi hohoud’a, agi tchigiya, agi yorogi tagiya, agi mbud’ugi san magid’a tchina, ar agi mbud’ugi furî magid’a yor tad’a mi.

Jacques 4:9 Kruisverwysings

Nehemi 8:9

Nehemi ma te yamba ki Esdras ma we gata heîna ki suma hi Levi suma a hat sumina, a de mi suma pet ala: Bur ma inina ni bur ma a tinim iram vam yam Ma didina Alo maginina. Ar agi yorogi tagi d’i, agi tchigi d’uo mi. Kayam suma pet ata yima a hum zlad’a hi gatid’ina a nga tchiya.

Wana ni mbaktumba hi Job-pa 30:31

Ading mana mi mbut ni vama ge horâ, taulâ manda ti tchi ni tchina hi suma tchi horîna mi.

Sawal la giled’a 119:136

Iran nga d’i djang simina d’igi mbina na, kayam suma a nga ngom gat manga d’i.

Sawal la giled’a 119:67

Avok ka an bei ge yan kä tua d’a, an vit teyo; ki tchetchemba, an nga ni ngom zla manga.

Sawal la giled’a 119:71

Ata yima an nga kur ndakina ni vama djivina kanu, kayam an tin ad’ud’a á hat gat manga.

Zla d’a d’ogolâ 14:13

Kur furîd’a wan pî dam hur ma wurana nga kua, dabid’a hi furîd’id’a dam hur ma b’laka nga kua mi.

Ma tchi wala 2:2

An de yam sanda ala ni sun nda lilid’a; an de yam furîd’a ala an fe ni me kua ge?

Jeremi 31:13

Ata yi máma yuguneina a mba buzuk ndjongâ ki furîd’a, gro azungeîna ki momorogeina a mba le na mi. Ma didina mi dala: Yor ta mazid’a, an mba ni mbud’ut aîd’a, an mba ni b’lengêzi huruziya, an mba ni vragazi hur ma hapma balum hur mazi ma wurana.

Jeremi 31:9

Azi mba mba ki tchina. An mba ni b’lengêzi huruziya, an mba ni i ki sed’ezi avun toliyon nda mbina ki lovot ta papana d’a azi mba puk kä kua d’uo d’a. Kayam an ni Israel Abumu, Efraim ni goron ma ngolâ mi.

Hor ma tchina 5:15

Furî nga kurumi d’uo d’a, lü mamina mi mbut ni hor ma ged’a.

Ezekiyel 16:63

Fata an mba ni vat hurun ndei kak yam ahlena pet suma ndak lazinid’a, ndak mba d’i djib’er yam bur ma kalâ, ndak mba d’i mbut zulona, ndak mba d’i mal vunak á de zlad’a abo zulo ma’â d’i. An Salad’a Ma didina ni de na.

Ezekiyel 7:16

Mazi suma a mba arâ a mba ring akulo yam ahuniyôna d’igi gugu d’a kur horid’a na á sut taziya. Azi pet nge nge pî mba mi zam tam yam tcho mamba.

Matiye 21:41

A dum ala: Mam mba mi we hohowa suma tcho ndazina d’i, wani mba mi tchazi woyo, mba mi he asinem abo suma dingâ kayam azi hum vuta ata yima duta.

Matiye 5:4

Suma a nga kur hur ma wuranina a le furîd’a, kayam Alona mba mi b’lengêzi huruziya.

Wana ni Zla d’a Djivi d’a Luc mi b’irita 16:25

Wani Abraham mi hulong dum ala: Gorona, ang djib’er djiviya. Ata yima ang nga kur duniyad’ina, ang fe ni djivid’a, wani Lazar mi fe ni ndaka. Ki tchetchemba, a b’lengêm wa hurum ka hî, wani ang nga kur ndaka.

Wana ni Zla d’a Djivi d’a Luc mi b’irita 6:21

Agi suma meid’a nga d’i tchagi ka tchetchema, agi lagi furîd’a kayam Alona mba mi hagi tena ngola. Agi suma nga tchigi ka tchetchema, agi lagi furîd’a kayam agi mba sanagiya.

Wana ni Zla d’a Djivi d’a Luc mi b’irita 6:25

Ni zla d’a hohoud’a kagi agi suma hobogi ki tchetchembina, kayam meid’a mba d’i tchagiya. Ni zla d’a hohoud’a kagi agi suma nga sanagi ki tchetchembina, kayam agi mba yorogi tagi ki tchina.