Jacques 4:12 - Bible azumeina

¹² Alona tu ni ma tin gatina, ni ma ka sariyad’a mi. Mam tu ni ma ndak á sut sumina, ni ma b’lak sumina mi. Angî nge ba, ang ka sariyad’a yam ndrangâ ge?

Jacques 4:12 Kruisverwysings

Wana ni mbaktumba hi Job-pa 38:2

Ni nge ba, mi mbud’un nga hur mana nduvunda ki zla d’a de d’a bei wat ad’ut babad’a ge?

Isai 33:22

Ma didina ni mei ma ka sariyad’a, ni mei ma dei gatina, namul meina, ni ma sud’ina mi.

Matiye 10:28

Ar agi lagi mandara suma a tchagi hliwigi suma ndak á tchagi muzugagi d’uo na d’i. Kal pet, agi lagi ni mandara Alo ma ndak á tchi hliu tad’a ki muzu’â djak á izi aduk aku d’a Jahanama-d’ina.

Wana ni Zla d’a Djivi d’a Luc mi b’irita 12:5

Wani an nga ni dagi yam sama agi lum mandarama. Ar agi lagi ni mandara Alo ma le mi tchagiya wa ni, mi nga kad’enga á tchugugi aduk aku d’a Jahanama-d’ina. Gagazi, an nga ni dagiya, agi lagi ni mandara mamu.

Romê-na 14:13

Kayam ndata, ar ei kei sariyad’a yam tei d’i. Vama kalâ, ar ei djib’erei hina: Ar sa mi mbut ahina d’a dap asema avok wiyema á pugum kur tchod’a d’i.

Romê-na 14:4

Angî nge ba, ang ka sariyad’a yam azongâ hi ndrangîna ge? Le mi nga ni kaka ad’enga kur sun mamba d’oze mi puk kä ni, ni zlad’a hi salamid’a. Gagazi, mam mba mi kak kad’enga, kayam Salad’a mi nga kad’enga á tcholom akulo.

Romê-na 2:1

Kayam ndata, ang sana, ang ma nga ka sariyad’a yam suma dingîna, ang ndak á tin vunang ngi. Kayam ata yima ang nga ka sariyad’a yam suma dingâ ang nga lahle ndazina mi na, ang kat ni yam ang tanga.

Romê-na 9:20

Wani ang sana, angî nge ba, ang hulong zla d’a ded’a mAlona ge? Deina mba mi de mi sama minima ala: Ni kayam me ba, ang minin hina ge zu?

Hebre-na 7:25

Kayam ndata, mi ndak memet á sut suma a nga mba gen Alona ki simiyêma gak didin, kayam mam nga karid’a teteu á tchen Alona kaziya.

Jacques 5:9

B’oziyona, agi guruyôgi tagi tala Alona mi ka sariyad’a kagiya d’a d’i. Kayam Ma ka sariyad’a mi nga go avun agre’â.

1 Samuel 25:10

Nabal mi hulong de mazungeîna hi David-na ala: David ni nge? Jesse goroma ni nge? Ki tchetchemba, azungeîna ablaud’a a nga ring a ar suliyozina woyo.