Jacques 1:11 - Bible azumeina

¹¹ Kayam afata ti deyâ, ayât mi nde kä, asuna mi so woyo, b’o mamba ti yak keyo, djif mama mi dap pei mi. Sama ndjondjoîna mba mi wal lei kahle mama ni hina mi.

Jacques 1:11 Kruisverwysings

2 Samuel 22:46

Andjaf suma dingâ a tchuk susub’ok, azi mba buzuk kei ki mandarâ kur gulumun mazi ma ad’eng ma ngunguna.

Sawal la giled’a 102:11

Kur ayî mangâ ki hur mang ma zal ma gugulu’â, ang hlan gan ndei dei ki sed’engû.

Sawal la giled’a 102:4

Burun nga mi kal lei d’igi andosâ mi valei na; hliwin mi gakud’a kekeng mi.

Sawal la giled’a 103:15

Sana burum ni d’igi asuna na, mi ni d’igi b’od’a hasu ma abageinid’a na mi.

Sawal la giled’a 37:2

Kayam azi mba so woi atogo d’igi asuna na, azi mba so woi d’igi asu ma nguloma na.

Sawal la giled’a 39:6

Gola! Ang ngan burun ni gid’enga d’igi hur abona na, kak man nda yam andagad’id’a ni va avorong ngi. Gagazi, sama lara pî ma nga tchola ad’engina mi ni vama hawa ya’â. Tchol ndjö

Sawal la giled’a 90:6

Yorogo mi wula mi b’o, fladege mi lugod’a mi so woi mi.

Ma tchi wala 5:15

Wana ni vama tcho ma kalâ d’ei: Mba mi i ni abom hawa d’igi mi mbeï na, mba mi fe ni djiviya me yam sun nda mam kau tam kat hawa hina yaka ge?

Isai 28:1

Wana ni zla d’a hohoud’a yam azì ma ngol ma Samari ma hle tam d’igi avaval la subur ra d’a suma Efraim suma a gurut ki sümina a kulubut kazina d’a. Nazì ma akulo yam yima nding ma avun hor ra tub’ad’a. Ni ma djif mama nga mi ngal wiwilik yam mam suma a nga gurut ki süma d’igi b’o d’a yak keid’a na na.

Isai 28:4

Gola! Mba mi miret b’o d’a yak kei d’a djifa hi Samari-d’a kä kasemu. Nazì ma akulo yam yima nding ma avun hor ra tub’ad’ina. Samari mba d’i mbut ni d’igi tulum ma mi ne avok yam ma vutina na. Sama mi wum avok kikidjina, mi ndod’om hur abom mi gum avunam mi ligim atogo zak!

Isai 49:10

Meid’a mba d’i tchazi d’i, vunazi mba mi so d’i. Yima aku ma huwa’â kafata a mba lazi ndaka d’i, kayam an ma wazi hohowozina mba ni ndjunuziya, mba ni tinizi ata mbiyo ma laud’a mi.

Matiye 13:6

Wani kid’a afata ti deîd’a, ti lugud’omu, mi so woyo, kayam sideyem mi i nga kä ngol li.

Matiye 20:12

A dum ala: Suma a le sunda lera tu gid’engâ, ang ndjagazi ki ami suma lami sunda ki ndaka falei dei ki zumalina.

Matiye 6:30

Le Alona nga mi tchuk baru ma djivina masu ma ini ndjivin a mba tchugum kur gring ma akud’ina na ni, mba mi tchugugi baruna atagi kal luo zu? Agi ni suma he gagazi magid’a akid’eid’ina.

Marik 4:6

Wani kid’a afata ti deîd’a, ti lugud’omu, mi so woyo, kayam sideyem mi i nga kä ngol li.

1 Korente-na 7:31

Ar suma a nga mbut abozi kahle suma yam andagad’ina a ka’î d’igi suma a nga ki va d’uo na na, kayam ahle suma yam andagad’ina a mba kal leyo.

1 Pierre 1:4

Ar ei lei furîd’a yam vama djo ma Alona nga mi ngomom sä akulo yam sum mamina. Ni vama djo ma ndak á b’lak keina d’i, ni ma bei ndjendjed’a, ni ma wile mamba nga d’i dap puo na, ni ma Alona sä mi ngomom akulo kagina.

1 Pierre 5:4

Fata Ma ngol ma kal tegles ma pol tumiyôna mi nde woid’a, agi mba fagi avaval la subura bei wile mata dap pei ba d’a.