Jacques 1:26 - Bible azumeina

²⁶ Le sama ding djib’er ala mam he gagazid’a yam Alona, wani le nga mi ngom sinam mbuo ni, mi lop mi tamu, he gagazi mam mba yam Alonid’a ni hawa.

Jacques 1:26 Kruisverwysings

Wana ni mbaktumba hi Job-pa 15:13

Ata yima ang djok djib’er ra tchod’a á kak djangûna kAlonina, andjaf zla d’a tchod’a ti ndavunang wan nduo zu?

Wana ni mbaktumba hi Job-pa 30:11

Wani nAlona ba, mi mbud’un amangeîd’a, mi hulongôn yan kä. Kayam ndata, a kus djama d’a d’elezi lovotid’a woi avoronu.

Sawal la giled’a 141:3

Ma didina, ang ngomon vunanu, ang ndjolon vunan ma de zlad’a mi.

Sawal la giled’a 32:9

Ar ang kak d’igi akuluma d’oze korona suma djib’er mazid’a nga d’uo na na d’i. Djamad’a ni va d’a vazi ki d’a; le hina d’uo ni, azi nga ve kä d’i.

Sawal la giled’a 34:13

Ni nge ba, mi min á kak ki iram bei matna, mi min burum i fiyaka á we djivid’a ge?

Zla d’a d’ogolâ 10:19

Sama tchit heîna nga mi ba bei le tchod’a d’i, wani sama nga mi ngom vunam ped’etna ni sama wäd’u zlad’ina.

Zla d’a d’ogolâ 10:31

Zla d’a ti ndavun ma d’ingêrîd’a ni ned’a, wani sin nda ti de zla d’a ata yat tuo d’id’a a mba ngad’at teyo.

Zla d’a d’ogolâ 14:12

Ata yima dingâ sana nga mi djib’er ala tit mamba ni djivid’a. Wani dabid’a ti imî kur matna.

Zla d’a d’ogolâ 15:2

Zla d’a de d’a ndavun suma ned’id’a ti ta’î we d’a djivi d’a kala woi abua, wani zla d’a ndavun suma lilid’id’a ti ta’î lilid’a woi abu mi.

Zla d’a d’ogolâ 16:10

Zla d’a amulâ mi data ti tcholï nata Alona, ata yima nga mi ka sariyad’ina, mbeî mi de zla d’a irata.

Zla d’a d’ogolâ 16:25

Ata yima dingâ sana nga mi djib’er ala tit mamba ni djivid’a. Wani dabid’a ti imî kur matna.

Zla d’a d’ogolâ 19:1

Sama hohou ma nga mi tit kur lovot mamba d’ingêrâ, mi kal sama ka zla ma mi mbut tam lilid’ina.

Zla d’a d’ogolâ 21:26

Sama azulomba nga mi le d’od’oka burâ ki burâ yam ahlena hi sumina, wani sama d’ingêrâ nga mi he bei gigrita ba.

Isai 1:13

Ar agi mbagi ki he magi d’a hawa d’a hawa yaka d’i. Andosâ hi dubang magi ma his djivid’ina ni vama ndjendjed’a iranu. Ar agi mbagi kahle magi suma ngat buzuna kur bur ma deîd’a hi tilîna d’oze kur bur ma sabatna d’oze kur bur ma vun til ma teteng ma a ngama d’i. Kayam an nga ni min kud’or ra zlapa ki mat ma tchid’id’a d’i.

Isai 44:20

Mi tin hurumî yam butna, djib’er mam mba kurumba vid’im mbeyo. Mi ndak á prut tam mbei d’i, nga mi de d’ala vama abon wana ni vama hawa ya’â d’uo zi ge d’a d’uo mi.

Malatchi 3:14

Agi dagi ala: Ei tchi tei á le sunda mAlona ni hawa. Kid’a ei nga ngomei gat mamba ei tid’i ki hohoud’a avoromba, ei fei ni me abo Ma didin ma ad’engêm kal petna ge?

Matiye 15:9

A nga kud’uron ni ki vunazi hawa yak, kayam hat ta azi nga hat ki sumid’a ni gata hi sumid’a.

Marik 7:7

A nga kud’uron ni ki vunazi hawa yak, kayam hat ta azi nga hat ki sumid’a ni vun ma hed’a hi sumina.

Wana ni Zla d’a Djivi d’a Luc mi b’irita 8:18

Agi gologi tagi djivi yam vama agi humugizina. Kayam sama lara pî ma nga ki va aboma, a mba hum kam kua, wani sama lara pî ma nga ki va abom mbuo na, a mba hle vama mam mi djib’er ala ni mama na woi abomu.

1 Korente-na 15:15

Kal pet ami mbud’umi ni suma le glangâs ma aboina yam Alona, kayam ami dami ala: Alona mi tchol Christ akulo aduk suma matna. Wani le suma matna a mba tchol akulo d’uo ni, Alona mi tchol nga Christ akulo d’uo mi.

1 Korente-na 15:2

Le agi nga siragi yam Zla d’a Djivi ndata ngingringû ni, agi mba fagi suta kad’u. Le agi vagizi ndinding nguo ni, he gagazi magid’a ni hawa.

1 Korente-na 3:18

Ar sa mi lop tam mbi. Le sama ding adigagi mi djib’er ala mam mbut sama ned’a kur duniyad’a ka hî ni, ar mi mbut tam lilid’a kayam mam mbut sama ne ma gagazina.

Galat-na 2:6

Wani suma a nga golozi d’igi suma nglona na na, an golozi ni va d’i, kayam Alona nga mi pat sana ni yam iram go d’i. An nga ni dala suma nglo ndazina a had’an nga va tu d’i.

Galat-na 2:9

Wani Jacques azi ki Pierre ki Jean, ni suma suma a golozi d’igi suma avok suma na na, ata yima azi wala Alona mi van wa sumad’a na, ami ki Barnabas, azi gami depa kabozi ma ndjufâ á tak kei ala azi le darigïd’a ki sed’emiya, kayam ami mba imi tchami wala mandjaf suma dingâ, azi mba i tchi wala mi Juif-fâ mi.

Galat-na 3:4

Agi fagi ndaka ni hawa nä? Le ni na ni, ni hawa mi.

Galat-na 6:3

Le sama ding djib’er ala mam ndak va, wani le mi ndak va d’uo ni, mam lop mi tamu.

Efes-sâ 4:29

Ar zla d’a tchod’a ndavunagi d’i, wani agi dagi ni zla d’a djivi d’a ndak á wul suma kid’aka akulo kur he gagazid’id’a, á ndjun suma a nga hum zla magid’ina mi.

Efes-sâ 5:4

Wani zla d’a zulona ki sun nda lilid’a ki zla d’a tchibeta, ar agi yazi simiyêzi d’uo mi, wani vama kalâ, kur tchen magid’a, agi lagi ni mersi mAlona.

Gat ta a hat á mbàd’id’a 11:16

Agi gologi tagi djivi á d’ezegi woi kur lovot ta d’ingêra á kud’urogi alo ma dingâ á grivigi kä avoromu.

Kolos-sâ 4:6

Ar zla d’a djivid’a ndavunagi teteu á le suma tazi djivid’a d’igi ndjuvuna na, kayam agi wagi lovota á hulong zla d’a ded’a mi sama lara ge pet.

Jacques 1:19

B’oziyon suma an le kagi heîna, agi wagi djiviya. Ar nge nge pî mi hum zlad’a atogo, wani mi le lilinga á ded’a. Ar mi mbut ayîna atogo zak kuo mi,

Jacques 1:22

Wani agi lagi sunda yam zlad’a hAlona d’a a dagizid’a, ar agi lobogi tagi á humba hawa go d’i.

Jacques 2:20

Ang ma lilid’a, ang we nga ala he gagazi d’a bei sunuta ni hawa d’uo zu?

1 Pierre 3:10

D’igi mbaktumba hAlonid’a ti de na ala: Sama min kak ki iram bei matna á we bur ma djivinina, ar mi d’el sinam á de zla d’a tchod’a, ar mi d’el vunam á lop suma mi.