Jacques 2:6 - Bible azumeina

⁶ Wani agi nga gologi ma houd’a is. Ni suma ndjondjoîna ba, a b’at ahlena abogi d’uo zu? Ni azi ba, a nga igi avok suma ka sariyad’a d’uo zu?

Jacques 2:6 Kruisverwysings

Wana ni mbaktumba hi Job-pa 20:19

Kayam mi le suma hohoud’a ndaka, mi arazi woyo, azì ma mam yom abozi kad’engina, mi hulong mi minim nga akulo d’i.

Sawal la giled’a 10:10

Mi grif kä, mi bur kä, suma hohoud’a a ndabomu.

Sawal la giled’a 10:14

Wani ang tang nga we suma ndaka ki suma a nga kid’eyêzi irazina, ang nga tin irang kazi á ndjunuziya. Sama hohoud’a mi deng tamî atangû; angî ma ndjun sama hokuyod’ina.

Sawal la giled’a 10:2

Suma asa’atna ki yam mba ad’eng mazid’a a nga b’at ahlena abo suma hohoud’a; suma hohoud’a a nga puk kä kur dau ma suma asa’atna a gunum kä avorozina.

Sawal la giled’a 10:8

Nga mi ngei tam huyok azina, nga mi tchi suma bei zlad’a kazi ba na, iram nga d’i d’us dudurup ata suma hohoud’a.

Sawal la giled’a 12:5

ki suma a nga dala: Ami mba kuzumi ayîna ki vunamiya, ami nga ki vunami á de zlad’a; ni nge ba, mba mi te kami ge na mi.

Sawal la giled’a 14:6

Agi suma le tchod’a, agi nga b’lagagi va ma sama hohoud’a mi nga hurum kama woyo, wani Ma didina ni ma ngomoma.

Zla d’a d’ogolâ 14:31

Sama nga mi djop vun sama kid’akina mi ngulî Salam ma luma, wani sama mi we hohowa ma hohoud’ina mi suburî Salam ma mi luma.

Zla d’a d’ogolâ 17:5

Sama nga mi las sama houd’ina, mi ngulî Salam ma luma, sama nga mi san ad’u sama ndaka mba kama, a mba ba bei gad’am mbi.

Zla d’a d’ogolâ 18:23

Sama houd’a mi de ni zlad’a ni ki hud’a, wani ma ndjondjoîna mi hulong humba ni ki ngopa.

Zla d’a d’ogolâ 22:16

Sama nga mi kid’eî ir sama kid’akina, mi mbud’umî sama ndjondjoîna; sama nga mi hahlena mi ma ndjondjoînina, mi mbut ni tam houd’a.

Zla d’a d’ogolâ 22:7

Ma ndjondjoîna nga mi te yam suma houd’a. Sama mi nde balîna, mi ni magoma hi sama mam nde balâ aboma.

Ma tchi wala 5:8

Djivi d’a yam ambasid’a ni yam suma pet, amulâ pî mi fe djivi mamba ni kur asinena mi.

Isai 53:3

Ni ma a golom is a noyôm mbeina mi. Ni sama kur pupulukina, ni ma hat kur ndakina mi. Mi hle tamî d’igi sama suma a hle yazi woi kam á golom mbuo na na. A golom is, ei golomî va d’uo mi.

Amos 4:1

Agi arop suma Samari suma nga dub’aragi d’igi amuzlei suma arop suma Basan-na na na, agi suma nga lagi suma kid’aka murud’umbina, agi suma nga mired’egi suma houd’a kä, agi suma nga dagi mandjuvuyogi ala: Agi yogiya, ei tcheya na, agi humugi zla d’a an nga ni data.

Amos 5:11

Agi nga mired’egi ma kid’aka kä kasegiya, agi nga yom geme mama ki mbut ira. Ni kayam ndata ba, agi nga minigi azì ma djivina kahina d’a tcheta, wani agi mba kagagi kur ri, agi nga pagi guguzlu d’a djivid’a, wani agi mba tchat sümut ti.

Habakuk 3:14

Ang tchok yam amul mazina ki yeû mazid’a tata; azi suma nga b’at tazi d’igi babarâ na á pleyêmina, a nga siwel ki furîd’a guguguk, a nga tchi suma azi nga kad’enga kazina gumunu.

Zakari 7:10

agi kid’eyêgi ir atcha d’a modonod’a d’oze ma hokuyod’a d’oze angeina d’oze ma houd’a d’i, agi lagi tagi tchod’a d’uo mi d’a.

Jean 8:49

Jesus mi hulong dazi ala: An nga ki muzuk ma tchona kurun ndi. An nga ni he ngola mAbunu, wani agi minigi á han ngola d’i.

Sunda hi suma a sunuzinid’a 13:50

Wani Juif-fâ a zut arop suma nglo suma a nga kud’or Alonina ki suma nglo suma kur azì ma ngol mámina á zut suma ala a tchol huneîd’a ki Paul azi ki Barnabas, a digizi woi yam andaga mazid’a mi.

Sunda hi suma a sunuzinid’a 17:6

Kid’a azi fazi d’uo d’a, azi ve Jason, a tanam ki b’oziyoi suma hiuna avok suma b’ak zlad’a. Azi de ki delezi akulo ala: Sum ndazina ni suma b’lak andagad’a ki zlat petna. Ki tchetchemba, a mba wa ka hî,

Sunda hi suma a sunuzinid’a 18:12

Kur atchogoi ndata, Galiyon ni ma te yamba kur ambas sa Akai-d’a. Kur bur máma Juif-fâ a ndjak vunazi tu yam Paul, a im ata yima ka sariyad’a.

Sunda hi suma a sunuzinid’a 8:3

Wani Saul mi pleî suma toka woi ndjandjap. Mi nga mi kal kur azì ma lara ge pet, nga mi yo andjofâ karopma, nga mi tchuguzi dangeina.

1 Korente-na 11:22

Na ni agi tagi nga kaziyagi ma agi tagi tchagi kuana d’uo zu? Na ni agi gologi Toka hAlonid’a is á mbut suma a nga ki va d’uo na zulona zu? An dagi nana? An suburugi kayam ndata zu? Nga na d’i! An ndak á suburugi kayam ndata d’i.

Jacques 2:3

le agi hagi ngola mi ma tchuk baru ma djivi ma kal teglesâ agi dum ala: Ang mbeï kak ata yima hud’a, wani agi dagi mi ma houd’a ala: Ang tchol hina djang, d’oze, Ang mbeï kak kä asenu ni,

Jacques 5:4

Gola! Agi wuragagi nga beged’a hi suma a le sunda kur asinegina d’i. Wurak mazi d’a kagid’a ki tchina hi suma a nga fet awu maginina, mi kal gak mi nde sä hum Ma didin ma ad’engêm kal petna.

Jacques 5:6

Agi kagi wa sariyad’a yam sama d’ingêrâ, agi tchum wa mi. Mam tchol nga ad’enga á noyôgi d’i.