Jacques 1:22 - Bible azumeina

²² Wani agi lagi sunda yam zlad’a hAlona d’a a dagizid’a, ar agi lobogi tagi á humba hawa go d’i.

Jacques 1:22 Kruisverwysings

Isai 44:20

Mi tin hurumî yam butna, djib’er mam mba kurumba vid’im mbeyo. Mi ndak á prut tam mbei d’i, nga mi de d’ala vama abon wana ni vama hawa ya’â d’uo zi ge d’a d’uo mi.

Jeremi 11:6

Ma didina mi dan kua ala: Ang i de zla ndata ki deleng akulo kur azì ma nglo ma Juda-na ki ir palum mba Jerusalem-mba pet ala: Agi humugi zlad’a hi vun ma djin ma wanid’a, agi tid’igi kat mi.

Abdiyas 1:3

Yam mba ad’eng magid’a ti vid’igi wa woyo. Agi suma nga kak aduk ahuniyôna ata yima sana ndak á lagi va kua d’uo na, agi nga dagi ala: Ni nge ba, mba mi digimi woi kua ge?

Matiye 12:50

Kayam sama lara pî ma nga mi le minda hAbun ma sä akulonina, mi ni wiyena ki wiyenda, nasun mi.

Matiye 28:20

Agi had’azi á ngom ahlena pet suma an hagi vuna kazina. Gola! An nga ki sed’egi teteu gak dabid’a hi duniyad’id’a mi.

Wana ni Zla d’a Djivi d’a Luc mi b’irita 11:28

Wani Jesus mi hulong dat ala: Suma a nga hum zlad’a hAlonid’a a nga ge yazi kä ad’utna, a mba le furîd’a kala.

Jean 13:17

Le agi wagi ahle ndazina, le agi lagi sunda kazi mi ni, agi lagi furîd’a.

Romê-na 2:13

Kayam ni suma a nga hum gata ki humazi go na ba, a mba mbut suma d’ingêrâ avok Alona d’i, wani ni suma a nga ge yazi kä ad’utna hol.

1 Korente-na 15:33

Agi lobogi tagi d’i: Le sama djivina mi tit ki sama tchona ni, mba mi b’lagamu.

1 Korente-na 3:18

Ar sa mi lop tam mbi. Le sama ding adigagi mi djib’er ala mam mbut sama ned’a kur duniyad’a ka hî ni, ar mi mbut tam lilid’a kayam mam mbut sama ne ma gagazina.

1 Korente-na 6:9

Agi wagi tetet ala suma a lahle suma ata yazi d’uo na a mba kal kur leud’a hAlonid’a d’uo d’uo zu? Ar agi lobogi tagi d’i. Suma mizeuna, suma tuwal fileina, suma e’eûd’a, suma a bur ki ndrozi andjofîna,

Galat-na 6:3

Le sama ding djib’er ala mam ndak va, wani le mi ndak va d’uo ni, mam lop mi tamu.

Galat-na 6:7

Ar agi lobogi tagi d’i, kayam sana mi ndak á las Alona d’i. Kayam vama sana mi zarama, mba mi fed’emî mamu.

Filip-ma 4:8

B’oziyona, zla d’a ara: Ar agi tinigi djib’er magid’a yam ahle suma djivi suma ndak á giled’ina kahlena pet suma gagazina kahle suma a yorozina kahle suma d’ingêrâ kahle suma yed’etna kahle suma djivi suma ndak á hud’ina.

Kolos-sâ 3:17

Kur ahlena pet suma agi lagizina, le ni zla d’a ded’a, d’oze le ni sunda, ar agi lagizi pet ni ki simiyê Salad’a Jesus. Agi lagi mersi mAbui Alona ki simiyêm mi.

2 Timote 3:13

Wani suma le tchod’a ki suma lop suma a mba i avogovok kur tcho mazid’a, a mba vit suma woyo, azi tazi a mba vit tazi woi mi.

Wana ni mbaktum mba Paul mi b’irit mi Tit-ta 3:3

Kayam adjeu ei ni suma bei ned’a, suma bei hum vuna, suma vit teina. Ei ni suma le magomba mi d’od’oka teteng ki furîd’a hi duniyad’ina, suma asa’atna, suma yungôra. Suma a noyêya, ei noyeî suma ding mi.

Jacques 1:26

Le sama ding djib’er ala mam he gagazid’a yam Alona, wani le nga mi ngom sinam mbuo ni, mi lop mi tamu, he gagazi mam mba yam Alonid’a ni hawa.

Jacques 4:11

B’oziyona, ar agi dagi zla d’a tchod’a yam tagi d’i. Le sana mi de zla d’a tchod’a yam wiyema d’oze mi ka sariyad’a kamu ni, mi ka’î djangûna ki gata, mi ka ni sariyad’a yam gata mi. Le angî sama ka sariyad’a yam gatina ni, angî sama nga mi tit yam gatina d’i, wani angî ma ka sariyad’a katna.

Jacques 4:17

Wani sama we vama djivina á led’a ko ba mi lum mbuo na, mi le ni tchod’a.

2 Pierre 2:13

Wani Alona mba mi wuragazi ki ndak ka azi lat mi suma hiunid’a. A nga le furîd’a kur djib’er mazi d’a tchod’a falei d’ad’ar ata yima azi nga te te magina ki furîd’a ki lop ir mazid’ina. Azi ni vama zulona ki vama dap asema mi.

1 Jean 1:8

Le ei dei ala: Ei nga ki tchod’a d’uo ni, ei lobei ni teya, zla d’a gagazid’a nga kuri d’i.

1 Jean 2:3

Le ei nga gei yei kä ad’u vun ma hed’a hAlonina ni, ei wei ala ei wei Alona.

1 Jean 3:7

Grona, ar sa vid’igi woi d’i. Sama nga mi le d’ingêrina ni d’ingêr d’igi Jesus Christ tamba ni ma d’ingêr na mi.

3 Jean 1:11

Bäna, ar ang tit bugol tchod’a d’i, wani ang tit ni bugol djivid’a. Sama nga mi le djivid’ina ni ma hAlonina; sama nga mi le tchod’ina, mi we nga Alona d’i.

Vama ndum mbeina 12:9

Dragon máma a gumï kä, ni gugui ma mamar ma a yum ala Diable d’oze Seitan na na, ni ma nga mi lop suma yam andagad’a petna. A gumï kä yam andagad’a, a tchugï malaika mama kä woi zlapa ki sed’em mi.

Vama ndum mbeina 22:7

Jesus mi dala: Agi humugiya! An nga ni mba ka tchetchem. Suma a ge yazi kä ad’u zla d’a djok vun Alona d’a a nga djogot tei kur mbaktum ndatid’ina, a le furîd’a.