Jacques 2:14 - Bible azumeina

¹⁴ B’oziyona, le sana mi dala mam he gagazid’a, wani sun mata le nga d’uo ni, djivi mata ni me ge? He gagazi ndata ti ndak á sud’um zu?

Jacques 2:14 Kruisverwysings

Jeremi 7:8

Wani agi nga tinigi hurugi ni yam zla d’a mbut ir ra zlat nga d’uo d’a.

Matiye 5:20

Kayam ndata, an nga ni dagiya, le d’ingêr magid’a kal nga d’a hi suma hat gata ki d’a hi Fariziyênid’a d’uo ni, agi mba kalagi kur leu d’a akulod’a d’i.

Wana ni Zla d’a Djivi d’a Luc mi b’irita 3:11

Mi hulong dazi ala: Sama nga ki barud’a mbàna, mi he tu mi sama nga ki d’uo na; sama nga ki tenina, mi le hina mi.

Wana ni Zla d’a Djivi d’a Luc mi b’irita 6:49

Wani sama hum zla manda nga mi le nga sunda kat tuo na, mi hle tamî d’igi sama mi min gong mamba yam andagad’a bei mi djugud’ot ad’ut kä na na. Ata yima mbina nga mi djangâ, mi wat gong ndata; atogo hina zak, mba d’i dris kä. B’lak mata ni b’lak ka tchod’a.

Sunda hi suma a sunuzinid’a 15:9

Mi kazi nga irazi woi ki ei d’i, mi mbuzuzi huruzi woi yed’et yam he gagazi mazid’a.

Sunda hi suma a sunuzinid’a 8:13

Simon tamba mi he gagazid’a mi. Kid’a mi le batemba dad’a, mi nga zlapa ki Filip. Kid’a mi wahle suma simat suma nglona kahle suma ndandal suma Filip mi lazina, mi le atchap.

Sunda hi suma a sunuzinid’a 8:21

Ang nga ki b’rau d’oze va kur zla ndata d’i, kayam hurung nga d’ingêr avok Alona d’i.

Romê-na 2:25

Le ang ge yang kä ad’u gata ni, bayâ mang nga ngata ni djivid’a kangû. Wani le ang tchila yam gata ni, bayâ mang nga ngata mbut ni vama hawana.

1 Korente-na 15:2

Le agi nga siragi yam Zla d’a Djivi ndata ngingringû ni, agi mba fagi suta kad’u. Le agi vagizi ndinding nguo ni, he gagazi magid’a ni hawa.

1 Korente-na 16:22

Sama nga mi le yam Salad’a d’uo na, ar Alona mi gum vuna. Maranata, nala, Salamina, ang mbeya!

Galat-na 5:13

B’oziyona, Alona mi yagi mi pad’agi woi da’, wani ar pat ndata mbut ni vama le sun nda yam minda hi sa magi ma adjeunid’a d’i, wani agi sunugi tagi ki od’a.

Galat-na 5:6

Le ei zlabei tu ki Jesus Christ-zu ni, ngat bayâd’a ni va d’i, ngat bayâd’a d’uo pî ni va d’uo mi. Wani he gagazi d’a le sunda yam od’id’a ni vama nda’â.

1 Tasaloni’â 1:3

Ami nga djib’eremi kagi bei ara ba avok Alona Abuya, yam sun nda tcholï ata he gagazi magid’id’a, yam sun magi d’a od’a, yam ve ta magi d’a yam hur magi ma tin ma yam Saleina Jesus Christ-sâ mi.

1 Timote 1:5

Vun ma he máma djivi mamba ni o d’a ndeï kur hur ma djivina ki djib’er ra krovo d’a djivid’a ki he gagazi d’a irata.

1 Timote 4:8

Sun nda teteng nga yam hliu tad’id’a, djivi mata nakid’eid’a. Wani sun nda le d’a kur lovota hAlonid’a djivi mata ti kal ngola, kayam vun ma hled’a nga kua yam ari d’a tchetchemba ki d’a nga d’i mbad’a mi.

Wana ni mbaktum mba Paul mi b’irit mi Tit-ta 1:16

A nga dala azi wAlona, wani kur sun mazi d’a led’a a tin vunazi kamu. Azi ni suma tchona, ni suma bei hum vuna, azi ndak á le sun nda djivid’a d’i.

Wana ni mbaktum mba Paul mi b’irit mi Tit-ta 3:8

Zla ndata ni zla d’a irata. An min ala ang dazi zla ndata kad’enga, kayam suma he gagazid’a yam Alonina a min tazi á le sun nda djivid’a. Zla ndata ni zla d’a djivid’a yam suma á led’a.

Hebre-na 11:17

Ni yam he gagazid’a ba, Abraham mi he goroma Isak vama ngat buzuna ata yima Alona kuguma. Ni Abraham ma Alona mi hlum vunama ba, mi he gorom ma tu gid’engâ vama ngat buzuna.

Hebre-na 13:9

Ar hat ta ding nga tetenga vid’igi woi d’i. Djivid’a ei sirei ni sira kur sumad’a hAlonid’a, wani nga ni yam te ma teteng ma ndak á le va ki suma a tin huruzi kama d’uo na d’i.

Jacques 1:16

B’oziyon suma an le kagi heîna, agi lobogi tagi d’i.

Jacques 2:16

le sana adigagi mi dazi ala: Agi i lafiya! Agi i hologi akud’a! Agi hobogiya! wani le agi hazi nga vama ndjunuzina d’uo ni, djivi mata ni me ge?

Jacques 2:18

Wani sama dingâ mba mi dala: Ang nga ki he gagazid’a, wani an nga ki sunda. Ata yi máma, an mba ni hulong dum ala: Ang tagan he gagazi mang nga bei sunuta, wani sun manda mba d’i tagang he gagazi manda.

Jacques 2:26

Le sana nga mi muzuk kuo ni, mi ni matna. Hina mi, he gagazi d’a bei sunuta ni matna.

2 Pierre 1:5

Kayam ndata, ar agi b’ad’agi tagi á igi avogovok kur he gagazi magid’a, agi tid’igi kur sun nda djivid’a, agi wagi ad’u minda hAlonid’a,