Jacques 3:16 - Bible azumeina

¹⁶ Wani ata yima yungôr ma tchona ki huneîd’a a nga kuana, batranga kandjaf tcho d’a tetenga a nga kua mi.

Jacques 3:16 Kruisverwysings

Ad’u Tinda 11:9

Ni kayam ndata ba, a yi yi máma ala Babel, kayam ni kua ba, Ma didina mi gizeî vuna hi suma yam andagad’ina woi pet; ni kua ba, Ma didina mi b’rau suma woi yam andagad’a pet mi.

Ad’u Tinda 38:9

Wani Onan mi wala andjaf máma nga ni mama d’uo. Ni kayam ndata ba, ata yima lara ma mi zlap katchad’a hi wiyemid’ina, mi ar sumurum ti vo kä woi andaga, kayam mi min djok andjaf wiyema d’i.

Marik 3:25

Le ba suma kur azì ma tuna a wal kä mbà á dur taziya ni, azì máma ndak á kak kuo d’a.

Sunda hi suma a sunuzinid’a 19:29

Suma hur azì ma ngol máma pet a tum akulo, a zirik ringâ abo tazi tu. A i yo Gayus azi ki Aristarik suma Maseduwan-na, ni Paul ndrom suma tita, a izi avok suma ata yima luna.

Romê-na 2:8

Wani Alona mba mi tak ayî mam ma bibiliuna woi mi suma a kak djangûna ki sed’em suma a nga ge yazi kä ad’u gagazid’a d’uo suma a nga tit kur tchod’ina.

1 Korente-na 14:33

Kayam Alona mi yï ná le batranga d’i, wani mi yï ná kagei ki b’leng nga halasa. D’igi a nga le kur Toka hi suma hAlona d’a lara ge pet na,

1 Korente-na 3:3

kayam agi nga mi tid’igi ni d’igi suma kur duniya d’a wandina tua na. Ki tchetchemba, yungôra ki huneîd’a a nga adigagiya. Kayam ndata, agi ni d’igi suma duniyad’a na, tit magid’a ni d’igi tita hi suma duniyad’ina na mi d’uo zu?

2 Korente-na 12:20

An nga ni le mandarâ, fata an mbaza hatagid’a, dam an mba ni fagi d’igi an min na d’uo kla. Agi mba fan d’igi agi minigi na d’uo kla mi. An nga ni le mandarâ, dam yalâ ki yungôra kayîna, ngengâ, ngula, zla d’a de d’a tchod’a, tum didi’â ki batranga a nga adigagi kla.

Galat-na 5:20

tuwal fileina, ve kumana, noî tad’a, yalâ, yungôra, ayîna, tuguyod’a, wala, ka ira,

Jacques 3:14

Wani le yungôr ma tchona ki huneîd’a a nga kurugiya ni, ar agi suburugi tagi yam gagazid’a d’i, agi kagi zlad’a kat tuo mi.

1 Jean 3:12

Ar ei lei d’igi Kain na d’i. Mam mi ma hi Ma tchonina, mi tchi wiyema. Mi tchumî yam me ge? Kayam sun nda Kain mi lata ni tchod’a, wani sun nda wiyema mi lata ni d’ingêr.