Jacques 1:21 - Bible azumeina

²¹ Kayam ndata, agi aragi ahle suma ndjendjed’a ki sun nda tchod’a pet teyo. Agi vagi zla d’a Alona d’a a zaragizi kurugid’a ki lulumad’a, ni d’a ndak á sud’ugid’a.

Jacques 1:21 Kruisverwysings

Sawal la giled’a 25:9

Nga mi tin suma lulumana kur lovot ta d’ingêra, nga mi hat suma lulumana lovot mamba.

Isai 2:20

Kur bur máma suma a mba tchuk filei mazi ma a yorom ki kawei ma hapma ki ma a yorom ki lora suma a nga grif kä avorozina woi mi kulomba kababeina.

Isai 29:19

Suma lulumana a mba le furîd’a ngola yam Ma didina, suma hou suma aduk sumina a mba le hur ma hapma yam Ma tin tam irat vat yam Israel-lîna mi.

Isai 30:22

Agi mba gologi kawei ma hap ma agi gulud’ugi ki filei maginina ki lora a gulud’um ki d’a nahle suma ndjendjed’a, agi mba durugi to mazi d’a kikizeka woi d’igi vama ndjendjed’a na, agi mba dagi kazi ala: Tchuguzi sä woi dei!

Isai 61:1

Muzu’â hi Salad’a Ma didinina mi nga kaka kanu, kayam Ma didina mi von mbulâ kan mi tinin iran van ná tchi wal zla d’a djivid’a mi suma hohoud’a. Mi sunun ná b’leng hur suma huruzi mi b’la’â, á tchi wala mi suma a yozi magombina á tchuguzi akulo, á tchi wala mi suma a nga kur dangeinina á tchuguzi akulo mi,

Ezekiyel 18:31

Agi hagi azigagi mi tcho magi d’a agi lata, agi mbud’ugi hurugi awilid’a, agi mbud’ugi muzugagi awilid’a mi. Agi Israel-lâ, ni kayam me ba, agi tchagi tagi woi ge?

Ezekiyel 36:25

An mba ni yamagi mbiyo ma digil ma hirwilingâ kagiya, agi mba mbud’ugi yed’et, an mba ni mbud’ugi woi yed’et kur ndjendje magi d’a lara ge pet, kur filei magi ma lara ge pet mi.

Sofoni 2:3

Agi suma luluma suma yam andagad’ina pet, agi halagi Ma didina, agi tid’igi yam vun mam ma hed’a, agi halagi d’ingêra, agi gagi yagi kä luluma avok Alona mi. Dam mba mi kengêgi woi kur bur mam ma ayîna kla.

Matiye 5:5

Suma lulumana a le furîd’a, kayam a mba tandagad’a djona.

Jean 6:63

Ni Muzu’â hAlonina ba, mi he arid’a mi suma; hliuna ndak á le va d’i. Zla d’a de d’a an dagizid’a ni Muzu’â karid’a.

Jean 6:68

Simon Pierre mi hulong dum ala: Salamina, ami imi ni gen nge ge? Ni ang ba, nga ki zla d’a ari d’a didinda.

Sunda hi suma a sunuzinid’a 10:33

Ata yi máma na wat, an sundja kang wana, ang le djivid’a ang mba wa. Ki tchetchemba, ami pet nga ka hî avok Alona á hum ahlena pet suma Salad’a mi hang vuna kazi á ded’ina.

Sunda hi suma a sunuzinid’a 13:26

B’oziyona, agi andjafâ hi Abraham-ma ki suma adigagi suma a nga le mandara Alonina, ni kayam ei ba, a sunï zla d’a sut ndata wana.

Romê-na 1:16

Kayam an nga ni le zulona á tchi wal Zla d’a Djivid’a d’i, kayam ndat nad’enga hAlonid’a á sut suma a he gagazid’ina pet, Juif-fâ avogo, bugola, andjaf suma dingâ mi.

Romê-na 11:17

Israel-lâ ni d’igi olif ma pe ma a kam abom ma dingâ woina na. Ang ma ni Juif-fâ d’uo na, ang ni d’igi abo olif ma abagei ma a djagam blangâzina na. Ki tchetchemba, ang nga wulî yam sideina kambira hi olif ma a puma.

Romê-na 6:17

Wani an le mersi mAlona, kayam me adjeu agi ni magumeina hi tchod’ina, wani ki tchetchemba, agi gagi yagi kä ki hur ma tuna d’igi hat ta a had’agizid’a na.

1 Korente-na 15:2

Le agi nga siragi yam Zla d’a Djivi ndata ngingringû ni, agi mba fagi suta kad’u. Le agi vagizi ndinding nguo ni, he gagazi magid’a ni hawa.

2 Korente-na 7:1

Agi buniyôn suma od’a, vun ma hle máma pet ni keya. Kayam ndata, ar ei mbud’i tei yed’et, ar ei walei woi ki tcho d’a le d’a lara ge pet kur hliu teya, kur muzugei mi. Ar ei b’ad’ei tei á tini tei irat vat á le mandar Alona kur tit meid’a.

Efes-sâ 1:13

Wani kid’a agi humugi zla d’a gagazid’a nala Zla d’a Djivi d’a sud’ugid’a, agi hagi gagazid’a yam Christ. Kayam ndata, Alona mi kagi geuna ki Muzuk mam ma bei tchod’a ba ma mi hle vunam kama.

Efes-sâ 4:22

Kayam ndata, ar agi fogogi sama adjeuna woi ki sun mam mba led’a. Sama nga kurugi adjeuna, ni ma nga mi lobogi á igi kur b’lakina.

Efes-sâ 4:25

Kayam ndata, agi aragi zla d’a kad’a woyo, wani ar sama lara pî mi de ni zla d’a gagazid’a mi ndrama, kayam ei ni hliu ma tuna.

Efes-sâ 5:4

Wani zla d’a zulona ki sun nda lilid’a ki zla d’a tchibeta, ar agi yazi simiyêzi d’uo mi, wani vama kalâ, kur tchen magid’a, agi lagi ni mersi mAlona.

1 Tasaloni’â 1:5

Kayam Zla d’a Djivi d’a ami tchagizi walata ni ki zla d’a ded’a go d’i, wani ni kad’enga ki ndjunda hi Muzuk ma bei tchod’a ba nid’a, zlapa ki we d’a gagazid’a hi Zla d’a Djivi ndatid’a mi. Kayam agi wagi ni nana ba, ami tid’imi adigagi á ndjunugi ge.

1 Tasaloni’â 2:13

Kayam ndata, ami nga lami mersi mAlona teteu kayamba agi vagi zlad’a hAlona d’a ami tchagizi walata, nga d’igi zlad’a hi sumid’a na d’i, wani d’igi zlad’a hAlona d’a gagazid’a na. Kayam zla ndata nga d’i le sunda kur agi suma hagi gagazid’ina.

Wana ni mbaktum mba Paul mi b’irit mi Tit-ta 2:11

Kayam Alona mi nde wa suma mam mbala ni sut ta yam ped’u d’a woi abua.

Hebre-na 12:1

Kayam ei suma suma glangâsâ ablaud’a nguyina, ar ei fogei ahle suma d’eleina ki tcho d’a nga ngapa ateid’a pet teyo. Ei vei tei ad’enga kur ringâ á vei vama Alona mi tinim sä avoreina.

Hebre-na 2:3

le ei golei sut ta ngol ndata ta ni, ei mba prud’i woi ni nana ge? Salad’a tamba mi de zla sut ndata woi avogo, suma a humut avunama a deizi djivi mata mi.

Hebre-na 4:2

Kayam ei humi Zla d’a Djivid’a d’igi suma hur fulîna a humut na mi. Azi humud’u, wani azi le nga sunda kat ti. Kayam ata yima azi humutna, azi he nga gagazid’a kat tuo mi.

Jacques 4:8

Ar agi hud’ugi go gen Alona, mam mba mi hud’ï gevegi go mi. Agi suma le tchod’a, agi mbuzugi abogi woyo. Agi suma lop ira, ar agi mbuzugi hurugi woi yed’et.

Jacques 5:20

ar agi wagi ala sama hulongî sama tchona woi kur lovot mam mba tchod’ina, mi sut ni sa máma woi kur matna. Tcho mam mba ablau ndata, Alona hurum mba vat tei kat mi.

1 Pierre 1:22

Agi mbud’ugi wa yed’et, agi gagi yagi kä ad’u zla d’a gagazid’a á lagi yam b’oziyogi suma a he gagazid’ina ki o d’a bei lop ira. Kayam ndata, agi lagi yam tagi ngola ki hur ma tuna.

1 Pierre 1:9

kayam agi mba fagi dabid’a hi he gagazi magid’id’a, nala, sut magid’a.

1 Pierre 2:1

Agi aragi ngangata ki zla d’a kad’a ki mbut ira ki yungôra ki zla d’a de d’a asa’ata pet teyo.

1 Pierre 2:11

Buniyôn suma od’a, an nga ni gigid’egi agi suma akoi suma tita akulo yam andagad’ina. Ar agi gologi tagi djivi ki d’od’oka hi hliuna d’a nga d’i dur ayîna ki tagid’a.