Jacques 1:1 - Bible azumeina

¹ Ni an Jacques, azongâ hAlonina, ma hi Salad’a Jesus Christ-sâ mi. An nga ni gagi agi andjaf suma hAlona suma dogo yam mbà suma a b’rau woi kur duniyad’a petna depa.

Jacques 1:1 Kruisverwysings

1 Amuleina 18:31

Mi yo ahinad’a dogo yam mbà, ngad’a yam andjaf ma dogo yam mbàna hi Jakob ma Ma didina mi dum ala: Bugol hî a mba yang ala Israel-lu na.

Esdras 6:17

A hamuzlei suma andjofâ kis, gamlâna kikis mbà ki tumiyôna kikis fid’i he d’a hawad’a yam tin nda a tin gong nga kud’ora hAlonid’a irat vata. A he mbekmberena he d’a hawad’a dogo yam mbà ngad’a yam andjafâ hi Israel ma dogo yam mbàna á zlup yam tchod’a hi Israel-lîd’a avok Alona.

Ester 3:8

Haman mi de mamulâ Asuwerus ala: Andjaf suma dingâ a nga. A b’rau nga woi aduk suma kur ambas mangina pet, gat mazid’a ni vat zenen ki d’a hi suma pet, a nga tit yam gat manga d’uo mi. Le ang arazi hawa na ni, djivi mata ni me ge?

Buzuk ka Abud’a 24:4

Moise mi b’ir ahle suma Ma didina mi dumzina pet. Mi tchol ki yorogo tcholola, mi min yima ngal ahle suma ngat buzuna ad’u ahinad’a kä, mi ndjar ahinad’a dogo yam mbà akulo kad’ut ngad’a yam andjafâ hi Israel ma dogo yam mbàna.

Buzuk ka Abud’a 28:21

Ahina d’a lara pî agi b’irigi simiyê Israel grom suma dogo yam mbàna kua tutu pet d’igi sana mi b’ir simiyêm kur tampong mama na, mba d’i mbut ni vama taka yam andjafâ hi Israel ma dogo yam mbàna.

Buzuk ka Abud’a 39:14

Ahina d’a lara pî mi b’ir simiyê Israel grom suma dogo yam mbàna kua tutu pet d’igi sana mi b’ir simiyêm kur tampong mama na, mba d’i mbut ni vama taka yam andjafâ hi Israel ma dogo yam mbàna.

Ezekiyel 12:15

Fata an ni ndjoyôzi woi aduk andjaf suma yam ambasa tetengâ, azi mba wala an ni Ma didina.

Sunda hi suma hi Levi-nid’a 26:33

An mba ni ndjoyôgi woi vivreng kayî ma durâ; ambas magid’a mba d’i mbut nambas sa abageid’a, azì magi ma nglona mba mi arî djona mi.

Matiye 10:3

Filip ki Bartelemi, Toma ki Matiye ma ve lombod’a, Jacques Alfe goroma ki Tade,

Matiye 13:55

Ni ma tchet aguna goroma d’uo zu? A yi asum ala Marie d’uo zu? Jacques azi ki Josef ki Simon ki Jude a ni b’oziyoma d’uo zu?

Matiye 19:28

Jesus mi hulong dazi ala: Gagazi, an nga ni dagiya, fata Alona mba mi mbut ahlena pet awilid’a ata yima an Gor Sana mba ni kak yam zlam manda suburina, agi suma dogo yam mbà suma nga tid’igi ad’una, agi mba kagagi yam zlumiyô suma amula á ka sariyad’a yam andjafâ hi Israel ma dogo yam mbàna mi.

Marik 3:18

Andre, Filip, Bartelemi, Matiye, Toma, Jacques Alfe goroma, Tade, Simon ma kak djangûna ki gata hi Romê-nid’a avo’â,

Wana ni Zla d’a Djivi d’a Luc mi b’irita 22:30

kayam agi tagi agi tchagi ki sed’en kur leu manda. Agi mba kagagi yam zlumiyô suma amula á ka sariyad’a yam andjafâ hi Israel ma dogo yam mbàna.

Wana ni Zla d’a Djivi d’a Luc mi b’irita 6:15

Matiye ki Toma, Jacques Alfe goroma ki Simon ma kak djangûna ki gata hi Romê-nid’a avo’â,

Jean 12:26

Le sana mi min á lan sunda ni, mbeî mi tit ad’unu, kayam yima an mba kak kuana, man ma sunda mba mi kak kua mi. Le sana nga mi lan sunda ni, Abun mba mi hum ngola.

Jean 7:35

Kayam ndata, Juif-fâ a de tazi ala: Sa máma, mi i ni lara ba, ei ndak á feizi d’uo ge? Mi i ni gen Juif suma a b’rau woi aduk suma Gre’â á hat suma Gre’â zu?

Sunda hi suma a sunuzinid’a 1:13

Kid’a azi kal avod’a, azi djak kur gong nga yam ndrata akulod’a, ata yima azi nga kaka kuana, nala, Pierre azi ki Jean, Jacques, Andre, Filip, Toma, Bartelemi, Matiye, Jacques Alfe goroma, Simon ma kak djangûna ki gata hi Romê-d’a avo’â ki Judas Jacques goroma mi.

Sunda hi suma a sunuzinid’a 12:17

Mi lazi abom ala a ba, mi vazi ad’ud’a ni nana ba, Salad’a mi pad’amï woi kur dangeina ge. Mi dazi ala a de mi Jacques ki b’oziyod’a suma dingâ. Ata yi máma, mi i yima dingâ.

Sunda hi suma a sunuzinid’a 15:13

Kid’a azi dap zla mazi d’a dapa, Jacques mi dazi ala: B’oziyona, agi humugi zla manda.

Sunda hi suma a sunuzinid’a 15:21

Kayam me, kur atchogoi d’a kala gak ki tchetchem, suma a nga tchi wala yam gata hi Moise-sa kur azì ma ngol ma lara ge pet, a nga ndum mbaktum mamba kur gongîyo suma toka hi Juif-fîna, kur bur ma sabat ma lara ge pet.

Sunda hi suma a sunuzinid’a 15:23

A b’irizi mbaktumba abozi ala: Ami suma a sunumina ki suma nglona, ami b’oziyogina, ami nga sunugi mbaktumba mi agi b’oziyomi suma aduk andjaf suma ding suma kur Antiyos kur Siri kur Silisi-na, ami gagi depa.

Sunda hi suma a sunuzinid’a 2:5

Kur bur máma Juif suma ding suma a nga ring mandar Alonina a nga kaka Jerusalem. Ni suma tcholï ad’u andjafâ teteng pet kur duniyad’ina.

Sunda hi suma a sunuzinid’a 21:18

Tcha ndjivinda Paul mi i ki sed’emi avo hi Jacques; suma nglo suma gol toka pet a nga toka kua mi.

Sunda hi suma a sunuzinid’a 23:26

An Klaut Lisiyas nga ni b’iring mbaktum mba wanda mi ang Felix ma te yam ma kal teglesâ. An gang depa mi.

Sunda hi suma a sunuzinid’a 26:7

Amulâ, ni yam vun ma hle ma andjavami ma dogo yam mbàna a tin huruzi kama, d’igi a nga kud’or Alona andjege ki falei na. Ni kayam hur ma tin máma ba, Juif-fâ a tchugun ki zlad’a kan wana.

Sunda hi suma a sunuzinid’a 8:1

Kur bur máma djop vun ma ngolâ mi nde yam suma toka avo Jerusalem. Azi pet a b’rau woi yayak yam ambas sa Jude-d’a ki Samari. Suma a sunuzina a arî azi hol.

Romê-na 1:1

Ni an Paul azongâ hi Jesus Christ ma Alona mi yan mi mbud’un ma a sunuma ata yima mi manan á tchi wal Zla mam mba Djivid’ina.

Galat-na 1:19

Wani an we nga sama a sunum ma ding ngi, ni Jacques Salad’a wiyema hol.

Galat-na 2:12

Kayam avok ka suma Jacques mi sunuzina a nga bei mbad’a tua d’a, mam nga mi te tena ki b’oziyoi andjaf suma dingâ. Wani ata yima azi mbazina, mam wal tam mbei bei te tena ki sed’ezi kayam mi le ni mandara suma a min ngat andjaf suma dingâ bayâd’ina.

Galat-na 2:9

Wani Jacques azi ki Pierre ki Jean, ni suma suma a golozi d’igi suma avok suma na na, ata yima azi wala Alona mi van wa sumad’a na, ami ki Barnabas, azi gami depa kabozi ma ndjufâ á tak kei ala azi le darigïd’a ki sed’emiya, kayam ami mba imi tchami wala mandjaf suma dingâ, azi mba i tchi wala mi Juif-fâ mi.

Gat ta a hat á mbàd’id’a 28:64

Ma didina mba mi b’rawagi woi yayak aduk suma dingâ tinï ad’ud’a avun dabid’a handagad’id’a abo hî dei gak nde woi abo hî. Agi mba kud’urogi alo ma ding ma agi d’oze abuyogi ngolo a wum nga yazi tu d’uo ma ahinad’a ki ma aguna.

Gat ta a hat á mbàd’id’a 30:3

ata yi máma Ma didina mba mi wagi hohowogiya, mba mi yogï woi kur magomba, mba mi togogï kur ambas sa lara d’a mam mba mi ndjoyôgi woi kura.

Gat ta a hat á mbàd’id’a 32:26

An djib’er kurun ala an mba ni dabazi woi pet, an mba ni mbud’uzi suma sa mba mi djib’er kazi yam andagad’a d’uo na.

Gat ta a hat á mbàd’id’a 4:27

Ma didina mba mi b’rawagi woi aduk andjaf suma, agi mba mbud’ugi nandjaf ma akid’eina aduk suma Ma didina nga mi igi kua wana.

Filip-ma 1:1

Ni an Paul ki Timote, azungeîna hi Jesus Christ-sâ. Ami nga b’irimi mbaktum mba wanda mi agi suma hAlona pet suma a he gagazid’a yam Jesus Christ suma avo Filip-ma, zlapa ki suma gol Toka ki suma a le sunda mi Tokina mi.

2 Timote 4:21

Ang b’at tang á mbeï avok vun simetna. Eubulus azi ki Puden ki Linus ki Klaudiya ki b’oziyoina pet, a gang depa.

Wana ni mbaktum mba Paul mi b’irit mi Tit-ta 1:1

Ni an Paul, azongâ hAlonina, ni ma a sunuma hi Jesus Christ-sâ. Mi tinin á mba ki suma he gagazid’a suma Alona manazina á we zla d’a gagazid’a, á had’azi yam he gagazi meid’a mi,

1 Pierre 1:1

Ni an Pierre ma a sunuma hi Jesus Christ-sâ. An nga ni sun mbaktum mba wanda mi agi suma Alona mi managi suma b’rawagi woi kur ambas sa Pong, Galat, Kapados, Asi ki d’a kur Bitini-d’ina.

2 Pierre 1:1

Ni an Simon Pierre, azong ma a sunuma hi Jesus Christ-sâ. An nga ni b’ir mbaktum mba wanda mi agi suma a fagi he gagazi d’a guzut kal tegles d’igi ami na na, yam d’ingêra hi Jesus Christ Alo mei ma sud’ina.

Jude 1:1

Ni an Jude ma sunda hi Jesus Christ ma Jacques wiyemina. An nga ni b’ir mbaktumba mi agi suma Alona Abui mi yagi suma nga mi le kagi heî suma nga mi ngomogi zlapa ki Jesus Christ-sâ.

Vama ndum mbeina 7:4

A tagan ablau suma a kazi geuna hAlonina avorozina. Azi ni dudubud’a kis yam dudubud’a dok fid’i yam dudubud’a fid’i mi. Azi nad’u andjafâ hi Israel-lîna pet.