Jacques 1:27 - Bible azumeina

²⁷ He gagazi d’a irat ta memet ta avok Alona Abuid’a ba wana: Mi i d’u suma hokuyod’a ki suma modonod’a kur ndak mazid’a, mi gol tam ped’et ki tchod’a hi duniyad’id’a mi.

Jacques 1:27 Kruisverwysings

Sawal la giled’a 119:1

Suma a nga tit kur lovot mazi d’a d’ingêr suma a nga tit yam gata hi Ma didinid’a a le furîd’a.

Sawal la giled’a 146:9

Ma didina nga mi ngom angoyogeina, nga mi ndjun ma hokuyod’a katcha d’a modonod’a, wani nga mi b’lak nga hurâ hi suma asa’atnina woyo.

Sawal la giled’a 68:5

Agi hlagi sawala mAlona, agi gilem simiyêmu, agi minigi lovota mi ma nga kaka yam d’ugulina; simiyêm ala Ma didina, agi lagi furîd’a avoromu.

Isai 1:23

Mang suma nglona a mbut suma bei hum vuna, a ndjak vunazi tu ki suma kula. Azi pet a min ni he d’a hawa d’a mbut ira, azi nga ring bugol wuraka, azi nga ka ir zlad’a hi ma hokuyod’id’a d’i, azi nga djib’er yam zlad’a hatcha d’a modonod’id’a d’uo mi.

Matiye 12:32

Sama nga ni lazan an Gor Sanina, Alona mba mi vat hurum mbei kamu, wani sama nga mi las Muzuk ma bei tchod’a ba nina, Alona mba mi vat hurum mbei kam kur atchogoi d’a wanda d’oze ta nga d’i mbad’a d’uo mi.

Matiye 5:8

Suma huruzi yed’etna a le furîd’a, kayam a mba wAlona.

Wana ni Zla d’a Djivi d’a Luc mi b’irita 1:6

Azi djak ni suma d’ingêrâ avok Alona, a ge yazi kä ad’u gata ki vun ma hed’a hi Salad’ina pet.

Romê-na 12:2

Ar agi mbud’ugi tagi d’igi suma kur duniya d’a wandina na d’i, wani ar Alona mi mbud’ugi djib’er magid’a memet. Hina wani, agi mba wagi minda hAlonid’a ala wana ni vama djivi ma lum tam djivid’a ma ndak memetna.

Romê-na 2:13

Kayam ni suma a nga hum gata ki humazi go na ba, a mba mbut suma d’ingêrâ avok Alona d’i, wani ni suma a nga ge yazi kä ad’utna hol.

Galat-na 1:4

Ni Christ ma he tam mbei kei á sud’i woi kur tcho meid’a á pad’ei woi kur atchogoi d’a tcho d’a tchetchem wandina, kur minda hAbui Alo meinid’a.

Galat-na 3:11

Kayam sana nga mi mbut d’ingêr avok Alona ni yam sunda hi gat ta mi lata d’i, kayam mbaktumba hAlonid’a ti dala: Sama d’ingêrâ mba mi kak karid’a ni yam he gagazi mamba.

Galat-na 5:6

Le ei zlabei tu ki Jesus Christ-zu ni, ngat bayâd’a ni va d’i, ngat bayâd’a d’uo pî ni va d’uo mi. Wani he gagazi d’a le sunda yam od’id’a ni vama nda’â.

Galat-na 6:14

Wani an nga ni subur tan yam vama ding ngi. An subur tan ni yam agu ma b’ala hi Salad’a Jesus Christ-sâ hol. Ni kayam agu mam ma b’ala ba, an mit tei ata duniyad’a, duniyad’a ti mit tei atan mi.

Efes-sâ 2:2

Ata yi máma agi tid’igi ni kur lovot ta suma tcho suma duniyad’a a nga tit kua ad’u ad’enga hamulâ hi muzuk ma akulo kur simetnina. Ni muzuk ma nga mi le sunda ki tchetchemba kur suma bei hum vun Alona ba na.

Gat ta a hat á mbàd’id’a 14:29

Ma hi Levi ma nga ki b’raud’a d’oze djo ma te ki sed’egi d’uo na, angeina, ma hokuyod’a, katcha d’a modonod’a suma a mba kak avo hatagina, a mba mba, a tumu, a hoba, kayambala Ma didina Alo magina mi b’e vunam kagi kur sun nda lara ge pet ta agi mba lat kabogid’a d’a.

1 Timote 1:5

Vun ma he máma djivi mamba ni o d’a ndeï kur hur ma djivina ki djib’er ra krovo d’a djivid’a ki he gagazi d’a irata.

1 Timote 5:4

Wani le atchad’a modonod’a nga ki grotna d’oze grot ngolona ni, ang had’azi á le mandar Alona ki simiyêzi avok tua, á hulong wuraka mi simiyêzi kabuyozi ngolo. Wana ni vama djivina avok Alona.

Wana ni mbaktum mba Paul mi b’irit mi Tit-ta 2:12

Suma ndata nga d’i had’ei á walei tei woi ki tchod’a ki d’od’oka hi duniyad’id’a, á kagei irei sik, á tid’i d’ingêr ki d’engzenga avok Alona kur duniya d’a wanda.

Jacques 3:17

Sama Alona mi hum ned’ina ni sama yed’etna avogo. Bugola, ni sama halasâ, ni sama lulumana, ni sama djivina, ni sama we hohowa sumina, ni sama nga mi le sun nda djivid’ina, ni sama bei ka ira, ni sama bei lop ira mi.

Jacques 3:9

Ni ki ndad’u, ei nga lei mersi mi Salad’a Abuya; ni ki ndad’u, ei nga gei suma Alona mi lazi d’igi mam na na vuna.

Jacques 4:4

Agi suma bei d’engzengâ, agi wagi nga d’ala le yam duniyad’a ka’î djangûna kAlona d’uo zu? Wani sama min á le banad’a ki duniyad’ina, mi mbut ni sama djangûna hAlonina.

2 Pierre 1:4

Kayam ndata, mi hei vun mam ma hle ma ngol ma guzum kal teglesâ, kayam agi vagi vama mam hlagi vunam kama, á prud’ugi tagi woi kur d’od’ok ka b’lak ka nga d’i te yam duniyad’id’a, á mbud’ugi d’igi mam na mi.

2 Pierre 2:20

Le azi prut tei kur tcho d’a d’od’oka hi duniyad’id’a kayam azi we Salei ma suta Jesus Christ, le a hulong kur tcho ndata ti kal kaziya ni, tchi mazi d’a bugola mba d’i kal la avoka.

2 Pierre 3:14

Kayam ndata, buniyôn suma od’a, kur djup pa agi nga djubugi bur mámid’a, agi b’ad’agi tagi á kagagi suma yed’etna bei zlad’a kagi ba avok Alona, á kagagi ki sed’em kur b’leng nga halasa mi.

1 Jean 5:18

Ei wei ala sama Alona mi vud’uma, nga mi le tchod’a d’i, wani Alona Goroma nga mi ngomomu, Ma tchona mi ndak á lum va d’uo mi.