Jacques 3:17 - Bible azumeina

¹⁷ Sama Alona mi hum ned’ina ni sama yed’etna avogo. Bugola, ni sama halasâ, ni sama lulumana, ni sama djivina, ni sama we hohowa sumina, ni sama nga mi le sun nda djivid’ina, ni sama bei ka ira, ni sama bei lop ira mi.

Jacques 3:17 Kruisverwysings

1 Amuleina 3:12

Kayam ndata, d’igi ang de na, an nga ni hang ned’a ki wad’ud’a tala sama avorong ngoze ma blogong ma kak d’igi ang na na nga d’uo d’a.

1 Amuleina 3:28

Israel-lâ pet a we sariya d’a Salomon mi kat ata yata, a lum mandaramu, a wala nAlona ba, mi hum ne ndata á ka sariya d’a d’ingêra.

1 Amuleina 3:9

Wani Ma didina, ang han ned’a á te yam sum mangâ á wal djivid’a adigat ki tchod’a. Kayam sana mi ndak á te yam mang suma ablau ndazina ki ne mamba tata d’i.

1 Sunda Hamuleinid’a 22:12

Ar Ma didina mi hang ned’a ki d’alâ á te yam Israel-lâ á ngom gata hi Ma didina Alo mangîd’a.

1 Sunda Hamuleinid’a 22:9

Wani ang mba vut gorâ, mba mi ka’î sama halasâ. An mba ni hum tuk tad’a, an mba ni pad’am mbei abo mam suma djangû suma a nguyum pet, a mba yum ala Salomon. Kur atchogoi mamba, an mba ni he lovota mi Israel-lâ a mba kak ki halasa bei va mi lazi ba.

Wana ni mbaktumba hi Job-pa 28:12

Wani ned’a a fat ni lara ge? Wad’ud’a ti nga ni ata yima larina ge?

Wana ni mbaktumba hi Job-pa 28:23

NAlona tu ba, mi we lovot mata, ni mam tu ba, mi we yima ti tcholï kuana mi.

Wana ni mbaktumba hi Job-pa 28:28

Bugola, mi de mi sana ala: Gagazi, le mandara Ma didina ni ned’a, wal tang ngei dei ki tchod’a ni wad’ud’a mi.

Buzuk ka Abud’a 36:2

Moise mi yi Besalel, Oholiyap ki suma d’alâ pet suma Ma didina mi hazi d’alâ pet suma a tin huruzi á le sun ndatina.

Zla d’a d’ogolâ 2:6

Kayam ni Ma didina ba, nga mi he ned’a; wed’a ki zla d’a irata a buzugï navunam mi.

Isai 2:4

Mam mba mi mbut ni ma ka sariyad’a aduk andjaf suma, mba mi mbut ni ma min zlad’a aduk andjaf suma ablauna. Mbuguyo mazi suma fuyogeina a mba zlazi sï kowuyona, asubuyo mazina a mba zlazi mbaragumba. Andjaf ma ding mba mi tchol durâ kandjaf ma ding ngi, sa mba mi hat ayî ma dur ruo mi.

Isai 32:6

Kayam suma lilid’a a de ni zla d’a lilid’a, huruzi ni tinda yam sun nda tchod’a á le sun nda ata yat tuo d’a, á de zla d’a tchod’a yam Ma didina mi. A nga he tena mi sama meid’a tchuma d’i, a nga d’el lovota á he mbina mi sama vunam sona mi.

Isai 40:11

Mam mi d’igi ma pola na. Mi mba mi pol tumiyô mama, mba mi kod’ozi kabomu, mba mi yo suma gureina akulo didigamu, mba mi tit ki suma a nga he grozina aponina lalam mi.

Daniel 1:17

Alona mi he wad’ud’a ki wed’a ngola kur hata ki ned’a mazungeî suma fid’i ndazina. Daniel nga mi vad’ud’a yam ahle suma nde ir sumina kadï d’a ded’a woi mi.

Malatchi 2:9

An mba ni gologi is, an mba ni mbud’ugi d’igi vama ndak kuo na na avok suma pet, kayam agi ngomogi nga lovot manda d’i, agi kagagi ni ir suma go ata yima agi nga vazi ad’u gat mandina.

Malatchi 3:3

Mba mi kak kä d’igi sama mi yor kawei ma hapma á mbud’ut yed’etna na, mba mi mbut Levi andjavam yed’et, mba mi yorozi d’igi a nga yor lora ki kawei ma hapma na. Azi mba he he d’a hawad’a ata lovod’ot mi Ma didina mi.

Matiye 23:28

Agi ni na mi. Abu ir suma agi ni d’igi suma d’ingêrâ na, wani hurugi krovo ni oîd’a ki lop ira ki tchod’a mi.

Matiye 5:8

Suma huruzi yed’etna a le furîd’a, kayam a mba wAlona.

Matiye 5:9

Suma a nga zlap suma darigïd’ina a le furîd’a, kayam Alona mba mi yazi ala Groma.

Wana ni Zla d’a Djivi d’a Luc mi b’irita 21:15

Kayam an mba ni hagi zla d’a ded’a ki ned’a, tala magi suma djangûna pî a ndak á tchol á tchi tuguyod’a ki sed’egi d’uo d’a.

Wana ni Zla d’a Djivi d’a Luc mi b’irita 6:36

Agi wagi hohowa suma d’igi Abugi mi we hohowa suma na mi.

Jean 1:14

Zla ndata ti mbut sana, ti kak adigamiya. Ti nga oîd’a ki sumad’a ki gagazid’a. Ami wami subura hi Gor ma tu gid’eng máma d’a Abum humzid’a.

Jean 1:47

Kid’a Jesus mi we Natanayel nga mi djï gevemba, mi de kam ala: Agi gologi ma Israel ma gagazi ma bei mbut ira kurum ba na.

Sunda hi suma a sunuzinid’a 11:24

Mam mi sama djivina. Muzuk ma bei tchod’a ba na ki he gagazid’a a nga oîd’a kurum mi. Suma ablaud’a a mbut suma hi Salad’ina.

Sunda hi suma a sunuzinid’a 9:36

Atcha d’a he gagazid’a tu nga kur Joppe, simiyêt ala Tabita, nala, Dorkas d’oze Duka, nga d’i le sun nda djivid’a burâ ki burâ, nga d’i ndjun suma hohoud’a mi.

Romê-na 12:18

Le agi ndagagiya ni, agi kagagi ki b’leng nga halasa ki suma pet.

Romê-na 12:9

Ar o magid’a ti ka’î od’a bei lop ira. Ar agi noyôgi tchod’a woyo, ar agi vagi ahle suma djivina ad’enga.

Romê-na 15:14

B’oziyona, an tanda ni we woi tetet ala agi ni suma djivina, agi wagi ad’u ahlena pet, agi ndak á had’agi tagi mi.

1 Korente-na 12:8

Muzu’â hAlonina nga mi he sana tu á de zlad’a ki ned’a. Ni Muzuk ma tu máma ba, nga mi he mi sama dingâ á de zlad’a ki wad’ud’a mi.

2 Korente-na 10:1

Ki tchetchemba, an Paul nga ni tchenegi ki lulumad’a, ki hur ma djivina hi Christ-sâ. Suma dingâ a nga dala ata yima an nga adigagina, an ni sama lulumana, wani ata yima an nga adigagi d’uo na, an nga ni dagi zlad’a bei mandarâ.

2 Korente-na 6:6

Ami nga tagami woi ala ami nazungeîna hAlonina, kayam ami ni suma yed’etna kur we mamid’a, kur ve ta mamid’a ki djivi mamid’a, kad’enga hi Muzuk mamid’a ki o mami d’a bei lop ira ba d’a

2 Korente-na 7:11

Gola! Zal hur ma tcholï ata Alo ma mi had’agina nga mi zud’ugi avogovok á väd’u zla magid’a. Hina, agi nga ki hur ma hata, agi nga ki mandarâ, agi nga ki hur ma tinda á wanu, tagi nga d’i lagi zlezleû, agi nga ki hur ma hata á ka sariyad’a yam tchod’a mi. Kur ahle ndazina pet, agi nga tagagi woi ala zla nga kagi d’i.

2 Korente-na 9:10

Alo ma handjafâ mi sana á zara mi hum tena mi na, mba mi hagi andjaf ma lara ge pet ma agi minima, mba mi wulum mi, kayam sun magi d’a d’ingêra ti zul avogovogo.

Efes-sâ 5:9

Kayam sama nga kur b’od’ina nga mi landjaf sun nda djivi d’a lara ge pet ki d’ingêra ki gagazid’a mi.

Filip-ma 1:11

Agi oyôgi ki sun nda d’ingêra kurugi kayam agi suburugi Alona, agi gilem mi.

Filip-ma 4:8

B’oziyona, zla d’a ara: Ar agi tinigi djib’er magid’a yam ahle suma djivi suma ndak á giled’ina kahlena pet suma gagazina kahle suma a yorozina kahle suma d’ingêrâ kahle suma yed’etna kahle suma djivi suma ndak á hud’ina.

Kolos-sâ 1:10

Hina wani, agi tid’igi ndak yam minda hi Salad’id’a á le sun nda djivi d’a lara ge pet á lum tam djivid’id’a. Ar sun magi d’a djivid’a ti zul avogovok á wAlona.

1 Tasaloni’â 2:7

Wani ami kagami adigagi ki kukud’uka, d’igi atchad’a nga d’i hapona nga d’i ngom grotna adigat na.

1 Timote 5:21

An nga ni tcheneng avok Alona, avok Jesus Christ, avok malaika suma Alona mazina mi, ang ngom ahle ndazina bei gigrita, bei le yam ma ding kal ma dingâ ba.

2 Timote 2:24

Ar azongâ hi Salad’ina mi yal li, wani mbeî mi ka’î sama le yam suma petna. Ni sama ndak á hat suma ki ve tad’ina,

Wana ni mbaktum mba Paul mi b’irit mi Tit-ta 1:15

Ir suma yed’etna, ahlena pet ni yed’et; wani ir suma tchona ki suma bei he gagazid’a, vama yed’etna nga d’i. Ne mazid’a ki djib’er ra kuruzi krovod’a ni ndjendjed’a.

Wana ni mbaktum mba Paul mi b’irit mi Tit-ta 3:2

Ar azi de zla d’a tchod’a yam sa d’i, a hal huneîd’a d’i, wani a le ni djivid’a, a ka’î luluma ki suma pet mi.

Hebre-na 12:11

Ata yima a nga gad’eina, ei golei ni d’igi a lei ni tchod’a na, wani bugola, gat ndata nga d’i mba ki b’leng nga halasa ki tit ta d’ingêra yam suma a ve tazi kurutna.

Hebre-na 12:14

Agi b’ad’agi tagi á kagagi ki b’leng nga halasa ki suma pet ki tit ta d’ingêra. Bei tit ta d’ingêra ba ni, sa mi ndak á we Salad’a d’i.

Jacques 1:17

He d’a hawa d’a djivid’a ki he d’a hawa d’a ndak memeta pet a tcholï nakulo abo Alo ma le b’od’ina, ni ma bei mbuta ba ma anguzam nga d’i pret tuo mi na.

Jacques 1:5

Wani le sana adigagi mi kid’ak ned’a ni, ar mi tchen Alona. Alona mba mi humziya, kayam Alona nga mi he mi suma pet hawa bei ngopa.

Jacques 2:13

Sama we nga hohowa ndrama d’uo na, fata Alona mi kam sariyad’a kamba, mba mi wum hohowom mbuo mi. Wani we hohoud’a ti kus yam sariya d’a kad’a.

Jacques 2:4

agi kagi ni ir tagi d’uo zu? Agi mbud’ugi ni suma ka sariyad’a kur djib’er ra tchod’ina.

Jacques 3:15

Ne d’a hina d’a ti tcholï nakulo d’i; ni ned’a hi duniyad’id’a, ni djib’era hi sanid’a, ti tcholï nata Diable.

Jacques 4:8

Ar agi hud’ugi go gen Alona, mam mba mi hud’ï gevegi go mi. Agi suma le tchod’a, agi mbuzugi abogi woyo. Agi suma lop ira, ar agi mbuzugi hurugi woi yed’et.

1 Pierre 1:22

Agi mbud’ugi wa yed’et, agi gagi yagi kä ad’u zla d’a gagazid’a á lagi yam b’oziyogi suma a he gagazid’ina ki o d’a bei lop ira. Kayam ndata, agi lagi yam tagi ngola ki hur ma tuna.

1 Pierre 2:1

Agi aragi ngangata ki zla d’a kad’a ki mbut ira ki yungôra ki zla d’a de d’a asa’ata pet teyo.

1 Pierre 2:18

Agi azungeîna, agi gagi yagi kä avok suliyogina ki hud’a, ni mi suma djivina ki suma halasâ hol li, wani mi suma asa’atna mi.

1 Jean 3:18

Grona, ar ei leigi od’a ki zla d’a ded’a d’oze ki vunei go d’i, wani ki sun nda led’a ki gagazid’a.

1 Jean 3:3

Nge nge pî ma nga ki hur ma tin mama yam Christ-sâ, nga mi ngom tam yed’et, d’igi Christ tamba ni Ma bei tchod’a ba na mi.