Jacques 2:3 - Bible azumeina

³ le agi hagi ngola mi ma tchuk baru ma djivi ma kal teglesâ agi dum ala: Ang mbeï kak ata yima hud’a, wani agi dagi mi ma houd’a ala: Ang tchol hina djang, d’oze, Ang mbeï kak kä asenu ni,

Jacques 2:3 Kruisverwysings

Zla d’a d’ogolâ 18:23

Sama houd’a mi de ni zlad’a ni ki hud’a, wani ma ndjondjoîna mi hulong humba ni ki ngopa.

Isai 65:5

Ni suma a nga dala: Ang huttcha woi hina dei, ang hud’ï go gevemi d’i, kayam ami kalang ki yed’eta na. Suma hina na a ni d’igi andos ma mi tchuk atchinana na, a ni d’igi aku d’a nga d’i ngal burâ ki burîd’a na mi.

Wana ni Zla d’a Djivi d’a Luc mi b’irita 23:11

Herot azi ki azigar mama a golom d’igi vama hawana na, a lazamu. A tchugum baru d’a ngal wiwilika atamu, a hulongôm mi Pilat.

2 Korente-na 8:9

Kayam agi wagi sumad’a hi Saleina Jesus Christ-sa. Mam mi sama ndjondjoîna pî, mi mbut sama houd’a kayam agiya, kayam agi mbud’ugi suma ndjondjoîna yam hou mamba.

Jacques 2:2

Kayam le sama ding mba kur tok magid’a ki ngangam ma lora abom ki baru ma djivi ma kal teglesâ atamu, le sama houd’a mba ki baru ma ndjondjorona atam mi,

Jacques 2:6

Wani agi nga gologi ma houd’a is. Ni suma ndjondjoîna ba, a b’at ahlena abogi d’uo zu? Ni azi ba, a nga igi avok suma ka sariyad’a d’uo zu?

Jude 1:16

Sum ndazina tazi nga d’i lazi djivi d’i, huruzi nga mi zal yam ahle suma a nga mba kazina, a nga tit kur d’od’oka hi hliwizid’a, a nga de zla d’a subur tad’a, a nga lad’u suma á fe mbina ataziya.