Jacques 2:5 - Bible azumeina

⁵ B’oziyon suma an le kagi heîna, agi humugiya. Alona mi man suma hou suma kur duniyad’a ka hina á mbud’uzi suma ndjondjoîna yam gagazi d’a hed’a, kayam azi kal kur leu d’a mam hle vunam kat mi suma a nga le kama.

Jacques 2:5 Kruisverwysings

1 Amuleina 22:28

Mise mi dum ala: Ang le hulongî avo ki halasa ni, Ma didina mi dan nga zlad’a ni mam mbuo. Mi de kua ala: Agi suma pet, agi humugiya!

Wana ni mbaktumba hi Job-pa 34:10

Agi suma wäd’u zlad’a, agi humunu! Alona nga ni sama asa’atna d’uo, Ma ad’engêm kal petna ni ma le sun nda ata yat tuo d’ina d’uo mi.

Wana ni mbaktumba hi Job-pa 34:19

Alona nga mi man sana yam ngol mamba d’i, nga mi wal ir sama ndjondjoîna ki sama houd’a d’uo mi, kayam azi djak ni sun nda mam lat kabomba.

Wana ni mbaktumba hi Job-pa 38:14

Andagad’a ki zla tat pet ti mbut ni vat zenen d’igi lubu ma ab’lori ma a tumum tampongîna na, ahlena pet a mbut djifâ d’igi baru ma a d’udjoma na.

Buzuk ka Abud’a 20:6

Suma a nga le kan suma a nga ngom vun ma he manina, an mba ni wazi hohowozi gak kur atchogoi d’a dubud’a.

Zla d’a d’ogolâ 13:7

Suma dingâ a nga yi tazi ala azi ni suma ndjondjoîna, wani azi nga ki va d’i. Suma dingâ a nga yi tazi ala azi ni suma houd’a, wani azi ni suma ndjondjoîna!

Zla d’a d’ogolâ 7:24

Gorona, ki tchetchemba, ang hum zla manda, ang tin humang á hum zla d’a ndavunanda.

Zla d’a d’ogolâ 8:32

Grona, ki tchetchemba, agi humunu. Suma a nga ngom gat mandina a le furîd’a.

Isai 14:32

A hulong zla d’a ded’a mi suma Filistê suma a sunuzina nana ge? Kayam Ma didina mi gäd’u Siyon ni mamu, ni kua ba, mam suma hohoud’a a mba fe yima ngei tazina gagazi.

Isai 29:19

Suma lulumana a mba le furîd’a ngola yam Ma didina, suma hou suma aduk sumina a mba le hur ma hapma yam Ma tin tam irat vat yam Israel-lîna mi.

Sofoni 3:12

An mba ni ngom suma lulumana ki suma hou suma kuruk suma a nga hal yima ngeid’a atana.

Zakari 11:11

Kur bur ma an bud’um mbei máma, tumiyô suma hohou suma a tin huruzi kana a wala ni zlad’a hi Ma didinid’a.

Zakari 11:7

An nga ni pol tumiyô suma a tchuguzi á ngatina. Gagazi, azi ni tumiyô suma hohoud’a. An yo tutuguyona mbà, an yi d’a hî d’a ala Sumad’a, an yi d’a hî d’a ala Zlap pa tud’a, an pol tumiyô ndazina.

Matiye 11:5

Suma duka a nga we, suma dileîd’a a nga tid’a, suma libina a nga yak keyo, suma ngela a nga huma, an nga ni tchol suma matna akulo, an nga ni tchi wal Zla d’a Djivid’a mi suma hohoud’a mi.

Matiye 25:34

Ata yi máma, an amulâ mba ni de mi suma yam bigan nda ndjufina ala: Agi suma Abun mi b’e vunam kagina, agi mbeyegïya, agi tagi leu d’a a minit kagi kad’u tinda hi duniyad’a deid’a.

Matiye 5:3

Suma a ge yazi kä kukud’u’â a le furîd’a, kayam leu d’a akulod’a ni mazid’a.

Marik 7:14

Jesus mi yï ablau suma gevemu, mi dazi ala: Agi pet humunu, agi wagi ad’ud’a mi.

Wana ni Zla d’a Djivi d’a Luc mi b’irita 12:21

Jesus mi de kua ala: Hina mi, sama nga mi tok ahlena kayam mam tambina, mi nga ki ndjondjoîd’a avok Alona d’i.

Wana ni Zla d’a Djivi d’a Luc mi b’irita 12:32

Jesus mi had’azi kua ala: Agi ades ma gorâ, ar agi lagi mandar ri, kayam ni djivid’a ir Abugi á hagi leu mamba.

Wana ni Zla d’a Djivi d’a Luc mi b’irita 16:22

Ma houd’a mi mid’a, malaikana a hlum sä gen Abraham. Ma ndjondjoîna mi mit mi, a tozomu.

Wana ni Zla d’a Djivi d’a Luc mi b’irita 16:25

Wani Abraham mi hulong dum ala: Gorona, ang djib’er djiviya. Ata yima ang nga kur duniyad’ina, ang fe ni djivid’a, wani Lazar mi fe ni ndaka. Ki tchetchemba, a b’lengêm wa hurum ka hî, wani ang nga kur ndaka.

Wana ni Zla d’a Djivi d’a Luc mi b’irita 22:29

an hagi leud’a ni d’igi Abun mi handji na mi,

Wana ni Zla d’a Djivi d’a Luc mi b’irita 6:20

Jesus mi gol mam suma hata, mi dazi ala: Agi suma houd’a, agi lagi furîd’a kayam leud’a hAlonid’a ni magid’a.

Jean 7:48

Sama ding aduk nglo suma ngat buzuna d’oze aduk Fariziyêna mi he gagazid’a kam zu?

Sunda hi suma a sunuzinid’a 7:2

Etienne mi hulong mi dala: B’oziyona kabuyonu, agi humugiya. Alo ma subura mi nde tam ir abui ngolo Abraham kid’a mi nga Mesopotami avok ka mam bei i kak kur Haran tua d’a.

Romê-na 8:17

Ei nAlona groma. Hina wani, mba mi hei ahle suma djivi suma mi hle vunam kazi mi sum mamina zlapa tu ki Christ mi. Le ei nga fei ndaka zlapa ki Christ-zu ni, Alona mba mi suburi zlapa ki mam mi.

1 Korente-na 2:9

Wani d’igi mbaktumba hAlonid’a ti de na ala: Vama sana mi wum nga d’uo mi humum nga d’uo mi na, vama sana mi djib’erem nga d’uo mi na, ni vama Alona mi minim yam suma a nga le kamina.

2 Korente-na 4:15

Ahle ndazina pet a le ni kagiya, tala Alona mi ve suma sumad’a avogovok kayam suma a le mersi yam subura hAlonid’a kam kua kam kua d’a.

2 Korente-na 6:10

A nga golomi ni d’igi suma a nga yor tazi na, wani ami nga ayâmi teteu. A golomi ni d’igi suma houd’a na, wani ami ni suma a nga mbud’umi suma ablaud’a suma ndjondjoînina. A golomi ni d’igi suma a nga ki va d’uo na na, wani ami nga kahlena pet.

2 Korente-na 8:9

Kayam agi wagi sumad’a hi Saleina Jesus Christ-sa. Mam mi sama ndjondjoîna pî, mi mbut sama houd’a kayam agiya, kayam agi mbud’ugi suma ndjondjoîna yam hou mamba.

Efes-sâ 1:18

An nga ni tchenem ala mi malagi djib’er magid’a woi á wagi vama mam yagi á tinigi hurugi kama, kahle suma djivi suma ndjondjoî suma mam nga mi ngomozi akulo yam sum mamina,

Efes-sâ 3:8

An ni ma kid’aka aduk suma hAlonina pet, wani Alona mi han ad’enga á tchi wal Zla d’a Djivid’a mandjaf suma dingâ yam ahle suma ndjondjoîna hi Christ suma bei dabid’a ba na,

1 Tasaloni’â 2:12

Ami gigid’egiya, ami b’lengêgi kurugiya, ami zud’ugi kam kua kam kua ala agi tid’igi ndak ata minda hAlo ma nga mi yagi á igi kur leu mamba ki subur mambina.

2 Tasaloni’â 1:5

Wana ni simata yam sariyad’a hAlona d’a d’ingêra ala agi ni suma ndak yam leu mam mba agi nga fagi ndaka kata na.

1 Timote 6:18

Ang hazi vuna á le djivid’a, á i avogovok ki sun nda djivid’a, á hahle mazina mi suma, á b’rau ahlena mi suma ding mi.

2 Timote 4:18

Salad’a mba mi pad’an ndei kur sun nda tcho d’a lara ge pet, mba mi sud’un á kalan kur leu mam mba akulod’a. Ni mam ma subura ni mamba gak didina. Amin!

2 Timote 4:8

Ki tchetchemba, Alona nga mi ngom avaval la d’ingêr ra Salei ma ka sariya d’a d’ingêrina mba mi handji kur bur mámid’a. Wani ni yam an hol li, wani yam suma pet suma a nga le yam mba mambina mi.

Hebre-na 11:26

Mi djib’er ala mi fe ndaka yam Christ ni vama ndjondjoîna kal ndjondjoî d’a Ezipte-d’a, kayam mi tin iram yam wurak ka sä avoromba.

Jacques 1:12

Sama ve tam ad’enga kur kukina, mi le furîd’a ata yima mi ve tam ad’enga kur kuk mambina, mba mi fe avaval la bei b’lak ka Salad’a mi hle vunam kat mi suma a nga le kamid’a.

Jacques 1:16

B’oziyon suma an le kagi heîna, agi lobogi tagi d’i.

Jacques 1:19

B’oziyon suma an le kagi heîna, agi wagi djiviya. Ar nge nge pî mi hum zlad’a atogo, wani mi le lilinga á ded’a. Ar mi mbut ayîna atogo zak kuo mi,

Jacques 1:9

Ar wiyei ma houd’a mi subur tam yam hle d’a Alona mi hlum yam akulod’a.

1 Pierre 1:4

Ar ei lei furîd’a yam vama djo ma Alona nga mi ngomom sä akulo yam sum mamina. Ni vama djo ma ndak á b’lak keina d’i, ni ma bei ndjendjed’a, ni ma wile mamba nga d’i dap puo na, ni ma Alona sä mi ngomom akulo kagina.

2 Pierre 1:11

Hina wani, Alona mba mi malagi lovota hotot á kalagi kur leu d’a didinda hi Salei ma suta Jesus Christ-sa.

Vama ndum mbeina 2:9

An wang ndak manga ki hou manga, wani angî sama ndjondjoîna. An we zla d’a tcho d’a suma a yi tazi ala azi ni Juif-fâ na a nga dat kanga, wani azi ni Juif-fâ d’i, azi ni toka hi Seitan-nda.

Vama ndum mbeina 21:7

Suma a mba kus ayînina, an mba ni hazi he d’a hawad’a, an mba narî Alo mazina, azi mba mbut grona.

Vama ndum mbeina 3:18

Kayam ndata, an nga ni dangû, ar ang gus lor man nda a yorot kakud’id’a tala ang mbut sama ndjondjoîna d’a. Ang gus baru d’a hapa tala ang tchugut atang ang ngei zulo mang ma gandilad’a mi d’a. Ang gus kuma ma ira, ang gum irang kayam ang we woi tetet.

Suma ka sariyad’a 9:7

Jotam mi huma, mi i djak akulo yam ahina d’a Garizim-mba yat ta ked’iwurenga, mi er ad’um akulo, mi dazi ala: Agi suma nglo suma Sikem-ma, agi humunu, ar Alona mi humugi mi!

1 Samuel 2:30

Kayam ndata, an Ma didina Alona hi Israel-lîna an nga ni dangû: An hle vunan adjeu mi suma habungâ ki sum mangâ ala: Agi mba kagagi ni man suma ngat buzuna gak didin. Wani ki tchetchemba, an nga ni dang ngei mbak ala: Nga na d’uo d’a! An nga ni he ngola mi suma a nga han ngolina; wani suma a nga golon isâ, an mba ni golozi is mi.

1 Samuel 2:8

Suma hou suma a nga kä aduk gugumina nga mi hlazi yazi akulo, suma kid’ak suma a arazi kä woi yam djimgilîna, nga mi tinizi ata yima hud’a zlapa ki suma kal teglesâ. Andagad’a pet ni d’a hi Ma didinid’a; ni mam ba, mi tinit akulo yam graka.