Jacques 4:3 - Bible azumeina

³ Agi nga tchenegiya, agi nga fagi va d’i, kayam agi nga tchenegi ki tchen nda irata d’i, kayam agi minim ná ndak vun minda hi hliwigid’a.

Jacques 4:3 Kruisverwysings

1 Amuleina 3:11

Alona mi de mi Salomon ala: Ang tchen nga d’ala ang te tatâ yam andagad’a d’oze ang mbut sama ndjondjoîna d’oze ang tchi mang suma djangûna d’a d’i, wani ang tchen ala an hang ad’enga á te yam sum mana ki ned’a ki d’ingêra.

Wana ni mbaktumba hi Job-pa 35:12

Suma a nga tchi ngola, wani Alona nga mi hulongôzi humba abo yam mba ad’enga hi suma asa’atnid’a d’i.

Sawal la giled’a 18:41

Ang ar man suma djangûna a ring avoronu, suma a noyôna an dabazi tchid’a woyo.

Zla d’a d’ogolâ 1:28

Ata yi máma agi mba yanu, wani an mba mi humugi d’i; agi mba halanu, wani agi mba fan nduo mi.

Zla d’a d’ogolâ 15:8

Vama ngat buzuna hi suma asa’atnina ni vama ndjendjed’a ir Ma didina, wani tam nga d’i lum djivid’a yam tchenda hi suma d’ingêrîd’a.

Zla d’a d’ogolâ 21:13

Sama mi tos humam mbei á hum tchina hi sama houd’ina, fata mam tam mi tchid’a, sa nga mi hulongôm humba d’uo mi.

Zla d’a d’ogolâ 21:27

Vama ngat buzuna hi suma asa’atnina ni vama ndjendjed’a, ni vama ndjendje ma kalâ ata yima azi mbam ki djib’er ra tchod’ina mi.

Jeremi 11:11

Ni kayam ndata ba, Ma didina mi dala: Gola! An nga ni mba ki ndaka kaziya, ni ndak ka azi mba buzuk kei kurut tuo d’a. Azi mba tchi kanu, wani an mba ni humuzi d’i.

Jeremi 11:14

Ang Jeremi, ang tchenen yam sum ndazina d’i, ang tchi kan ndoze ang tchenen tchen nda hud’a kazi d’uo, kayam an mba ni humuzi ata yima ndaka mba d’i mba kazi azi mba yan á ndjunuzina d’i.

Jeremi 14:12

Le a d’el tazi bei te tena pî, an mba ni hum tchi mazi ma hohoud’a d’i. Le a han he d’a hawa d’a ngala ki he d’a hawa d’a afuta pî, an mba ni vat abozi d’i. Kayam an min dabazi woi kayî ma durâ ki baktarad’a ki tugud’ei d’a tcho d’a tchi matna mi.

Mise 3:4

Kayam ndata, fata agi tchigi yam Ma didinid’a, mam mba mi hulongôgi humba d’i, mba mi hagi azigam ata yi máma yam sun nda tcho d’a agi lata.

Zakari 7:13

an Ma didin ma ad’engên kal petna ni dala: Kayamba azi humun nga d’uo ata yima an yazinid’a, fata azi yan ala an ndjunuziya d’a, an nga ni humuzi d’uo mi.

Matiye 20:22

Wani Jesus mi hulong dat ala: Agi wagi nga vama agi tchenema d’i. Agi ndagagi á tchagi kop ma kid’eî ir ma an mba ni tchuma zu? Azi hulong dum ala: Ami ndagamiya.

Marik 10:38

Jesus mi dazi ala: Agi wagi nga vama agi tchenema d’i. Agi ndak á tchagi ki kop ma kid’eî ir ma an mba ni tchuma ko zu? D’oze agi mba lagi batem mba ndak ka an mba ni lata ko zu?

Wana ni Zla d’a Djivi d’a Luc mi b’irita 11:10

Kayam nge nge pî ma nga mi tchena, Alona mba mi humu; sama nga mi halâ, mba mi fe; sama nga mi dap vun gongina, a mba malamziya.

Wana ni Zla d’a Djivi d’a Luc mi b’irita 15:13

Bugol burâ tcha, ma gorâ mi gus ahligiyem mbei pet, mi i yam andaga d’a deid’a. Mi b’lak bege mamba pet sä kua ata tcho d’a led’a.

Wana ni Zla d’a Djivi d’a Luc mi b’irita 15:30

Wani ata yima gorong ma mi b’lagang ahligiyeng ngei marop suma gaulangîna mi mba, ang tchum gor amuhl ma d’orâ!

Jacques 4:1

Durâ ki huneîd’a suma a nga adigagina a tcholï ni lara ge? A tcholï nata d’od’ok magi d’a nga d’i dur ayîna ki hliwigid’a d’uo zu?

1 Jean 3:22

Vama lara pî ma ei nga tcheneizina, ei nga feizi abomu, kayam ei nga ngomei vun ma he mama, ei nga lei ahle suma a lum tam djivid’ina mi.

1 Jean 5:14

Wana ni hur ma tin mei ma kama ala: Le ei tchenei ni me pî kur min mamba ni, nga mi humiya.