Jacques 2:9 - Bible azumeina

⁹ Wani le agi nga kagi ir suma ni, agi lagi ni tchod’a. Gata nga d’i kagi sariyad’a kagi kayam agi gagi nga yagi kä ad’ut ti.

Jacques 2:9 Kruisverwysings

Sunda hi suma hi Levi-nid’a 19:15

Agi kagi sariyad’a bei gagazid’a kur sariya magi d’a kad’a d’i. Ang we hohowa ma houd’a ata yima ka sariyad’a d’i, ang ndjun sama ngola ata yima ka sariyad’a d’uo mi, wani ang ka ni sariya d’a d’ingêra mi ndrangâ.

Jean 16:8

Fata mi mbad’a, mba mi mal suma kur duniyad’ina irazi woi yam tcho mazid’a, yam d’ingêra, yam sariyad’a hAlonid’a mi.

Jean 8:46

Ni nge adigagi ba, mi van ki zla d’a yam tcho d’a an lata ge? Le an nga ni de ni zla d’a gagazid’a ni, ni kayam me ba, agi hagi gagazid’a kan nduo ge?

Jean 8:9

Kid’a azi hum hina d’a, azi pet a buzuk kei tutu, tin ad’ud’a ata suma nglona gak mba yam ma danan kisâ, a ar Jesus vam tu katcha ndata tchola avoromu.

Sunda hi suma a sunuzinid’a 10:34

Pierre mi mal vunam mi dala: An we gagazi Alona nga mi pat sana ni yam iram go d’i.

Romê-na 3:20

Kayam ndata, le sana mi ngom gata pî ni, mam mba mi mbut sama d’ingêrâ avok Alona d’i, kayam gata ti ta’î sana tcho mamba hol.

1 Korente-na 14:24

Wani le agi pet nga djok vun Alona, le sama bei he gagazid’a d’oze sama hawana mi kal adigagiya ni, zla ndata mba d’i vum yam tcho mamba, kayam vama mam humuma mba mi kam sariyad’a kam mi.

Galat-na 2:19

Kayam zlad’a hi gatid’a, an mit wa woi kurud’u, kayam an kak karid’a yam Alona. An mit wa akulo ata agu ma b’ala zlapa tu ki Christ.

Gat ta a hat á mbàd’id’a 1:17

Ar agi wagi hohowa sa kur sariya d’a kad’a d’i, agi humugi gogorâ d’igi ma ngolâ na, ar agi lagi mandara sa tu d’i, kayam Alona ni ma ka sariyad’a. Ata yima agi fagi sariya d’a ad’engina, agi mbeyendji avoronu, an humut ki sed’egiya.

1 Jean 3:4

Nge nge pî ma nga mi le tchod’ina, nga mi tchila ni yam gata hAlonid’a, kayam tcho d’a led’a ni tchila yam gata.

Jude 1:15

á ka sariyad’a yam suma pet, á ve suma tchona ki zlad’a yam sun nda tcho d’a azi lat ata yima a le yam mba ad’enga kAlona ki zla d’a de d’a tcho d’a lara ge pet ta azi dat kamba.